India broke Australia T20 World Cup Record | ఆస్ట్రేలియా రికార్డును బద్దలు కొట్టిన భారత్

క్రికెట్ ప్రపంచంలో తిరుగులేని టీమ్ గా ఎదిగిన టీమిండియా మరో అరుదైన మైలురాయిని అందుకుంది. ఐసీసీ వైట్-బాల్ టోర్నమెంట్లలో అత్యధిక వరుస విజయాలు సాధించిన జట్టుగా భారత్ సరికొత్త ప్రపంచ రికార్డు సృష్టించింది. పాకిస్థాన్‌పై సాధించిన ఘనవిజయంతో భారత్ వరుసగా 16వ విజయాన్ని తన ఖాతాలో వేసుకుంది. దాంతో ఆస్ట్రేలియా ( Australia ) పేరిట ఉన్న రికార్డును సూర్య సేన తుడిచిపెట్టేసింది.

ఇంతకుముందు వరుసగా 15 విజయాలతో ఆస్ట్రేలియా అగ్రస్థానంలో ఉండేది. 2006 నుంచి 2007  వన్డే ప్రపంచకప్ సమయంలో ఆసీస్ ఈ ఘనత సాధించింది. గత టీ20 ప్రపంచకప్ ( T20 World Cup ) నుండి ప్రస్తుత 2026 వరల్డ్ కప్ వరకు టీమిండియా ఓటమనేదే లేకుండా వరుసగా ప్రత్యర్థులను చిత్తు చేస్తూ వస్తోంది. 

రోహిత్ శర్మ నుండి సూర్యకుమార్ యాదవ్ వరకు కెప్టెన్సీ మారినా, ఇండియా మాత్రం గెలుస్తూనే వస్తుంది. ఆలా వరుసగా 16 విజయాలను అందుకుంది. ప్రస్తుతం టీమిండియా ఫామ్ చూస్తుంటే ఈ విజయాల నెంబర్ ఇంకా పెరిగే అవకాశం కనిపిస్తుంది.