Hardik Pandya Epic 'No-Look' Wicket | వైరల్ అవుతున్న హార్దిక్ 'నో-లుక్' వికెట్
కొలంబో వేదికగా జరిగిన ఐసీసీ టీ20 ప్రపంచకప్ 2026 ( ICC T20 World Cup 2026 ) పోరులో భారత్ 61 పరుగుల తేడాతో పాకిస్థాన్ను చిత్తు చేసింది. టీమిండియా ఆధిపత్యం ఒకెత్తయితే, మైదానంలో హార్దిక్ పాండ్యా ప్రదర్శించిన 'కాన్ఫిడెన్స్' ఇప్పుడు హాట్ టాపిక్గా మారింది. ముఖ్యంగా పాక్ ఓపెనర్ను అవుట్ చేసిన తర్వాత పాండ్యా ఇచ్చిన రియాక్షన్ నెటిజన్లను ఫిదా చేస్తోంది.
భారత్ నిర్దేశించిన 176 పరుగుల లక్ష్యంతో బరిలోకి దిగిన పాక్కు పాండ్యా చుక్కలు చూపించాడు. కొత్త బంతితో బౌలింగ్కు వచ్చిన హార్దిక్, తొలి ఓవర్ను కేవలం మేడిన్గా ముగించడమే కాకుండా, సాహిబ్జాదా ఫర్హాన్ను ( Sahibzada Farhan ) అవుట్ చేసాడు.
మొదటి ఓవర్ నాలుగో బంతికి ఫర్హాన్ పుల్ షాట్ ఆడగా, బంతి గాల్లోకి లేచింది. బౌండరీ లైన్ వద్ద రింకు సింగ్ ఆ క్యాచ్ను అందుకుంటున్న సమయంలో పాండ్యా కనీసం వెనక్కి తిరిగి కూడా చూడలేదు. అవుట్ అవుతాడన్న నమ్మకంతో నేరుగా బ్యాటర్ వైపు చూస్తూ నడుచుకుంటూ వెళ్ళిపోయాడు. ఈ 'నో-లుక్' వికెట్ ( 'No-Look' Wicket ) వీడియో చూసిన అభిమానులు హార్దిక్ పాండ్యాకు ఫిదా అవుతున్నారు. పాక్పై భారత్ గెలుపులో హార్దిక్ పాండ్యా స్టైలిష్ వికెట్ టేకింగ్ మ్యాచ్కే హైలైట్గా నిలిచింది.
టాప్ హెడ్ లైన్స్
ట్రెండింగ్ వార్తలు
