Hardik Pandya back in Mumbai Indians Team | ముంబై టీంలోకి కెప్టెన్ హార్దిక్ కమ్‌బ్యాక్

అనారోగ్యం కారణంగా ఢిల్లీ క్యాపిటల్స్‌తో జరిగిన గత మ్యాచ్‌కు దూరమైన కెప్టెన్ హార్దిక్ పాండ్యా ఇప్పుడు పూర్తిగా కోలుకున్నాడు. ఇవాళ రాజస్థాన్ రాయల్స్‌తో జరగబోయే పోరుకు అందుబాటులో ఉంటారని ముంబై బౌలింగ్ కోచ్ పరాస్ మాంబ్రే స్పష్టం చేశాడు. 

గౌహతిలో జరిగిన నెట్ సెషన్స్‌లో హార్దిక్ బ్యాటింగ్, బౌలింగ్ ప్రాక్టీస్ చేస్తూ కనిపించాడు. హార్దిక్ కేవలం అస్వస్థత వల్లే మ్యాచ్ లో ఆడలేదని, ఆయనకు ఎలాంటి గాయాలు కాలేదని కోచ్ స్పష్టత ఇచ్చారు. ఢిల్లీతో జరిగిన గత మ్యాచ్‌లో హార్దిక్ లేకపోవడంతో ముంబై తన టీమ్ కాంబినేషన్ మార్చాల్సి వచ్చింది. 

సౌత్ ఆఫ్రికా ఆల్‌రౌండర్ కార్బిన్ బాష్‌ను జట్టులోకి తీసుకున్నారు. అలాగే దీపక్ చాహర్ కూడా తుది జట్టులో చోటు సంపాదించుకున్నాడు. "హార్దిక్ అందుబాటులో లేకపోవడం వల్ల టాక్టికల్ గా కొన్ని మార్పులు చేశాం. ఆయన ఉంటే బ్యాటింగ్, బౌలింగ్ రెండింటిలోనూ డెప్త్ ఉంటుంది. ఇప్పుడు ఆయన తిరిగి రావడం మాకు పెద్ద ప్లస్ పాయింట్" అని మాంబ్రే పేర్కొన్నాడు. గాయాలు అనేవి మన నియంత్రణలో ఉండవని, కానీ ఎవరైనా దూరమైనప్పుడు వారి స్థానాన్ని భర్తీ చేసే సత్తా ఉన్న ఆటగాళ్లు త‌మ దగ్గర ఉన్నారని ఆయన ధీమా వ్యక్తం చేశాడు.