CSK vs GT IPL 2026 Highlights | గుజరాత్ చేతిలో చెన్నై ఘోర పరాజయం
అహ్మదాబాద్ వేదికగా గుజరాత్ టైటాన్స్తో జరిగిన డూ-ఆర్-డై మ్యాచ్లో సీఎస్కే 89 పరుగుల భారీ తేడాతో ఓటమిపాలైంది. ఈ ఘోర పరాజయంతో చెన్నై ప్లేఆఫ్స్ రేసు నుంచి తప్పుకోగా, గుజరాత్ టైటాన్స్ తమ స్థానాన్ని పదిలం చేసుకుంది.
టాస్ ఓడి మొదట బ్యాటింగ్ చేసిన గుజరాత్ టైటాన్స్ బ్యాటర్లు చెన్నై బౌలర్లపై విరుచుకుపడ్డారు. టాప్-3 బ్యాటర్లు హాఫ్ సెంచరీలతో చెలరేగడంతో గుజరాత్ 20 ఓవర్లలో 4 వికెట్లకు 229 పరుగుల భారీ స్కోరు సాధించింది. సాయి సుదర్శన్ 84 పరుగులు, కెప్టెన్ శుభ్మన్ గిల్ 64 పరుగులు చేయగా.. ఆఖర్లో జోస్ బట్లర్ కేవలం 27 బంతుల్లోనే 57 పరుగులతో నాటౌట్గా నిలిచి సీఎస్కేకు కోలుకోలేని షాకిచ్చారు.
230 పరుగుల భారీ లక్ష్యంతో బరిలోకి దిగిన చెన్నై సూపర్ కింగ్స్ను మహమ్మద్ సిరాజ్ తన పవర్ ప్లే బౌలింగ్తో ముంచేశాడు. మ్యాచ్ తొలి బంతికే సంజూ శాంసన్ను డకౌట్ చేసిన సిరాజ్, ఆ తర్వాత ఓవర్లోనే కెప్టెన్ రుతురాజ్ గైక్వాడ్, ఉర్విల్ పటేల్ లను అవుట్ చేసి చెన్నై టాప్ ఆర్డర్ను కుప్పకూల్చాడు. సిరాజ్ దెబ్బకు పవర్ ప్లేలోనే 3 వికెట్లు కోల్పోయి సీఎస్కే తీవ్ర ఒత్తిడిలోకి వెళ్ళింది. మధ్యలో శివమ్ దూబే 17 బంతుల్లో 47 పరుగులు, మాథ్యూ షార్ట్ 24 పరుగులతో కాస్త పోరాడినా ప్రయోజనం లేకపోయింది. చెన్నై 13.4 ఓవర్లలోనే కేవలం 140 పరుగులకే ఆలౌట్ అయింది.
టాప్ హెడ్ లైన్స్
ట్రెండింగ్ వార్తలు
