Australia vs Sri Lanka T20 World Cup 2026 | అద్భుతమైన విజయంతో సూపర్ -8లోకి శ్రీలంక
టీ20 ప్రపంచకప్ 2026లో ( T20 World Cup 2026 ) సంచలన మ్యాచ్ జరిగింది. శ్రీలంక 8 వికెట్ల తేడాతో ఆస్ట్రేలియాను చిత్తు చేసింది. ఈ విజయంతో లంక సూపర్-8కు దూసుకెళ్లగా, ఆస్ట్రేలియా కథ ఇప్పుడు ఇతర జట్ల చేతుల్లోకి వెళ్లిపోయింది.
తొలుత బ్యాటింగ్ చేసిన ఆస్ట్రేలియా 181 పరుగుల భారీ స్కోరును సాధించింది. శ్రీలంక ఓపెనర్ పాతుమ్ నిస్సాంక ( Pathum Nissanka ) దానికి ఏమాత్రం తగ్గకుండా కేవలం 52 బంతుల్లో 100 పరుగులు చేసి అజేయంగా నిలిచాడు. ఇందులో 10 ఫోర్లు, 5 సిక్సర్లు ఉన్నాయి. మరోవైపు కుశాల్ మెండిస్ ( Kusal Mendis ) కూడా తనవంతు సహకారం అందించాడు. శ్రీలంక 18 ఓవర్లలోనే లక్ష్యాన్ని ఛేదించింది. ఆసీస్ బౌలర్లలో స్టోయినిస్ తప్ప మరెవరూ వికెట్ తీయలేకపోవడం గమనార్హం.
జింబాబ్వే ( Zimbabwe ) చేతిలో పరాజయం పాలైన ఆసీస్, ఇప్పుడు లంక చేతిలో కూడా ఓడిపోవడంతో సూపర్-8 అవకాశాలను చేజార్చుకునేలా కనిపిస్తుంది. ఇప్పటి వరకు జరిగిన 3 మ్యాచ్ల్లో కేవలం ఒక విజయంతో పాయింట్స్ పట్టికలో మూడో స్థానంలో ఉంది ఆసీస్. ఆస్ట్రేలియా తన తదుపరి మ్యాచ్లో ఒమన్ను భారీ తేడాతో ఓడించడమే కాకుండా.. ఐర్లాండ్తో జరిగే మ్యాచ్లో జింబాబ్వే ఓడిపోవాలని ప్రార్థించాలి. ఒకవేళ జింబాబ్వే గెలిస్తే, ఆస్ట్రేలియా టోర్నీ నుండి నిష్క్రమిస్తుంది.
టాప్ హెడ్ లైన్స్
ట్రెండింగ్ వార్తలు
