Abhishek Sharma Ind vs Ned T20 World Cup | వరల్డ్ కప్ లో అభిషేక్ శర్మ హ్యాట్రిక్ డకౌట్
అహ్మదాబాద్ ( T20 World Cup ) వేదికగా నెదర్లాండ్స్తో జరిగిన మ్యాచ్లో టీమిండియా ఓపెనర్ అభిషేక్ శర్మ ( Abhishek Sharma ) బ్యాటింగ్ ఇప్పుడు చర్చనీయాంశమైంది. ఈ మ్యాచ్లో భారత్ గెలిచినా, అభిషేక్ శర్మ మాత్రం తన కెరీర్లోనే అత్యంత దారుణమైన ఫేజ్ను ఎదుర్కొంటున్నాడు.
ఈ మ్యాచ్లో అందరినీ ఆశ్చర్యపరిచిన విషయం ఏమిటంటే.. అభిషేక్ శర్మ తన సొంత జెర్సీకి బదులుగా మహమ్మద్ సిరాజ్ జెర్సీ ( Mohammed Siraj ) ధరించి బ్యాటింగ్కు రావడం. అందుకు కారణం అభిషేక్ తన జెర్సీని హోటల్ రూమ్లో మర్చిపోయాడు. దాంతో బెంచ్ ప్లేయర్ అయిన సిరాజ్ జెర్సీని అతను వాడాల్సి వచ్చింది. ఫీల్డింగ్ సమయంలోనూ అతను అదే జెర్సీలో కనిపించాడు.
ఈ మ్యాచ్ లో ఆర్యన్ దత్ వేసిన తొలి ఓవర్లోనే క్లీన్ బౌల్డ్ అయి, ప్రపంచకప్లో వరుసగా మూడో 'డకౌట్' నమోదు చేశాడు. టీ20 ప్రపంచకప్ చరిత్రలో వరుసగా మూడు మ్యాచ్ల్లో సున్నాకే అవుటైన రెండో భారత బ్యాటర్గా అభిషేక్ పేరు నమోదు చేసుకున్నాడు. అంతేకాదు, ఒకే క్యాలెండర్ ఇయర్లో అత్యధిక సార్లు డకౌట్ అయిన భారత ఓపెనర్గా కూడా నిలిచాడు. గత 7 ఇన్నింగ్స్ల్లో అభిషేక్ ఐదు సార్లు సున్నాకే వెనుదిరగడంతో అంతని ఫార్మ్ పై చర్చ మొదలయింది. వరుస డకౌట్లతో సతమతమవుతున్న అభిషేక్ శర్మను సూపర్-8లో కొనసాగిస్తారా? లేక సంజూ శాంసన్కు ( Sanju Samson ) అవకాశం ఇస్తారా అనేది చూడాలి.
టాప్ హెడ్ లైన్స్
ట్రెండింగ్ వార్తలు
