WomenCI: స్పెషల్ ఎన్ ఫోర్స్ మెంట్ బ్యూరో పోలీసులను అడ్డంగా బుక్ చేయించిన కూల్ డ్రింక్ షాప్ యజమాని

స్పెషల్ ఎన్ ఫోర్స్ మెంట్ బ్యూరో పోలీసుల లంచావతారాన్ని ఓ కూల్ డ్రింక్ షాప్ యజమాని బట్టబయలు చేశాడు. ఏసీబీకి సమాచారమిచ్చి రెడ్ హ్యాండెడ్ గా పట్టించాడు. నెలవారీ మామూళ్లు ఇవ్వాలంటూ వేధిస్తున్నసెబ్ కానిస్టేబుల్ ని అరెస్ట్ చేయించాడు. మద్యం దుకాణం దగ్గర్లో ఉన్న కూల్ డ్రింక్ షాపు వద్దకు వెళ్లి నెలవారీ మామూళ్లు అడిగారు సెబ్ పోలీసులు. నీ షాపు పక్కనే మద్యం తాగుతున్నారు, బెల్ట్ షాపు పేరుతో బుక్ చేస్తామని హెచ్చరించారు. ఈ ఘటన నెల్లూరు జిల్లా నాయుడుపేటలోని శ్రీనివాస థియేటర్ వద్ద జరిగింది. చివరకు లంచం ఇస్తానని చెప్పి ఏసీబీకి ఫిర్యాదు చేశాడు బాధితుడు. దీంతో 10వేల రూపాయలు లంచం తీసుకుంటూ సెబ్ కానిస్టేబుల్ బాలవర్దన్ ను ఏసీబీ అధికారులు అరెస్ట్ చేశారు. సీఐ అరుణకుమారి పాత్రపై విచారణ మొదలు పెట్టారు. #Nellore # #ABPDedam