PM Modi : ప్రధాని మోదీ వారణాసి పర్యటనలో అనూహ్య ఘటన

ప్రధాని నరేంద్రమోదీ సోమవారం తన నియోజకవర్గం వారణాసిలో పర్యటిస్తున్నారు. కాశీ సుందరీకరణ పనులు, గంగా నదిని కలుపుతూ ఈ నడవాను నిర్మించారు. ఈ సందర్భంగా భారీ భద్రత నడుమ ప్రధాన దేవాలయానికి మోదీ కాన్వాయ్‌ వెళ్తుండగా.. ఓ అనూహ్య సంఘటన చోటుచేసుకుంది. కాషాయ వస్త్రాల్లో ఉన్న ఓ వ్యక్తి తాను తెచ్చిన కానుకలు ప్రధానికి అందించేందుకు ప్రయత్నించారు. భద్రతా కారణాల దృష్ట్యా సిబ్బంది అడ్డుకునేందుకు ప్రయత్నించగా.. మోదీ వాటిని తనకు అందించాలని వారికి చెప్పారు. అక్కడే కారు ఆపించి, ఆ వ్యక్తి తెచ్చిన తలపాగా, కాషాయ వస్త్రాన్ని స్వీకరించారు. భద్రతా వలయం లోపలికి వచ్చి ఆ వ్యక్తే స్వయంగా వాటిని మోదీకి అందించారు. దీనిపై భాజపా నేత ఒకరు స్పందిస్తూ.. ఆయన సామాన్యుడి ప్రధాని అంటూ కొనియాడారు. దానికి సంబంధించిన వీడియో షేర్ చేశారు.