Minister KTR helps Punjab sportswoman : పంజాబ్ బధిర క్రీడాకారిణికి మంత్రి కేటీఆర్ సాయం

పంజాబ్ బధిర చెస్ క్రీడాకారిణి మలికా హండా ఆవేదన ఇటీవల సోషల్ మీడియాలో బాగా వైరలైంది. పంజాబ్ ప్రభుత్వం తనకు ఇచ్చిన హామీలను నిలబెట్టుకోలేదని తన సైగల ద్వారా బాధను పంచుకుంది. అప్పుడే ఈ అంశంపై స్పందించిన కేటీఆర్.. తాజాగా తన విశాల హృదయాన్ని చాటుకున్నారు. మలికా హండాను ప్రత్యక్షంగా కలిసిన ఆయన... వ్యక్తిగతంగా 15లక్షల రూపాయల సాయాన్ని అందించారు. ఓ ల్యాప్ టాప్ ను కూడా ఇచ్చారు. కేంద్ర క్రీడాశాఖ మంత్రి అనురాగ్ ఠాకూర్ ను సోషల్ మీడియాలో ట్యాగ్ చేసిన కేటీఆర్... మలికా హండాకు ఓ ప్రభుత్వ ఉద్యోగం వచ్చేలా చూడాలన్నారు.