Toxic Movie Telugu Review | యష్ 'టాక్సిక్' హిట్టా? ఫ్లాపా?

రాకింగ్ స్టార్ యష్, గీతూ మోహన్‌దాస్ కాంబినేషన్‌లో భారీ అంచనాల మధ్య విడుదలైన మోస్ట్ అవైటెడ్ పాన్-ఇండియా చిత్రం 'టాక్సిక్. 'కేజీఎఫ్ 2' వంటి సంచలనం తర్వాత యష్ నుంచి వచ్చిన సినిమా కావడంతో ఆడియన్స్‌లో విపరీతమైన హైప్ నెలకొంది.

ఇక కథ విషయానికొస్తే స్వాతంత్య్రానికి పూర్వం పోర్చుగీస్ అధీనంలో ఉన్న గోవా నేపథ్యంలో కథ సాగుతుంది. అక్క గంగ అంటే నయనతార సలహాలతో గోవాను తన గుప్పిట్లో ఉంచుకుంటాడు రాయా యష్. సాల్వదార్ కూతురు రెబక్కా తారా సుతారియాతో పెళ్లి నిశ్చయమైనా, సర్కస్ ఆర్టిస్ట్ నాడియా అంటే కియారా అడ్వాణీతో రాయా ప్రేమలో పడతాడు. అయితే రాయా జీవితంలోకి మెలిశా పాత్రలో నటించిన రుక్మిణీ వసంత్? సొంత కొడుకు టికెట్ పాత్రలో నటించిన యష్ తండ్రికి ఎందుకు ఎదురుతిరిగాడు? అనేది వెండితెరపై చూడాల్సిందే.

ట్రైలర్ చూసి ఇదొక మాస్ యాక్షన్ అండ్ రొమాంటిక్ ఫిల్మ్ అని భావిస్తే, క్లైమాక్స్‌కి వచ్చేసరికి సైకలాజికల్ డ్రామాగా మారుతుంది. 'కేజీఎఫ్'లో మదర్ సెంటిమెంట్ క్లిక్ అయినట్లు, ఇందులో అక్క-తమ్ముళ్ల ఎమోషన్ అస్సలు వర్కవుట్ కాలేదు. గీతూ మోహన్‌దాస్ టేకింగ్, యష్ రాసిన క్యారెక్టరైజేషన్లలో లాజిక్ లోపించింది. బలమైన కోర్ ఎమోషన్ లేకపోవడం, లెంగ్త్ ఎక్కువ అవ్వడంతో ఫస్ట్ హాఫ్ నుంచే బోర్ కొడుతుంది. 

యష్ నటన, స్టైలింగ్ బాగున్నా డ్యూయల్ రోల్ అంతగా మెప్పించదు. కియారా, తారా సుతారియా గ్లామర్‌కే పరిమితమవ్వగా, నయనతార నటన ఓకే. మొత్తంగా విజువల్స్ రిచ్‌గా ఉన్నా, బలహీనమైన కథ కథనాల వల్ల 'టాక్సిక్' ఆడియన్స్ అంచనాలను అందుకోవడంలో తడబడింది.