SSMB 29 Rajamouli Mahesh Movie Update | ఈసారి కొట్టే దెబ్బకు ప్యాన్ వరల్డ్ షేక్ అయిపోవాల్సిందే | ABP Desam

 రాజమౌళి ఏం చేసినా చాలా భారీగానే ఉంటుంది. తెలుగు సినిమాను ముందు ప్యాన్ ఇండియా లెవల్లో..తర్వాత ఇండియన్ సినిమాను హాలీవుడ్ వేదికలపై నిలబెట్టిన ఘనత ఆయనదే. RRR తో ప్యాన్ వరల్డ్ ను షేక్ చేసిన జక్కన్న ఇప్పుడు మహేశ్ బాబుతో తీయనున్న సినిమా కోసం ఫుల్ ఫోకస్ పెట్టారు. ఇప్పటికే ప్రీ ప్రొడక్షన్ పనులను వేగంగా పూర్తి చేసుకుంటున్న ఈచిత్రం అతి త్వరలోనే సెట్స్ మీదకు వెళ్లనుంది. అమెజాన్ అడవుల బ్యాక్ డ్రాప్ లో గ్లోబ్ ట్రాటింగ్ యాక్షన్ అడ్వెంచర్ గా రూపు దిద్దుకుంటున్న ఈ సినిమా బడ్జెట్ మీద ఓ క్లారిటీ అయితే వచ్చింది. SSRM29 కోసం రాజమౌళి ఏకంగా వెయ్యికోట్ల రూపాయల బడ్జెట్ పెడుతున్నట్లు ఇన్ సైడర్స్ టాక్. ప్రస్తుతానికి దుర్గా ఆర్ట్స్ పతాకంపై కేఎల్ నారాయణ రూపొందిస్తున్న ఈ సినిమా సెట్స్ మీదకు వెళ్లినకొద్దీ ఇంటర్నేషనల్ ప్రొడక్షన్ హౌస్ లను ఆహ్వానించొచ్చని తెలుస్తోంది. RRR టైమ్ లో అవతార్ డైరెక్టర్ జేమ్స్ కేమరూన్, జురాసిక్ పార్క్ డైరెక్టర్ స్టీవ్ స్పీల్ బర్గ్ లాంటి లెజెండ్స్ రాజమౌళితో కలిసి ఇండియన్ సినిమా మీద పనిచేయటానికి తమ ఇంట్రెస్ట్ ను బహిరంగంగానే ప్రదర్శించారు. సో ఆ గుడ్ విల్ ను రాజమౌళి ప్రాజెక్ట్ మీదకు షిఫ్ట్ చేసే అవకాశం ఉందని చెబుతున్నారు. నార్మల్ గా తీసిన RRR కే ఓ రేంజ్ లో ప్రమోషన్స్ చేస్తూ ఆస్కార్ సాధించే వరకూ వదిలిపెట్టిన జక్కన్న ఇప్పుడు అత్యంత ప్రతిష్ఠాత్మకంగా చేస్తున్న మహేశ్ సినిమా కోసం ఏ అవకాశాన్ని వదులుకునేలా లేడని చెబుతున్నారు. ఆయన ఈసారి పెట్టుకుంటున్న టార్గెట్ కూడా ఏ భారతీయ సినిమా చూడనిది విననిది ఏకంగా 4వేల కోట్ల రూపాయల బాక్సాఫీస్ ను కొల్లగొట్టాలని రాజమౌళి ప్లాన్ చేశారట. సో మహేశ్ రాజమౌళి సినిమాకు ఆ దమ్ము ఉందని తమ్మారెడ్డి భరద్వాజ లాంటి ఇండస్ట్రీ ఇన్ సైడర్స్ కూడా తమ ఇంటర్వ్యూలో చెబుతుండటం ఈ సినిమా రేంజ్ ఏంటో ఫ్యాన్స్ కుూడా అందని రీతిలో సాగుతోంది.