SS Rajamouli Lion Update | వైల్డ్ సఫారీ ఫోటోలతో హింట్స్ ఇస్తున్న రాజమౌళి | ABP Desam

 సూపర్ స్టార్ మహేశ్ బాబు తో ఎస్ ఎస్ రాజమౌళి తెరకెక్కిస్తున్న సినిమా అప్డేట్స్ జోరందుకున్నాయి. ఇప్పటికే ప్రీపొడక్షన్ పనులు స్పీడప్ చేసిన రాజమౌళి కెన్యా, టాంజానియాల్లో తిరుగుతూ లొకేషన్లు సెర్చ్ చేస్తున్నారు. నేషనల్ పార్కుల్లో వైల్డ్ సఫారీ చేస్తూ మహేశ్ సినిమాకు కావాల్సిన సరుకును రెడీ చేస్తున్నారు. పనిలో పనిగా ఫ్యాన్స్ ను టీజ్ చేసేందుకు ఇదిగో ఇలా అప్డేట్స్ కూడా ఇస్తున్నారు రాజమౌళి.  టాంజానియాలోని సెరెంజెటీ అనే లయన్ రిజర్వ్ ఏరియా ఇది. ఇక్కడ ఆఫ్రికాకే రారాజు అని పిలుచుకునే భారీ సింహాలు ఉంటాయి. అలాంటి సింహం చాలా దూరంలో ఉండగానే రాజమౌళి పక్కనే ఉన్నట్లుగా ట్రిక్ ఫోటోగ్రఫీ చేశారు సౌతాఫ్రికన్ వైల్డ్ ఫోటోగ్రాఫర్ క్రిస్ ఫాలోస్. పైగా ఆ సింహం పేరు బాబ్ జూనియర్ అంట. ఇంకేం రాజమౌళి ఆ సింహం దగ్గర సూపర్ స్టార్ మహేశ్ బాబును ట్యాగ్ చేసి ఈ సింహం పేరు బాబ్ జూనియర్. ఎవరినో అంటున్నానో అర్థం అయ్యిందిగా అని పోస్ట్ పెట్టారు. దానికి మహేశ్ బాబు కూడా లవ్ ఎమోజీస్ తో రిప్లై ఇచ్చారు. గ్లోబ్ ట్రాటింగ్ యాక్షన్ అడ్వెంచర్ ఫిలింగా రాజమౌళి తెరకెక్కిస్తున్న ఈ సినిమా షూటింగ్ వచ్చే ఏడాది మొదలు కానుంది.