పుష్ప 2 ట్రైలర్‌లో హైలైట్ షాట్ ఇదే

మోస్ట్ అవైటెడ్ పుష్ప 2 ట్రైలర్ వచ్చేసింది. కంప్లీట్ మాసీగా, పుష్ప చాప్టర్ 1కి మించి ఈ సినిమా ఉండబోతుందని హింట్ ఇచ్చాడు డైరెక్టర్ సుకుమార్. ఇక అల్లు అర్జున్ కూడా పుష్ప రోల్‌లో మరోసారి తన మార్క్ చూపించాడు. యాసలో చెప్పిన డైలాగ్‌లు, యాక్షన్ సీన్స్‌..ఇలా అన్నీ కలిపి ట్రైలర్ అదుర్స్ అనిపించింది. అయితే..అన్నింటి కన్నా ట్రైలర్ మొత్తంలో ఇంట్రెస్టింగ్ షాట్ ఒకటి కనిపించింది. రష్మిక కూర్చుని ఉంటే..అల్లు అర్జున్ ఆమె కాలిని తీసుకుని గడ్డాన్ని దువ్వుకుంటాడు. జనరల్‌గా పుష్ప అనే క్యారెక్టర్‌కి ఓ మేనరిజం ఉంటుంది. తగ్గేదేలే అంటూ చేయితో గడ్డాన్ని దువ్వుకుంటాడు. ఇది చాలా పాపులర్ అయింది కూడా. అదే మేనరిజాన్ని ఈ సారి కొత్తగా చూపించాడు డైరెక్టర్ సుక్కు. రష్మిక కాలితో గడ్డాన్ని దువ్వుకున్నట్టుగా ఓ షాట్ తీశాడు. పుష్ప, శ్రీవల్లి మధ్య బాండింగ్ ఎలా ఉంటుందో ఇలా చూపించాడు సుక్కు. సింపుల్‌గా చెప్పాలంటే...ఈ ట్రైలర్ మొత్తంలో ఇదే హైలైట్ షాట్. అల్లు అర్జున్ కూడా తన స్టార్‌డమ్‌ని పక్కన పెట్టేసి పూర్తిగా క్యారెక్టర్‌లో ఇన్వాల్వ్ అయ్యి ఈ సీన్ చేశాడని అర్థమవుతోంది. జస్ట్ ఓ షాట్‌లోనే ఇలా ఉంటే...సినిమాలో వీళ్ల బాండింగ్‌ని ఇంకెంత స్పెషల్‌గా చూపించాడనేదే ఇంట్రెస్టింగ్‌గా మారింది.