NBK112 Pooja Ceremony Balakrishna | NBK112 పూజా కార్యక్రమం

గాడ్ ఆఫ్ మాసెస్, నట సింహం నందమూరి బాలకృష్ణ కథానాయకుడిగా కొరటాల శివ దర్శకత్వంలో ఓ సినిమా రూపొందుతున్న సంగతి తెలిసిందే. బాలయ్య 112వ సినిమా కావడంతో ఎన్‌బీకే112 అని వర్కింగ్ టైటిల్ పెట్టారు. మంగళగిరిలో పూజతో ఇవాళ సినిమా ప్రారంభమైంది. ఆంధ్రప్రదేశ్ రాష్ట్రంలో తెలుగుదేశం, జనసేన, భారతీయ జనతా పార్టీల కూటమి అధికారంలోకి వచ్చిన తర్వాత... ఏపీలో పూజా కార్యక్రమాలు నిర్వహించిన మొదటి భారీ సినిమా బాలకృష్ణ - కొరటాల శివది కావడం గమనార్హం. ఈ సినిమా పూజా కార్యక్రమాలకు ఏపీ ఐటీ - విద్యా శాఖ మంత్రి నారా లోకేష్, సినిమాటోగ్రఫీ మంత్రి కందుల దుర్గేష్ హాజరు అయ్యారు. ఈ కార్యక్రమంలో బాలయ్య చిన్న కుమార్తె, ఎంపీ భరత్ భార్య తేజస్వినీ సైతం సందడి చేశారు. బాలయ్య - కొరటాల శివ సినిమాను ఎస్‌ఎల్‌వీ సినిమాస్ అధినేత సుధాకర్ చెరుకూరి, యువసుధ ఆర్ట్స్ అధినేత సుధాకర్ మిక్కిలినేని సంయుక్తంగా నిర్మిస్తున్నారు. హీరో, దర్శక నిర్మాతలతో పాటు నారా లోకేష్ సైతం పూజలో పాల్గొన్నారు. బాలకృష్ణ మీద చిత్రీకరించిన ముహూర్తపు సన్నివేశానికి నారా లోకేష్ క్లాప్ ఇచ్చారు. కందుల దుర్గేష్ కెమెరా స్విచ్ఛాన్ చేశారు.