Naga Vamsi about Vishwak Sen | విశ్వక్ పై నాగవంశీ కామెంట్స్ | ABP Desam

మాస్ కా దాస్ విశ్వక్ సేన్ ( Vishwak Sen ) హీరోగా నటిస్తున్న లేటెస్ట్ మూవీ ‘ఫంకీ’. అనుదీప్ కేవీ ( Anudeep KV ) దర్శకత్వంలో తెరకెక్కుతున్న ఈ చిత్రంలో కయాదు లోహర్‌ హీరోయిన్ గా ( Kayadhu Lohar ) నటిస్తోంది. ఈ సినిమా ట్రైలర్ లాంచ్ ఈవెంట్ చాలా గ్రాండ్ గా జరిగింది. ఈ ఈవెంట్ లో డైరెక్టర్ అనుదీప్ యాంకర్ కు రోజ్ ఫ్లవర్ ఇచ్చారు. అలాగే నిర్మాత నాగవంశీ ( Naga Vamsi ) డైరెక్టర్ అనుదీప్ గురించి ఆసక్తికర వ్యాఖ్యలు చేశారు. ఈ సినిమాలో పెద్దగా కథ కానీ, ఎమోషనల్ సీన్లు కానీ ఉండవు. ఇది పక్కా కామెడీ సినిమా అని చెప్పారు. ఈ సినిమా చూసి కూడా అలాగే రెండు గంటల పాటు ఫ్యాన్స్ నవ్వుకుంటారని హామీ ఇచ్చారు. 

విశ్వక్ సేన్ పై కూడా ప్రొడ్యూసర్ నాగవంశీ  కామెంట్స్ చేసారు. విశ్వక్ చాలా మారిపొయ్యాడు అని అన్నారు నాగవంశీ. 'సంవత్సరం క్రితం విశ్వక్​కు ఇప్పటి విశ్వక్​ను చూస్తే మారిపోయినట్టు అనిపించడం లేదా. మైక్ ఇస్తే ఇష్టమొచ్చినట్టు తిట్టేసి, ఇష్టమొచ్చినట్టు అగ్రెసివ్​గా బిహేవ్ చేసే విశ్వక్​ను కాకుండా తనలో అనుదీప్​ ను చూసినట్టు లేదు. సినిమాలో కూడా ఎవరినీ తిట్టడు. చక్కగా రెండు గంటలు మిమ్మల్ని నవ్విస్తాడు. కచ్చితంగా థియేటర్​కు వచ్చి ఎంజాయ్ చేయండి' అని విశ్వక్​ గురించి మాట్లాడారు.