దేవర చెన్నై ప్రెస్ మీట్లో జాన్వీ కపూర్ స్పీచ్!

పాన్ ఇండియా సెన్సేషనల్ సినిమా దేవరలో జాన్వీ కపూర్ హీరోయిన్‌గా నటిస్తున్నారు. ఈ సినిమా చెన్నై ప్రమోషనల్ ఈవెంట్లో జాన్వీ కపూర్ కూడా పాల్గొన్నారు. ఫ్లూయెంట్‌గా తమిళంలో మాట్లాడి అందర్నీ ఆశ్చర్యపరిచారు. ఈ సినిమా త్వరలో ప్రేక్షకుల ముందుకు రానుంది. జూనియర్ ఎన్టీఆర్‌ను అడిగినట్లుగానే జాన్వీ కపూర్‌ను కూడా డైరెక్ట్ తమిళ సినిమా ఎప్పుడు చేస్తారని అడిగారు. దీనికి జాన్వీ... తమిళంలో సినిమా చేయడానికి తాను కూడా ఎదురు చూస్తున్నానని, త్వరలో చేస్తానని అన్నారు. అంతకు ముందు జూనియర్ ఎన్టీఆర్ మాట్లాడుతూ... తెలుగు చిత్ర పరిశ్రమ, తమిళ చిత్ర పరిశ్రమ అని వేరు చేసే రోజులు 'బాహుబలి' తర్వాత పోయాయని అన్నారు. దేశంలోని ప్రజలు మాట్లాడే భాషలు వేరు అయినప్పటికీ... అందరినీ సినిమా ఒక్కటి చేసిందని, ఏకతాటిపై నిలుపుతోందని తారక్ చెప్పారు. తమిళ మీడియా నుంచి డైరెక్ట్ తమిళ సినిమా ఎప్పుడు చేస్తారనే ప్రశ్న కూడా ఎదురయింది. దానికి జూనియర్ ఎన్టీఆర్ సమాధానమిస్తూ వెట్రి మారన్ తనకు ఎంతో ఇష్టమైన దర్శకుడని చెప్పారు. వెట్రితో తమిళంలో సినిమా చేసి తెలుగులో డబ్ చేస్తామని తెలిపారు.