Viral Video: భారీ వరదల్లోనూ భలే ప్రయాణం - దుంగపై కూర్చొని దర్జాగా వెళ్తున్న వ్యక్తి

Viral Video: భారీ వరదల్లోనూ ఓ వ్యక్తి భలే ప్రయాణాన్ని ఎంచుకున్నాడు. ఓ కర్ర దుంగపై కూర్చొని దర్జాగా వెళ్తున్నాడు. ప్రస్తుతం ఈ వీడియో నెట్టింట వైరల్ గా మారింది. 

భారీ వరదల్లోనూ భలే ప్రయాణం - దుంగపై కూర్చొని దర్జాగా దూసుకొస్తున్న వ్యక్తి

Source : Hasna Zaroori hai Twitter

Viral Video: సాధారణంగా భారీగా వర్షాలు కురిసినా, వరదలు వచ్చినా జనాలు ఇళ్లలోంచి బయటకు రావడానికి చాలా ఇబ్బంది పడతారు. ఎవరైనా పడవల్లో వచ్చి సాయం చేస్తే తప్పు బయటకు రాలేరు. ముఖ్యంగా తమకు కావాల్సిన సరుకులను కూడా రెస్క్యూ సిబ్బంది వాళ్లే అందిస్తుంటారు. సహాయక సిబ్బంది చర్యలతోనే ప్రజలు సమస్యలు కాస్త తీరుతుంటాయి. కానీ ఓ వ్యక్తి మాత్రం భారీ వరదల్లోనూ భలేగా ప్రయాణం చేస్తున్నాడు. కారులో, విమానంలో వచ్చినంతగా హాయిగా వచ్చేస్తున్నాడు. అలా అని అతను వచ్చేదేదో పెద్ద బోట్ అనుకునేరు. అదేం కాదండి.. ఓ కర్ర దుంగపై కూర్చొనే తనకు నచ్చిన చోటుకు వెళ్తున్నాడు. కావాల్సినవి కొనుక్కుంటున్నాడు. అతను వెళ్తున్న తీరు చూస్తుంటే ముక్కున వేలు వేసుకోకుండా ఉండలేరు. ఎందుకూ అంటారా..!

వాటర్ బాటిల్ కొనుక్కునేందుకు వెళ్లిన వ్యక్తి

మనిషి మునిగే స్థాయి వరకు వచ్చిన వరద నీటిలోనే ఓ వ్యక్తి చక్కగా ప్రయాణం చేస్తున్నాడు. ఓ పెద్ద కర్రపై దర్జాగా కూర్చొని పడవపై వచ్చినట్లుగా వస్తున్నాడు. చేతిలో మరో కర్ర పట్టుకొని అడ్డుగా వచ్చిన వాటిని పక్కకు జరుపుకుంటూ నచ్చిన చోటుకు వెళ్తున్నాడు. తనకు కావాల్సినవి కొనుక్కుంటున్నాడు. వీడియోలో ఉన్న వ్యక్తి ఓ మెడికల్ షాపు వద్దకు వెళ్లి తనకు కావాల్సిన మందులతో పాటు ఓ వాటర్ బాటిల్ కొనుక్కున్నాడు. అందుకు తగిన డబ్బులను కూడా ఓ కవర్ లో పెట్టుకొని తెచ్చుకున్న అతడు వారికి ఇచ్చాడు. అనంతరం అక్కడే నీళ్లు తాగి వెనుదిరిగాడు. అక్కడున్న వారంతా అతడిని చూస్తూ నవ్వుకున్నారు. భలేగా ప్రయాణిస్తున్నాడని కొనియాడారు. 

जान पर खेलकर बंदे ने अपनी ड्यूटी निभाई …
एक सेल्यूट भाई के नाम 😆😆😆 pic.twitter.com/vgleOPwiNb

— Hasna Zaroori Hai 🇮🇳 (@HasnaZarooriHai) July 11, 2023

163.3కే వ్యూస్ తో దూసుకెళ్తున్న వీడియో

ఈ వీడియోని Hasna Zaroori Hai అనే నెటిజెన్ ట్విట్టర్ వేదికగా షేర్ చేశాడు. మంగళవారం రోజు ఉదయం 6.04( జులై 11) గంటలకు షషేర్ చేయగా.. ఇప్పటి వరకు 163.3కే వ్యూస్ వచ్చాయి. అలాగే వేలల్లో లైకులు, వందల్లో కామెంట్లు చేశారు. టూ గుడ్ మ్యాన్, నాచురల్ బండి అంటూ రాసుకొస్తున్నారు. ఐడియా అదిరింది గురూ అని కొందరు, కోటీశ్వరులు కూడా ఇలాంటి రైడ్ ను ఎంజాయ్ చేయలేరని మరికొంత మంది చెప్పుకొస్తున్నారు. మీరూ ఈ ఈడియోపై ఓ లుక్కేయండి.   

బైక్ పై ఎనిమిది మంది ప్రయాణం - వీడియో వైరల్

ఇటీవలే నెట్టింట ఓ వీడియో వైరల్ అయింది. అందులో ఓ వ్యక్తి స్కూటీ నడుపుతుండగా.. ముందు ఇద్దరు చిన్న పిల్లలు స్కూల్ బ్యాగ్ వేసుకొని మరీ నిల్చున్నారు. వాహనం నడుపుతున్న అతని వెనుక ముగ్గురు కూర్చోగా... కాళ్లు పెట్టుకుని కూర్చునే స్టాండ్ పై పక్కన మరో బాలుడు నిల్చుని ఉన్నాడు. వెనకాల నెంబర్ ప్లేట్ కు కాస్త మీదుగా ఉండే స్టీల్  రాడ్‌పై మరో బాలుడు నిల్చొని డ్రైవర్ భుజాలను పట్టుకున్నాడు. ఇలా మొత్తం బండి మీద ఎనిమిది మంది ప్రయాణం చేస్తున్నారు. ఇంత ప్రమాదకర రీతిలో స్కూటీపై ప్రమాదం చేస్తుండగా.. చూసిన పలువురు వీడియో తీసి సోషల్ మీడియాలో పెట్టారు. ఇది చూసిన నెటిజెన్లు ఒక్కో విధంగా స్పందిస్తున్నారు. ఇంత మంది చిన్న పిల్లలతో ప్రయాణం అవసరమా అని కొందరు.. ఏమైనా జరిగితే పరిస్థితి ఏంటని మరికొందకు కామెంట్లు చేస్తున్నారు.