Condom Making Process: కండోమ్స్ ఎలా తయారు చేస్తారు? దాని వల్ల కాలుష్యం ఎంతలా పెరుగుతుందంటే!
Condom Making Process: కండోమ్స్ ఎలా తయారు చేస్తారు, కండోమ్స్ తయారీకి వాడే పదార్థాల వల్ల పర్యావరణ కాలుష్యం జరుగుతుందా అనేది ఇప్పుడు తెలుసుకుందాం.
Condom Making Process: ప్రపంచ వ్యాప్తంగా రోజురోజుకూ కండోమ్ ల వాడకం పెరుగుతోంది. వాటిపై కల్పిస్తున్న అవగాహన కార్యక్రమాల వల్ల కండోమ్ ల వాడకం పెరిగింది. అలాగే కండోమ్స్ తక్కువ ధరలోనే ప్రతి చోటా అందుబాటులో ఉంటుండటం వల్ల వాటి వాడకం గణనీయంగా వృద్ధి చెందింది. అయితే పెరుగుతున్న ఈ ధోరణి వల్ల కాలుష్యం కూడా పెరుగుతుందని కొందరు అంటున్నారు. కండోమ్ లు త్వరగా నీటిలో, నేలలో కలిసిపోవని, దాని వల్ల పర్యావరణానికి నష్టం వాటిల్లుతుందని చెబుతున్నారు. ఇందులో ఉన్న నిజమెంత.. నిజంగానే కండోమ్ ల ద్వారా కాలుష్యం పెరుగుతుందా అనేది ఇప్పుడు తెలుసుకుందాం.
లాటెక్స్: అత్యంత సాధారణంగా కనిపించే రకం లాటెక్స్ కండోమ్ లు. వాటిని చెట్ల నుంచి తీసిన రబ్బరు పాల మిశ్రమంతో సహజ రబ్బరు ఉపయోగించి తయారు చేస్తారు. ఈ లాటెక్స్ కండోమ్ లు గర్భాన్ని, లైంగిక వ్యాధులను నివారించడంలో ప్రభావవంతంగా ఉంటాయి. అలాగే లాటెక్స్ కండోమ్ ల రేటు కూడా చాలా తక్కువ.
పాలియురేతేన్: రబ్బరు పాలతో తయారు చేసే లాటెక్స్ కండోమ్ ల ద్వారా అలెర్జీ వచ్చే వారు ఈ పాలియురేతేన్ తో తయారు చేసిన కండోమ్ లు వాడతారు. ఇదో సింథటిక్ పదార్థం. గర్భాన్ని, లైంగిక వ్యాధులను నివారించడంలో లాటెక్స్ కండోమ్స్ లాగే ప్రభావవంతంగా ఉంటాయి. లాటెక్స్ కండోమ్స్ కంటే పాలియురేతేన్ ఖరీదైనవి.
లంబ్స్కిన్: గొర్రెల ప్రేగుల లైనింగ్ నుంచి ఈ లంబ్స్కిన్ కండోమ్ లు తయారు చేస్తారు. గర్భాన్ని, లైంగిక వ్యాధులను నివారించడంలో లాటెక్స్, పాలియురేతేన్ కండోమ్ల మాదిరిగా ప్రభావవంతంగా ఉండవు. లంబ్స్కిన్ కండోమ్ లు వేడిని ప్రసారం చేస్తాయి. మిగతా కండోమ్స్ రకాల్లో లేని ఫీచర్ ఇది. కండోమ్ లేకుండా సంభోగం జరిపితే వచ్చే అనుభూతి ఈ లంబ్ స్కిన్ కండోమ్లతో లభిస్తుంది. అలా వీటిని కొంత మంది ప్రత్యేకంగా వాడుతుంటారు.
కండోమ్ లు పర్యావరణానికి హాని కలిగిస్తాయా?
కండోమ్ లు చాలా కాలం పాటు కరగకుండా ఉంటాయి. ఇవి ప్లాస్టిక్ మాదిరిగా సంవత్సరాల పాటు భూమిలో కరిగిపోకుండా ఉండవు. కండోమ్ లు నీటిలో కరగనప్పటికీ, భూమిలో పాతిపెడితే కొంత కాలానికి నాశనం అవుతాయి. అలాగే కొన్ని రకాల ఎకో-ఫ్రెండ్లీ కండోమ్ లు మార్కెట్ లో అందుబాటులో ఉన్నాయి. ఇవి పూర్తిగా బయోడిగ్రేడబుల్. రీసైకిల్ చేసిన పదార్థాలతో తయారు చేస్తారు. ఈ రకమైన కండోమ్ లు రబ్బరు అంటే అలెర్జీ ఉన్న వాళ్లు కూడా నిరభ్యంతరంగా వాడొచ్చు. అలాగే కండోమ్ లను రీసైకిల్ చేయలేమని ఇప్పటికే పలు అధ్యయనాల్లో శాస్త్రవేత్తలు తేల్చారు. కానీ రీసైకిల్ పదార్థాలతో కండోమ్ లు తయారు చేయవచ్చు.
పర్యావరణం పై కండోమ్ ల ప్రభావాన్ని తగ్గించడం ఎలా?
* ఎకో - ఫ్రెండ్లీ కండోమ్ లను మాత్రమే కొనాలి
* రీసైకిల్ కండోమ్ లు కొనాలి
* కండోమ్ ల వాడకం తర్వాత వాటిని శాస్త్రీయ పద్ధతిలో పారవేయాలి
* అవసరమైనప్పుడు మాత్రమే కండోమ్ లు ఉపయోగించాలి
* వాడిన కండోమ్ లను నీటిలో, పారే కాల్వలు, నదుల్లో పడేయకూడదు.
ఈ చిట్కాలతో కండోమ్ ల ద్వారా కలిగే పర్యావరణ కాలుష్యాన్ని తగ్గించవచ్చు.
టాప్ హెడ్ లైన్స్
ట్రెండింగ్ వార్తలు
