Errabelli on Chandrababu : ప్రజలంతా ఎన్టీఆర్‌ను కోరుకుంటున్నారు, లోకేష్‌ను కాదు: ఎర్రబెల్లి

Errabelli on Chandrababu : టీడీపీ చంద్రబాబుది కాదని.. ఆ పార్టీ ఎన్టీఆర్ ది అని మంత్రి ఎర్రబెల్లి దయాకర్ రావు అన్నారు. ప్రజలంతా జూనియర్ ఎన్టీఆర్ నే కోరుకుంటున్నారని, లోకేష్ ని కాదని స్పష్టం చేశారు. 

"ప్రజలంతా జూనియర్ ఎన్టీఆర్ ను కోరుకుంటున్నరు, లోకేష్ ను కాదు"

Errabelli on Chandrababu: తెలుగుదేశం పార్టీ చంద్రబాబుది కాదని, ఆ పార్టీ సీనియర్ ఎన్టీఆర్ ది అని పంచాయతీరాజ్ శాఖ మంత్రి ఎర్రబెల్లి దయాకర్ రావు తెలిపారు. ప్రజలంతా జూనియర్ ఎన్టీఆర్ నే కోరుకుంటున్నారని, లోకేష్ ను ఎవరూ కోరుకోవట్లేదని అన్నారు. జూనియర్ ఎన్టీఆర్ నే ముఖ్యమంత్రి చేయాలని చెప్పారు. 

నిజంగా ప్రేమ ఉండే జూనియర్ ఎన్టీఆర్ ను సీఎం చెయ్..

ఇటీవల ఖమ్మంలో నిర్వహించిన చంద్రబాబు సభ తెలంగాణ రాజకీయ క్షేత్రంలో నిప్పును రాజేసింది. దీనిపై రాష్ట్ర మంత్రి ఎర్రబెల్లి దయాకర్ రావు హన్మకొండలో మీడియా సమావేశం ఏర్పాటు చేశారు. ఈ క్రమంలోనే చంద్రబాబుపై సంచలన వ్యాఖ్యలు చేశారు. చంద్రబాబు నాయుడు తెలంగాణ, ఆంధ్రాలో ఫెయిల్ అయి ఎక్కడ పొద్దుపోక బీజేపీతో ములాఖత్ అయ్యి చిచ్చుపెట్టే పని మొదలు పెట్టారని ఆరోపించారు. తెలుగు దేశం పార్టీ చంద్రబాబుది కాదని, ఎన్టీఆర్ దని అన్నారు. ప్రజలంతా జూనియర్ ఎన్టీఆర్ నే కోరుకుంటున్నారని, లోకేష్ ను ఎవరూ కోరుకోవట్లేదని తెలిపారు. నిజంగా చంద్రబాబుకు తెలుగు దేశంపై, ఎన్టీఆర్ పై ప్రేమ ఉంటే ఏపీలో జూనియర్ ఎన్టీఆర్ ను ముఖ్యమంత్రి చేయాలని సవాల్ విసిరారు.

"తెలంగాణలో ఫెయిల్ అయిండు ఆయన. ఆంధ్రాల ఫెయిల్ అయిండు. ఇక్కడికి అచ్చి ఏదో చిచ్చుపెట్టాలని చూసిండు గతంలో కాంగ్రెస్ వాళ్లతో కలిసి. ఫెయిల్ అయింది. ఇప్పుడు బీజేపీ వాళ్లతో కలిసి ఏదో ములాఖత్ అయినట్లు అనిపిస్తా ఉంది. నేను ఒకటే అంటున్న. తెలుగుదేశం పార్టీ చంద్రబాబు పార్టీ కాదు. ఎన్టీ రామారావు పార్టీ. ఎన్టీ రామారావుకు ఉన్న స్ఫూర్తి, పేద ప్రజల కోసం ఆయన చేసినది ఇప్పటికీ కూడా రెండు రాష్ట్రాల ప్రజలు మర్చిపోరు. పేదల స్కీం ఇచ్చింది ఎన్టీ రామారావు. నువ్వు కాదు. గొప్పతనంగా చెప్పుకునుడు. ఎన్టీ రామారావు స్పూర్తి చెప్పు, ఎన్టీ రామారావు పేరు చెప్పు, ఎన్టీ రామారావుతో బతికినవ్. ఆయనను మోసం చేసినవ్. ఆ కుటుంబాన్ని మోసం చేసినవ్. నేను ఒకటే అంటున్న. ఎన్టీ రామారావు మీద ప్రేమ ఉంటే... నీ కొడుకునేమో ఆంధ్రాల పెడ్తవ్. పాపం హరికృష్ణ బిడ్డనేమో తెలంగాణల పెట్టి ఓడ గడ్తవ్. ఇది కక్ష సాధింపు చర్య కాదా. నేను ఒకటే అంటున్న. అదే హరికృష్ణ కొడుకు ఉన్నాాడు జూనియర్ ఎన్టీఆర్. జూనియర్ ఎన్టీఆర్ ను ప్రజలు కోరుకుంటున్నరు. నీ కొడుకును కోరుకుంట లేరు. జూనియర్ ఎన్టీఆర్ వస్తెనే బాగుంటది, ఆయన వస్తే పార్టీ బాగు పడ్తదని ఆంధ్ర ప్రజలను అనుకుంటున్నరు. వాళ్లంతా జూనియర్ ఎన్టీఆర్ అంధ్రల ముఖ్యమంత్రి అయితే బాగుంటదని కోరుకుంటున్నరు. లోకేష్ ను కోరుకుంటలేరు. అదే లోకేష్ ను ఎక్స్ పోస్ చేస్తున్నవ్. నీకు ఎన్టీ రామారావు మీద, తెలుగు దేశం పార్టీ మీద ప్రేమ ఉంటే.. జూనియర్ ఎన్టీఆర్ ను తీసుకొచ్చి ఏపీలో సీఎం చెయ్. అప్పుడు నీ విశ్వాసాన్ని నేను నమ్ముత." - ఎర్రబెల్లి దయాకర్ రావు, మంత్రి