Telangana News : కవిత, కేటీఆర్ పైనా ఆరోపణలూ - మరో లేఖ రిలీజ్ చేసిన సుఖేష్ ! మంత్రి ఏమన్నారంటే ?

కవితతో పాటు కేటీఆర్ పైనా ఆరోపణలు చేస్తూ సుఖేష్ చంద్రశేఖర్ మరో లేఖ విడుదల చేశారు. ఈ లేఖపై కేటీఆర్ మండిపడ్డారు. న్యాయపరమైన చర్యలు తీసుకుంటానన్నారు.

సుఖేష్ లెటర్‌పై కేటీఆర్ ఆగ్రహం

 

Telangana News : మనీలాండరింగ్ కేసులో తీహార్ జైల్లో ఉన్న సుఖేష్ చంద్రశేఖర్ మరోసారి కవితతో పాటు కేటీఆర్‌పై కూడా ఆరోపణలు చేస్తూ లేఖ విడుదల చేశారు. ఈ సారి నేరగా తెలంగాణ గవర్నర్  తమిళసై సౌందర్ రాజన్‌కు  లేఖ రాశారు. బీఆర్‌ఎస్ ఎమ్మెల్సీ కవిత , మంత్రి కేటీఆర్‌పై  సుఖేష్ చంద్రశేఖర్ మరో సంచలన లేఖ రాశారు. ‘‘నా వద్ద ఉన్న ఆధారాలు ఇవ్వాలని కవిత, కేటీఆర్ తరపు సన్నిహితులు ఒత్తిడి తెస్తున్నారు. కవితకు వ్యతిరేకంగా ఈడీకి ఇచ్చిన స్టేట్‌మెంట్లలోని ఎవిడెన్స్ ఇవ్వమని అడుగుతున్నారు. ఆధారాలు ఇస్తే రూ.100 కోట్ల నగదు, శంషాబాద్ వద్ద భూమి, అసెంబ్లీ సీట్ ఇస్తామని ఆశపెడుతున్నారు. దాదాపు 200 కోట్ల రూపాయల లావాదేవీలకు సంబంధించిన ఆధారాలు నా వద్ద ఉన్నాయి. కవితకు నాకు మధ్య జరిగిన వాట్సాప్ చాట్ అంతా రికార్డింగ్ ఉంది. ఈ ఆధారాలని ఇప్పటికే ఈడీకి 65 -బి సర్టిఫికెట్ రూపంలో ఇచ్చేశా. కవిత నుంచి రూ.15 కోట్ల నగదు తీసుకొని అరవింద్ కేజ్రీవాల్ తరపు వారికి అందజేశా. ఈ అంశాలపై సీబీఐ దర్యాప్తు చేయాలని కోరుతున్నా’’ అంటూ గవర్నర్‌ తమిళసైకు సుఖేష్ చంద్రశేఖర్ లేఖ రాశారు.

ఈ లేఖ అంశం మీడియాలో విస్తృతంగా ప్రచారం జరగడంతో మంత్రి కేటీఆర్ స్పందించారు. సుఖేష్ తనపై ఆరోపణలు చేసినట్లుగా ఇప్పుడే తెలిసిందని.. ఇలాంటి వ్యక్తి గురించి తాను ఎప్పుడూ వినలేదన్నారు. అతనిపై న్యాయపరమైన చర్యలు తీసుకుంటాననని ప్రకటించారు. నోటెడ్ క్రిమినల్స్ ఇలాంటి ఆరోపణలు చేసనప్పుడు ప్రచారం చేసేటప్పుడు, పబ్లిష్ చేసేటప్పుడు అప్రమత్తంగా ఉండాలన్నారు. కల్వకుంట్ల కవిత, కేజ్రీవాల్ లపై ఆరోపణలు చేస్తూ చాలా సార్లు సుఖేష్ లేఖలు రాశారు కానీ.. కేటీఆర్ ప్రస్తావన మాత్రం ఎప్పుడూ చేయలేదు. తొలి సారి కేటీఆర్ ప్రస్తావన తెస్తూ లేఖ రాయడం సంచలనంగా మారింది. 

 

Just learnt from media that a delusional fraudster and a noted criminal called Sukesh has made some ludicrous allegations about me

I have never heard of this rogue and intend to pursue strong legal action against him for his nonsensical utterances

Request media also to be…

— KTR (@KTRBRS) July 14, 2023

 
  బీఆర్ఎస్ ఎమ్మెల్సీ కల్వకుంట్ల కవిత  షెల్ అకౌంట్ల నుండి  మారిషస్ అకౌంట్లకు  నగదును పంపినట్టుగా    సుఖేష్ చంద్రశేఖర్   గతంలో లేఖ శారు.   రూ. 75 కోట్లను  ఈ ఖాతాల నుండి పంపినట్టుగా  సుఖేష్  చంద్రశేఖర్ ఆ లేఖలో పేర్కొన్నారు.  ఈ నగదును క్రిప్టో కరెన్సీగా  మార్చినట్టుగా సుఖేష్  ఆ లేఖలో  తెలిపారు. అంతకు ముందు కవితతో తాను వాట్సాప్ చాటింగ్  చేసినట్టుగా  పేర్కొన్నారు. వాట్సాప్ చాటింగ్ స్క్రీన్ షాట్లను  కూడా  ఆయన మీడియాకు విడుదల  చేశారు.  అయితే సుఖేస్ చంద్రశేఖర్ చేసిన ఆరోపణలను బీఆర్ఎస్ ఎమ్మెల్సీ కల్వకుంట్ల కవిత  ఖండించారు.  తనను రాజకీయంగా ఇబ్బందిపెట్టేందుకు  తప్పుడు  ప్రచారం  చేస్తున్నారని  ఆమె  మండిపడ్డారు.