VC Sajjanar: రెప్పపాటులో ప్రాణాలతో బయటపడ్డ యువతి - జాగ్రత్తగా ఉండాలంటూ వీసీ సూచన

VC Sajjanar: రైల్లో ప్రయాణిస్తూ డోర్ వద్ద నుంచి తల బయటకు పెట్టిన ఓ అమ్మాయిని తోటి ప్రయాణికులు కాపాడారు. ఈ వీడియోను షేర్ చేస్తూ.. వీసీ సజ్జనార్ ప్రయాణికులంతా జాగ్రత్తగా ఉండాలని ట్వీట్ చేశారు. 

రెప్పపాటులో ప్రాణాలతో బయటపడ్డ యువతి - జాగ్రత్తగా ఉండాలంటూ వీసీ సూచన

Source : VC Sajjanar Twitter

VC Sajjanar: రైల్లో ప్రయాణిస్తున్న ఓ అమ్మాయి డోర్ వద్ద నిల్చొని తల బయటకు పెట్టింది. క్షణాల్లోనే మరో రైలు పక్కనే ఉన్న పట్టాలపైకి రాగా.. వెంటనే ఇతర ప్రయాణికులు ఆ అమ్మాయిని లోపలికి లాగగా.. ప్రాణాలతో బయట పడింది. అయితే ఈమె చాలా అదృష్టవంతురాలని, అందుకే రెప్పపాటు కాలంలో ప్రాణాలతో బయట పడిందంటూ టీఎస్ఆర్టీసీ ఎండీ సజ్జనార్ ట్విట్టర్ వేదికగా తెలిపారు. అలాగే ప్రయాణం చేసేటప్పుడు సరదా కోసం ఇలాంటి పనులు అసలే చేయొద్దని సూచించారు. ఏమాత్రం తేడా వచ్చినా ప్రాణాలకే ప్రమాదం అని.. ప్రయాణాలు చేసేటప్పుడు ప్రయాణికులు చాలా జాగ్రత్తగా ఉండాలని సూచించారు.  

ఈమె మామూలు అదృష్టవంతురాలు కాదు. రెప్పపాటు సమయంలో ప్రాణాలతో బయటపడింది.

ప్రయాణం చేసేటప్పుడు సరదా కోసం ఇలాంటి పనులు అసలే చేయొద్దు. ఏమాత్రం తేడా జరిగిన ప్రాణాలకే ప్రమాదం.. జాగ్రత్త! pic.twitter.com/YzXNKHnkQ7

— V.C. Sajjanar, IPS (@SajjanarVC) August 4, 2023

చిన్న సమస్యలకే ఆత్మహత్య వద్దంటూ సూచన

చిన్న చిన్న సమస్యలకే కుంగిపోయి ప్రజలు బలవన్మరణాలకు పాల్పడటం బాధాకరం అని ఆర్టీసీ ఎండీ సజ్జనార్ తెలిపారు. ఆత్మహత్య చేసుకున్నంత మాత్రాన సమస్యలు ఎక్కడికి పోవని అన్నారు. కష్టాలు, సమస్యలను బతికుండి దైర్యంగా ఎదుర్కోవాలని సూచించారు. అంతేకానీ క్షణికావేశంలో ప్రాణాలను పోగొట్టుకుని కుటుంబాలకు తీరని శోకాన్ని మిగల్చవద్దని చెప్పుకొచ్చారు. ఇటీవలే హైదరాబాద్ లోని కొండాపూర్ లో రెండు రోజుల క్రితం ఓ వ్యక్తి బస్సు కింద పడి ఆత్మహత్య చేసుకున్నాడు. అయితే తీవ్ర గాయాలపాలైన అతడు.. చికిత్స పొందుతూ ఈరోజు మృతి చెందాడు. ఇదే విషయాన్ని చెబుతూ.. ఎవరూ ఆత్మహత్యలకు పాల్పడవద్దని సూచించారు.

హైదరాబాద్ లోని కొండాపూర్ లో రెండు రోజుల క్రితం జరిగిందీ ఘటన. ఈ ప్రమాదంలో ఆత్మహత్యాయత్నానికి పాల్పడిన వ్యక్తి చికిత్స పొందుతూ ఆదివారం రాత్రి మరణించారు. చిన్న చిన్న సమస్యలకే కుంగిపోయి బలవన్మరణాలకు పాల్పడటం బాధాకరం. ఆత్మహత్య చేసుకున్నంతా మాత్రాన సమస్యలు ఎక్కడికి పోవు. కష్టాలు,… pic.twitter.com/9wxKn7sqpg

— V.C. Sajjanar, IPS (@SajjanarVC) July 24, 2023

ఇటీవలే సిగ్నల్స్ వద్ద ఆత్రం వద్దంటూ ట్వీట్

సిగ్న‌ల్స్ వ‌ద్ద ఆత్రం ఏమాత్రం ప‌నికి రాదని టీఎస్ఆర్టీసీ ఎండీ వీసీ సజ్జనార్ సూచిస్తున్నారు. ట్విట్టర్ వేదికగా ఓ వీడియోను షేర్ చేశారు. అందులో బైక్ పై వెళ్తున్న ఓ జంట సిగ్నల్ క్రాస్ చేయబోతుండగా.. లారీ కిందకు చొచ్చుకుపోయారు. అదృష్టవశాత్తు వారికి ఎలాంటి ప్రమాదమూ జరలేదు. అయితే ఇదంతా అక్కడే ఉన్న సీసీటీవీలో రికార్డు కాగా... వీసీ సజ్జనార్ ట్టిట్టర్ ద్వారా నెటిజెన్లతో పంచుకున్నారు. అందరికి వీరిలా అదృష్టం ఉండదని.. సిగ్నల్స్ వద్ద ఏమాత్రం ఆత్రం పనికి రాదని వివరించారు. అలాగే ర‌హ‌దారుల‌పై లేన్ డ్రైవింగ్‌ను విధిగా పాటించాలని సూచించారు. ఇలా అడ్డదిడ్డంగా వెళ్లి రోడ్డు ప్ర‌మాదాల‌కు కార‌ణ‌మై విలువైన ప్రాణాల‌ను పోగొట్టుకోకండని హితవు పలికారు.

ఎమ‌న్నా అదృష్ట‌మా ఇది!

సిగ్న‌ల్స్ వ‌ద్ద ఆత్రం ఏమాత్రం ప‌నికిరాదు. అంద‌రికీ వీరిలా అదృష్టం వ‌రించ‌దు. ర‌హ‌దారుల‌పై లేన్ డ్రైవింగ్‌ను విధిగా పాటించండి. ఇలా అడ్డదిడ్డంగా వెళ్లి రోడ్డు ప్ర‌మాదాల‌కు కార‌ణ‌మై విలువైన ప్రాణాల‌ను పోగొట్టుకోకండి.#RoadSafety #RoadAccident @tsrtcmdoffice… pic.twitter.com/Bysa3hUV7d

— V.C. Sajjanar, IPS (@SajjanarVC) June 23, 2023