CMR Fire Accident: ఉప్పల్ లోని సీఎంఆర్ షాపింగ్ మాల్​లో భారీ అగ్ని ప్రమాదం

Fire Accident at CMR Shopping mall: హైదరాబాద్​ నగరంలో మరో భారీ అగ్ని ప్రమాదం చోటుచేసుకుంది. ఉప్పల్ సీఎంఆర్ షాపింగ్ మాల్ లో మంటలు చెలరేగాయి.

ఉప్పల్ లోని సీఎంఆర్ షాపింగ్ మాల్​లో భారీ అగ్ని ప్రమాదం

CMR Shopping mall at Uppal: హైదరాబాద్​ నగరంలో మరో భారీ అగ్ని ప్రమాదం చోటుచేసుకుంది.  ఉప్పల్ సీఎంఆర్ షాపింగ్ మాల్​లో మంగళవారం రాత్రి అగ్నిప్రమాదం జరిగింది. షాపింగ్ మాల్ ( Uppal CMR Shopping mall ) ముందు వైపు మంటలు చెలరేగాయి. కొంత సమయానికే ఆ మంటలు సీఎంఆర్ షాపింగ్ మాల్ మొత్తం వ్యాపించాయి. మంటలు ఎగసి పడటంతో ప్రజలు ప్రాణ భయంతో బయటకు పరుగులు తీశారు. షాపింగ్ మాల్ ముందు భాగంలో ఉన్న డెకరేషన్​లో మంటలు రాగా, కొన్ని నిమిషాల్లోనే మాల్ మొత్తం వ్యాపించాయిని స్థానికులు చెబుతున్నారు. కాగా, గత ఏడాది అక్టోబర్ నెలలో ఆ షాపింగ్ మాల్ ప్రారంభించినట్లు సమాచారం.

హైదరాబాద్ లో గత నెలలో చివరగా గుడి మల్కాపూర్ లోని అంకుర హాస్పిటల్ లో అగ్నిప్రమాదం సంభవించింది. హాస్పిటల్ బోర్డుకు మంటలు అంటుకుని కొన్ని అంతస్తులకు మంటలు వ్యాపించడంతో ఆస్తి నష్టం పెరిగింది. అంతకుముందు పంజాగుట్టలోని ఓ అపార్ట్ మెంట్లో మంటలు చెలరేగాయి. ఓ పోలీస్ శ్రమించి కుటుంబాన్ని అగ్ని ప్రమాదం నుంచి రక్షించడం తెలిసిందే.