WhatsApp update: పాత ఫోన్‌లలో వాట్సాప్ సేవలు బంద్.. తెలుసుకోవాల్సిన విషయాలివే!

WhatsApp update: పాత ఫోన్లలో వాట్సాప్ సేవలు నిలిచిపోనున్నాయి. ఓల్డ్ వెర్షన్ ఫోన్లలో టెక్నికల్ సమస్యల కారణంగా వాట్సాప్ సేవలు నిలిపివేస్తున్నట్లు మెటా ప్రకటించింది.

పాత ఫోన్‌లలో వాట్సాప్ సేవలు బంద్.. తెలుసుకోవాల్సిన విషయాలివే!

Source : Twitter

Show Quick Read

Key points generated by AI, verified by newsroom

• వాట్సాప్ పాత ఆండ్రాయిడ్, ఐఫోన్లలో సేవలు నిలిపివేయనుంది.
• భద్రత, వేగం పెంచడానికి కొత్త ఫీచర్లు అమలు చేస్తోంది.
• ఫోన్ OS వెర్షన్ తనిఖీ చేసి, చాట్స్ బ్యాకప్ చేయాలి.
• అప్‌డేట్ లేదా కొత్త ఫోన్‌తో సేవలు కొనసాగించవచ్చు.

WhatsApp update: వాట్సాప్ మన జీవితంలో ఒక ముఖ్యమైన భాగమైపోయింది. ఫ్రెండ్స్‌తో చాటింగ్, వీడియో కాల్స్, ఆఫీస్ డాక్యుమెంట్లు షేర్ చేయడం కోసం ఈ యాప్‌పైనే ఆధారపడుతున్నాం. అయితే, మీరు ఇప్పటికీ పాత స్మార్ట్‌ఫోన్‌ను ఉపయోగిస్తున్నట్లయితే ఈ సమాచారం చాలా ముఖ్యం. 

వాట్సాప్ సేవలను నిలిపివేస్తోంది? 

యాప్‌ను మరింత సేఫ్‌గా, వేగవంతంగా మార్చడానికి కంపెనీ ఎప్పటికప్పుడు కొత్త సాఫ్ట్‌వేర్ అప్‌డేట్‌లను తీసుకువస్తుంది. దీనివల్ల పాత ఆపరేటింగ్ సిస్టమ్‌లు ఉన్న డివైజ్‌లలో ఇది ఆగిపోనుంది. రాబోయే రోజుల్లో అనేక పాత ఆండ్రాయిడ్, ఐఫోన్ మోడల్‌లకు వాట్సాప్ సపోర్ట్‌ను శాశ్వతంగా నిలిపివేస్తున్నట్లు మెటా ప్రకటించింది.  ఎన్‌క్రిప్షన్, ప్రైవసీ ఫీచర్లు, ఏఐ టూల్స్‌ను పాత ఫోన్‌లలో అమలు చేయడం సాంకేతికంగా సాధ్యం కాకపోవడమే దీనికి ప్రధాన కారణం. హ్యాకర్ల నుండి వ్యక్తిగత డేటాను రక్షించేందుకే ఈ సెక్యూరిటీ చర్యలు తీసుకుంటున్నారు.   

ఫోన్ ఆపరేటింగ్ సిస్టమ్ వెర్షన్‌ను ఎలా చెక్ చేయాలి? 

ఆండ్రాయిడ్ ఫోన్లు అయితే సెట్టింగ్స్‌లోకి వెళ్లి, 'About Phone' ఆప్షన్‌ను ఓపెన్ చేసి ఆండ్రాయిడ్ వెర్షన్‌ను చెక్ చేసుకోవచ్చు.  ఐఫోన్  అయితే సెట్టింగ్స్‌లోని 'General' విభాగానికి వెళ్లి, 'About' ఆపై 'Software' పై క్లిక్ చేయడం ద్వారా ఐఓఎస్ వెర్షన్‌ను తనిఖీ చేయవచ్చు.   మీ ఫోన్ సాఫ్ట్‌వేర్ చాలా పాతదై, కొత్త అప్‌డేట్‌లు రాకపోతే ఆ డివైజ్ ఇక పనిచేయని దశకు చేరుకుందని అర్థం చేసుకోవాలి. 

ఏమి చేయాలి?

మీ ఫోన్ సాఫ్ట్‌వేర్ వెర్షన్‌ను చెక్ చేసిన తర్వాత, అది పాత వెర్షన్‌ల లిస్టులో ఉందని స్పష్టమైతే, ఆందోళన చెందాల్సిన అవసరం లేదు. ముందుగా, ముఖ్యమైన ఫొటోలు, వీడియోలు, మెసేజ్‌లను మీరు తొలగించలేదని నిర్ధారించుకోవడానికి, మీ ప్రస్తుత వాట్సాప్ చాట్‌లను గూగుల్ లేదా ఐక్లౌడ్‌లో బ్యాకప్ చేసుకోండి. ఆ తర్వాత, ఫోన్ సాఫ్ట్‌వేర్‌ను అప్‌డేట్ చేసే అవకాశం ఉంటే, వెంటనే దాన్ని డౌన్‌లోడ్ చేసి, మీ ఫోన్‌ను అప్‌గ్రేడ్ చేసుకోండి.  మీ ఫోన్‌కు కొత్త అప్‌డేట్‌లు రాకపోతే, కొత్త స్మార్ట్‌ఫోన్ కొనడం తప్ప మీకు మరో మార్గం ఉండదు.  కొత్త ఫోన్‌ను తీసుకున్న తర్వాత, మీ పాత నెంబర్ ను నమోదు చేసి, వాట్సాప్‌ను ఇన్‌స్టాల్ చేసి, మీ బ్యాకప్‌ చేయండి. ఇది మీకు ఎలాంటి అంతరాయం లేకుండా చాటింగ్‌ను తిరిగి స్టార్ట్ చేయడానికి వీలు కల్పిస్తుంది.

మరిన్ని చదవండి

వాట్సాప్ బిజినెస్ వాడుతున్నారా? - ఏపీఐ కొత్త ఛార్జీలు ఇవే!