Chinni Serial Today March 10th: మ్యాడీకి తెలియకుండానే అతని కంపెనీలో జాబ్ కొట్టేసిన చిన్ని...దేవా ప్లాన్ తెలిసిన నాగవల్లి ఏం చేసింది...?
Chinni Serial Today Episode March 10th:మ్యాడీకి తెలియకుండానే అతని కంపెనీలో జాబ్ కొట్టేసిన చిన్ని...దేవా ప్లాన్ తెలిసిన నాగవల్లి ఏం చేసింది...?
Chinni Serial Today Episode: తండ్రి వద్ద నుంచి చిన్నిని తీసుకొచ్చిన మ్యాడీ...తన కారులో ఆఫీసు వరకు తీసుకొచ్చి వదిలేస్తాడు. ఇప్పుడు ఇంటికి వెళ్లిపొమ్మని అంటే...నేను ఎలా వెళ్తాను నువ్వే మా ఇంటి దగ్గర దింపాలని చిన్ని కోరుతుంది. ఆ మాటలకు కోప్పడిన మ్యాడీ...అది ఎట్టిపరిస్థితుల్లోనూ జరగదని నువ్వే వెళ్లిపొమ్మని చెప్పి ఆఫీసులోకి వెళ్లిపోతాడు. ఇదే మంచి తరుణమని భావించిన చిన్ని...ఓ ఆటో తీసుకుని తన తండ్రిని దాచిపెట్టిన డెన్ కోసం వెతుకుతూ వెళ్తుంది.
ఇంతలో నాగవల్లి మ్యాడీకి ఫోన్ చేసి ఆఫీసులో అంతా బాగానే ఉంది కదా అని అడుగుతుంది. బాగా చిరాకులో ఉన్న మ్యాడీ మూడీగా సమాధానం చెప్పడంతో ఏం జరిగిందని నాగవల్లి నిలదీస్తుంది. ఆ చిన్ని కనిపించిందని అందుకే చాలా చిరాకుగా ఉన్నానని అంటాడు. ఆఫీసుకు వచ్చిందా అని అడగ్గా...లేదమ్మా నాన్న కారులో తీసుకెళ్తుంటే చూసి వెళ్లానని అంటాడు. చిన్ని నాన్న కారులో వెళ్లడం ఏంటని అడగ్గా....వాళ్ల నాన్నను నాన్నే కిడ్నాప్ చేసి దాచిపెట్టాడని గొడవ చేసిందంటా...అందుకే కారులో తీసుకెళ్లాడని అది చూసి నేను వెళ్లి ఆ చిన్నికి బుద్ధి చెప్పి తీసుకొచ్చేశానని అంటాడు. దీంతో నాగవల్లికి అసలు విషయం అర్థమైపోతుంది. నువ్వు అవేమీ పట్టించుకోకుండా హాయిగా నీ పని నువ్వు చూసుకోమని చెప్పి ఫోన్ పెట్టేస్తుంది.
కోపంతో ఇంటికి వచ్చిన దేవాను చూసి నాగవల్లి ఏం జరిగిందని అడుగుతుంది. అతను సమాధానం చెప్పకపోయేసరికి ఆ చిన్నిని చంపడం కుదరకపోవడంతో చిరాకులో ఉన్నారా అని అంటుంది. మ్యాడీ చెప్పాడా అని అడగ్గా....ఎవరు చెబితే ఏం ఉంది కానీ ఆచిన్నిని ఎందుకు తీసుకెళ్లారని నిలదీస్తుంది. వాళ్ల నాన్నతో కలిసి ఇద్దరినీ చంపేయడానికే తీసుకెళ్లానని అంటాడు.మ్యాడీ, శ్రేయల పెళ్లి అయ్యేవరకు ఇలాంటి పని చేయవద్దనే కదా మీకు చెప్పింది...మరి ఎందుకు ఈ పనిచేశారని అడుగుతుంది.మరి ఏం చేయమంటావు...ఆ చిన్ని నేరుగా పార్టీ ఆఫీసుకు వచ్చి మానాన్నను మీరే కిడ్నాప్ చేశారంటూ డైరెక్ట్గా నన్నే అడిగిందని అంటాడు.
ఈ విషయం పోలీసుల వరకు వెళ్తే నా పొలిటికల్ కెరీర్ మొత్తం నాశనం అవుతుందని అంటాడు. అందుకే దాన్ని తీసుకెళ్లి వాళ్ల నాన్నతో కలిపి చంపాలని ప్లాన్ చేశానంటాడు. ఇంతలో మ్యాడీ రావడంతో బతికిపోయిందని అంటాడు. మ్యాడీ రావడం వల్ల బతికిపోయింది అది కాదని...మనం అని అంటుంది నాగవల్లి. మిమ్మల్ని రోడ్డుమీదే చూశాడు కాబట్టి వాడు బయటే ఆపేశాడని...అదే మీరు లోపలికి వెళ్లిన తర్వాత వచ్చి చూసి ఉంటే ఏం చేసేవారని ప్రశ్నిస్తుంది. అందుకే మ్యాడీ, శ్రేయల పెళ్లి అయ్యేవరకు ఆగి వాళ్లు హానీమూన్కు వెళ్లిన సమయంలో ఇద్దరినీ చంపేస్తే ఎవరికీ ఎలాంటి అనుమానం రాదని నాగవల్లి భర్తకు చెబుతుంది.
తండ్రి కోసం వెతుకుతూ ఊరంతా తిరిగిన చిన్నికి అడ్రెస్ తెలియకపోవడంతో ఉసూరుమంటుంది. కరెక్ట్గా ఆటో మ్యాడీ వాళ్ల కంపెనీ ఇంకో బ్రాంచ్ ముందు ఆగుతుంది. అక్కడ దిగేసి విశ్వప్రసాద్గారిని చూస్తుంది. ఆయన్ను పట్టుకుని ఈ కంపెనీలో జాబ్ కొట్టేస్తే...మ్యాడీకి దగ్గరగా ఉండొచ్చని అనుకుంటుంది. అలాగే మ్యాడీకి ఆ డెన్ అడ్రెస్ తెలుసు కాబట్టి మానాన్నను కూడా కనిపెట్టొచ్చని భావిస్తుంది.
అదేరోజు అసిస్టెంట్ మేనేజర్ జాబ్ కోసం ఇంటర్వూలు జరుగుతుండగా...చిన్ని లోపలికి వెళ్లి తన టాలెంట్ చూపించి ఆ జాబ్ సంపాదిస్తుంది. ఆ ఆనందంతో ఇంటికి వెళ్లి అందరికీ స్వీట్లు పంచుతుంది. తనకు తన భర్త ఆఫీసులోనే ఉద్యోగం వచ్చిందని చెబుతుంది. ఈ మాటలకు ఆమె తల్లిదండ్రులు ఎంతో భయపడతారు. నువ్వు చిన్ని అని తెలిస్తేనే ఇంట్లో నుంచి బయటకు గెంటేశాడని...ఇప్పుడు ఆఫీసులోకి ఎలా రానిచ్చాడని అడుగుతారు. నా భర్తకు తెలియకుండానే ఈ జాబ్ సంపాదించానని చిన్ని అంటుంది. రేపు ఏదైనా జరిగితే ఏం చేస్తాం అని ప్రశ్నించగా...ఆయనకు తెలియకుండా ఆయన కంపెనీలోనే జాబ్ కొట్టేసిన దాన్ని ఆయన్ను ఎలా ఒప్పించాలో నాకు తెలియదా అని అంటుంది. మీరు ఇలాంటి భయాలు ఏం పెట్టుకోవద్దని చెబుతుంది.
టాప్ హెడ్ లైన్స్
ట్రెండింగ్ వార్తలు
