Redmi Smart Band Pro: రూ.3,499కే అదిరిపోయే స్మార్ట్ బ్యాండ్, లాంచ్ చేసిన రెడ్‌మీ!

రెడ్‌మీ స్మార్ట్ బ్యాండ్ ప్రో మనదేశంలో లాంచ్ అయింది. ఈ స్మార్ట్ బ్యాండ్‌ను రూ.3,499కే కొనుగోలు చేయవచ్చు.

రెడ్‌మీ స్మార్ట్ బ్యాండ్ ప్రో మనదేశంలో లాంచ్ అయింది. (Image Credit: Xiaomi)

రెడ్‌మీ స్మార్ట్ బ్యాండ్ ప్రో మనదేశంలో బుధవారం లాంచ్ అయింది. షియోమీ సబ్ బ్రాండ్ రెడ్‌మీ ఈ బ్యాండ్‌ను అందుబాటులోకి తీసుకువచ్చారు. ఇందులో మొత్తంగా 110 వర్కవుట్ మోడ్స్‌ను అందించారు. 14 రోజుల బ్యాటరీ లైఫ్‌ను ఈ బ్యాండ్ అందించనుందని కంపెనీ తెలిపింది.

రెడ్‌మీ స్మార్ట్ బ్యాండ్ ప్రో ధర
రెడ్‌మీ స్మార్ట్ బ్యాండ్ ప్రో ధరను రూ.3,999గా నిర్ణయించారు. అయితే లిమిటెడ్ పీరియడ్ ఆఫర్ కింద రూ.3,499కే ఈ బ్యాండ్ కొనుగోలు చేయవచ్చు. ఫిబ్రవరి 14వ తేదీన ఈ బ్యాండ్‌ను కొనుగోలు చేయవచ్చు. కంపెనీ వెబ్ సైట్, అమెజాన్, ఎంఐ హోం స్టోర్లలో ఈ స్మార్ట్ బ్యాండ్ అందుబాటులో ఉండనుంది.

రెడ్‌మీ స్మార్ట్ బ్యాండ్ ప్రో స్పెసిఫికేషన్లు
ఇందులో 1.47 అంగుళాల ఆల్వేస్ ఆన్ అమోఎల్ఈడీ టచ్ డిస్‌ప్లేను అందించారు. అపోలో 3.5 ప్రాసెసర్‌పై ఈ వాచ్ పనిచేయనుంది. దీని బ్యాటరీ సామర్థ్యం 200 ఎంఏహెచ్ కాగా.. 14 రోజుల బ్యాటరీ బ్యాకప్‌ను ఈ వాచ్ అందించనుంది.

ఇందులో లైఫ్‌క్యూ హెల్త్ ట్రాకింగ్ అల్గారిథంను అందించారు. పీపీజీ హార్ట్ రేట్ సెన్సార్, యాంబియంట్ లైట్ సెన్సార్, సిక్స్-యాక్సిస్ సెన్సార్‌లు కూడా ఇందులో ఉన్నాయి. బ్లూటూత్ వీ5.0ను కూడా ఈ ఫిట్‌నెస్ ట్రాకర్‌లో అందించారు. 5ఏటీయం వాటర్ ప్రూఫ్ ఫీచర్ ఇందులో ఉంది.

ఐవోఎస్ 10, ఆపైన లేదా ఆండ్రాయిడ్ 6 (మార్ష్‌మాల్లో), ఆపైన ఆపరేటింగ్ సిస్టంలను ఈ స్మార్ట్ బ్యాండ్ ప్రో సపోర్ట్ చేయనుంది. ఇందులో 110 వర్కవుట్ మోడ్స్‌ను అందించారు. ఎస్‌పీఓ2 మానిటరింగ్, హార్ట్ రేట్ మానిటరింగ్, స్లీప్ ట్రాకింగ్ వంటి ఫీచర్లను కూడా ఇది సపోర్ట్ చేయనుంది.

రన్నింగ్, వాకింగ్, జుంబా, పైలేట్స్, యోగా, సైక్లింగ్, హెచ్ఐఐటీ, జంపింగ్ రోప్ వంటి వర్కవుట్లను ఈ బ్యాండ్ ట్రాక్ చేయగలదు. దీంతోపాటు అవుట్ డోర్ వాకింగ్, అవుట్ డోర్ రన్నింగ్, ట్రెడ్ మిల్ వర్కవుట్లను ఇది ఆటోమేటిక్‌గా ట్రాక్ చేస్తుంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Xiaomi Assam (@xiaomiassamofficial)