Oppo Reno 7 Pro 5G: ఒప్పో రెనో కొత్త ఫోన్ సేల్ మొదలైంది, ఏకంగా 10 శాతం ఆఫర్!
ఒప్పో ఇటీవలే లాంచ్ చేసిన రెనో 7 ప్రో 5జీ స్మార్ట్ ఫోన్ సేల్ మనదేశంలో ప్రారంభం అయింది. ఫ్లిప్కార్ట్లో ఈ ఫోన్ అందుబాటులో ఉంది.
ఒప్పో రెనో 7 ప్రో 5జీ స్మార్ట్ ఫోన్ సేల్ మనదేశంలో ప్రారంభం అయింది. ఫ్లిప్ కార్ట్లో ఈ ఫోన్ కొనుగోలు చేయవచ్చు. ఇందులో వెనకవైపు మూడు కెమెరాలు అందించారు. ఫ్లాగ్ షిప్ స్మార్ట్ ఫోన్ ఫీచర్లు ఇందులో ఉండటం విశేషం. ఎంఐ 11ఐ హైపర్చార్జ్, రియల్మీ జీటీ, శాంసంగ్ గెలాక్సీ ఎస్20 ఎఫ్ఈలతో ఒప్పో రెనో 7 ప్రో 5జీ పోటీ పడనుంది.
ఒప్పో రెనో 7 ప్రో 5జీ ధర
ఈ స్మార్ట్ ఫోన్ ధర రూ.39,999గా ఉంది. ఇది 12 జీబీ ర్యామ్, 256 జీబీ స్టోరేజ్ వేరియంట్ ధర. ఇందులో ఈ ఒక్క వేరియంట్ మాత్రమే అందుబాటులో ఉంది. ఫ్లిప్ కార్ట్లో ఈ స్మార్ట్ ఫోన్ కొనుగోలు చేయవచ్చు. స్టార్లైట్ బ్లాక్, స్టార్ట్రయల్స్ బ్లూ రంగుల్లో ఈ ఫోన్ లాంచ్ అయింది.
ఈ స్మార్ట్ ఫోన్పై ప్రారంభ ఆఫర్ కింద ఐసీఐసీఐ, కొటక్ మహీంద్రా బ్యాంకు, స్టాండర్డ్ చార్టర్డ్ బ్యాంకు, ఐడీఎఫ్సీ ఫస్ట్ బ్యాంకు, బ్యాంక్ ఆఫ్ బరోడా, ఫెడరల్ బ్యాంకు కార్డులతో కొనుగోలు చేస్తే 10 శాతం క్యాష్బ్యాక్ అందించనున్నారు. ఈఎంఐ క్యాష్బ్యాక్, నో కాస్ట్ ఈఎంఐ ఆప్షన్లు దీనిపై అందించడం విశేషం.
ఒప్పో రెనో 7 ప్రో 5జీ స్పెసిఫికేషన్లు
ఆండ్రాయిడ్ 11 ఆధారిత కలర్ఓఎస్ 12 ఆపరేటింగ్ సిస్టంపై ఒప్పో రెనో 7 ప్రో 5జీ పనిచేయనుంది. ఇందులో 6.5 అంగుళాల ఫుల్ హెచ్డీ+ అమోఎల్ఈడీ డిస్ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్గా ఉంది. ఇందులో కార్నింగ్ గొరిల్లా గ్లాస్ 5 ప్రొటెక్షన్ను అందించారు. ఆక్టాకోర్ మీడియాటెక్ డైమెన్సిటీ 1200 మ్యాక్స్ ప్రాసెసర్పై ఈ స్మార్ట్ ఫోన్ పనిచేయనుంది. 12 జీబీ ర్యామ్, 256 జీబీ స్టోరేజ్ను ఈ స్మార్ట్ ఫోన్లో అందించారు.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరాగా 50 మెగాపిక్సెల్ సోనీ ఐఎంఎక్స్ 766 సెన్సార్ను అందించారు. దీంతోపాటు 8 మెగాపిక్సెల్ అల్ట్రా వైడ్ యాంగిల్ సెన్సార్, 2 మెగాపిక్సెల్ మాక్రో షూటర్లు కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరా అందుబాటులో ఉంది.
4500 ఎంఏహెచ్ బ్యాటరీని ఇందులో అందించారు. 65W ఫాస్ట్ చార్జింగ్ను ఈ స్మార్ట్ ఫోన్ సపోర్ట్ చేయనుంది. దీని బరువు 0.75 సెంటీమీటర్లు కాగా... బరువు 180 గ్రాములుగా ఉంది.
టాప్ హెడ్ లైన్స్
ట్రెండింగ్ వార్తలు
