OnePlus Nord CE 2 5G Sale: వన్‌ప్లస్ కొత్త 5జీ ఫోన్ సేల్ ప్రారంభం - ధర రూ.24 వేలలోపే!
వన్‌ప్లస్ నార్డ్ సీఈ 2 5జీ స్మార్ట్ ఫోన్ సేల్ మనదేశంలో ప్రారంభం అయింది.ఈ స్మార్ట్ ఫోన్ ధర మనదేశంలో రూ.23,999 నుంచి ప్రారంభం కానుంది.
వన్‌ప్లస్ మనదేశంలో ఇటీవలే లాంచ్ చేసిన వన్‌ప్లస్ నార్డ్ సీఈ 2 5జీ స్మార్ట్ ఫోన్ సేల్ మనదేశంలో ప్రారంభం అయింది. అమెజాన్‌లో ఈ ఫోన్ కొనుగోలు చేయవచ్చు. మీడియాటెక్ డైమెన్సిటీ 900 ప్రాసెసర్‌పై వన్‌ప్లస్ నార్డ్ సీఈ 2 5జీ పనిచేయనుంది. ఈ స్మార్ట్ ఫోన్ 65W ఫాస్ట్ చార్జింగ్‌ను సపోర్ట్ చేయనుంది.
వన్‌ప్లస్ నార్డ్ సీఈ 2 5జీ ధర
ఇందులో రెండు వేరియంట్లు లాంచ్ అయ్యాయి. వీటిలో ప్రారంభ వేరియంట్ అయిన 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.23,999 కాగా, 8 జీబీ ర్యామ్ + 128 జీబీ స్టోరేజ్ వేరియంట్ ధరను రూ.24,999గా నిర్ణయించారు. బహామా బ్లూ, గ్రే మిర్రర్ కలర్ ఆప్షన్లలో ఈ ఫోన్ అందుబాటులో ఉంది. అమెజాన్, వన్‌ప్లస్ అధికారిక వెబ్ సైట్లలో ఈ ఫోన్ కొనుగోలు చేయవచ్చు.
వన్‌ప్లస్ నార్డ్ సీఈ 2 5జీ స్పెసిఫికేషన్లు
ఆండ్రాయిడ్ 11 ఆధారిత ఆక్సిజన్ ఓఎస్ 11 ఆపరేటింగ్ సిస్టంపై వన్‌ప్లస్ నార్డ్ సీఈ 2 పనిచేయనుంది. ఈ స్మార్ట్ ఫోన్‌లో 6.43 అంగుళాల ఫుల్ హెచ్‌డీ+ ఫ్లూయిడ్ అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. కార్నింగ్ గొరిల్లా గ్లాస్ 5 ప్రొటెక్షన్ కూడా ఇందులో అందించారు. ఆక్టాకోర్ మీడియాటెక్ డైమెన్సిటీ 900 ప్రాసెసర్‌పై వన్‌ప్లస్ నార్డ్ సీఈ 2 5జీ పనిచేయనుంది. 8 జీబీ వరకు ర్యామ్, 128 జీబీ వరకు స్టోరేజ్ కూడా ఇందులో ఉన్నాయి. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు ఉండనున్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా... దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో సెన్సార్ కూడా అందించారు. ఎలక్ట్రిక్ ఇమేజ్ స్టెబిలైజేషన్ ఫీచర్ కూడా ఇందులో ఉంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ సోనీ ఐఎంఎక్స్471 కెమెరాను అందించారు.
దీని బ్యాటరీ సామర్థ్యం 4500 ఎంఏహెచ్ కాగా... 65W సూపర్‌వూక్ ఫాస్ట్ చార్జింగ్‌ను ఇది సపోర్ట్ చేయనుంది. 5జీ, 4జీ ఎల్టీఈ, వైఫై 6, బ్లూటూత్ వీ5.2, ఎన్ఎఫ్‌సీ, జీపీఎస్ వంటి ఫీచర్లు కూడా ఇందులో ఉన్నాయి. ఫోన్ మందం 0.78 సెంటీమీటర్లు కాగా... బరువు 173 గ్రాములుగా ఉంది.
టాప్ హెడ్ లైన్స్
ట్రెండింగ్ వార్తలు
