Nokia G21 Launch: రూ.14 వేలలోపే నోకియా కొత్త ఫోన్, భారీ బ్యాటరీ, 50 మెగాపిక్సెల్ కెమెరా కూడా!
ప్రముఖ స్మార్ట్ ఫోన్ బ్రాండ్ నోకియా తన కొత్త స్మార్ట్ ఫోన్ లాంచ్ చేసింది. అదే నోకియా జీ21
Nokia G21: నోకియా జీ21 స్మార్ట్ ఫోన్ ఎంపిక చేసిన మార్కెట్లలో లాంచ్ అయింది. మనదేశంలో గతేడాది లాంచ్ అయిన నోకియా జీ20కి తర్వాతి వెర్షన్‌గా ఈ ఫోన్ మార్కెట్లోకి ఎంట్రీ ఇచ్చింది. ఇందులో 90 హెర్ట్జ్ రిఫ్రెష్ రేట్ ఉన్న డిస్‌ప్లేను అందించారు. దీని బ్యాటరీ సామర్థ్యం 5050 ఎంఏహెచ్‌గా ఉంది.
నోకియా జీ21 ధర
ఈ ఫోన్ ధరను రష్యాలో 15,999 రూబుల్స్‌గా (సుమారు రూ.15,600) నిర్ణయించారు. ఇందులో కేవలం 4 జీబీ ర్యామ్ + 64 జీబీ స్టోరేజ్ వేరియంట్ మాత్రమే అందుబాటులో ఉంది. బ్లూ కలర్‌లో దీన్ని కొనుగోలు చేయవచ్చు. నోకియా జీ20 మనదేశంలో రూ.12,999 ధరతో లాంచ్ అయింది. నోకియా జీ21 మనదేశంలో లాంచ్ అయితే దాని ధర రూ.14 వేలలోపే ఉండే అవకాశం ఉంది.
నోకియా జీ21 స్పెసిఫికేషన్లు
ఆండ్రాయిడ్ 11 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల హెచ్‌డీ+ ఐపీఎస్ డిస్‌ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్‌గా ఉంది. దీని యాస్పెక్ట్ రేషియో 20:9గా ఉంది. పిక్సెల్ డెన్సిటీ 269 పీపీఐగా ఉంది.
4 జీబీ ర్యామ్, 64 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా 512 జీబీ వరకు పెంచుకోవచ్చు. యూనిసోక్ టీ606 ప్రాసెసర్‌పై ఈ ఫోన్ పనిచేయనుంది. దీని బ్యాటరీ సామర్థ్యం 5050 ఎంఏహెచ్‌గా ఉంది. 18W ఫాస్ట్ చార్జింగ్ సపోర్ట్‌ను ఇందులో నోకియా అందించింది.
ఇక కెమెరాల విషయానికి వస్తే... ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... దీంతోపాటు రెండు 2 మెగాపిక్సెల్ షూటర్లు కూడా ఉన్నాయి. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.
వైఫై, 4జీ, బ్లూటూత్ వీ5, జీపీఎస్, గ్లోనాస్, బైదు, గెలీలియో, ఎన్‌పీఎస్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో అందించారు. యాక్సెలరోమీటర్, ప్రాక్సిమిటీ సెన్సార్, లైట్ సెన్సార్ కూడా ఇందులో అందించారు. ఇందులో ఫింగర్ ప్రింట్ సెన్సార్‌తో పాటు... గూగుల్ అసిస్టెంట్‌కు ప్రత్యేకమైన బటన్ కూడా ఉంది. దీని మందం 0.85 సెంటీమీటర్లు కాగా... బరువు 190 గ్రాములుగా ఉంది.
View this post on Instagram
టాప్ హెడ్ లైన్స్
ట్రెండింగ్ వార్తలు
