The Halo ring: దేశంలోనే మొట్టమొదటి ‘స్మార్ట్ రింగ్’.. విశేషాలు ఇవే..!
ప్రముఖ స్మార్ట్ వాచ్ తయారీ సంస్థ పెబుల్.. ‘స్మార్ట్ రింగ్’తో మార్కెట్లోకి దూసుకొచ్చింది. స్మార్ట్ రింగ్ను ప్రవేశపెట్టిన మొట్టమొదటి సంస్థగా నిలిచింది.
Pebble smart ring: ప్రముఖ స్మార్ట్ వాచ్ తయారీ సంస్థ పెబుల్.. నూతర ఒరవడులు సృష్టిస్తూ ‘స్మార్ట్ రింగ్’తో మార్కెట్లోకి దూసుకొచ్చింది. ఫ్యాషన్ రంగాన్ని మరింత ఆకర్షనీయంగా మల్చుతూ ‘హాలో స్మార్ట్ రింగ్’ పేరుతో సొగసైన రింగ్ను మార్కెట్లోకి అందుబాటులో తెచ్చింది. స్మార్ట్ రింగ్ను ప్రవేశపెట్టిన మొట్టమొదటి సంస్థగా నిలిచింది. స్టెయిన్లెస్ స్టీల్ రింగ్ పైభాగంలో డిజిటల్ డిస్ప్లేతో ఆకట్టుకునేలా రూపొందించారు. ఈ స్మార్ట్ రింగ్ కేవలం గాడ్జెట్ మాత్రమే కాదని.. అంతకుమించి ఉంటుందని సంస్థ హామీ ఇచ్చింది.
హెల్త్ గురించి ఎప్పటికప్పుడు అప్డేట్ ఇచ్చేలా..
వినియోగదారుల హెల్త్ గురించి ఎప్పటికప్పుడు అప్డేట్ ఇచ్చేలా టెక్నాలజీని జోడిస్తూ Halo Smart Ringను రూపొందించారు. హార్ట్ రేట్, శరీర పనితీరును, నిద్రను పర్యవేక్షిస్తుంది. స్టెప్స్ను లెక్కిస్తుంది. హార్ట్ రేట్, టైమ్, బ్యాటరీ లైఫ్ వంటి కీలక అంశాలను డిస్ప్లేపై ప్రదర్శిస్తుంది. నలుపు, బంగారం మరియు వెండి రంగుల్లో ఈ స్మార్ట్ రింగ్ లభిస్తోంది. స్టెయిన్లెస్ స్టీల్తో రూపొందిన ఈ రింగ్ ఎంతో మన్నికైంది. స్ప్లాష్, డస్ట్ రెసిస్టెంట్ కూడా.
ఒక్కాసారి ఛార్జ్ చేస్తే నాలుగు రోజులు
హాలో రింగ్ కేవలం ఆరోగ్య విషయాలే కాదు.. అంతకు మించి పనిచేస్తుంది. వినియోగదారులు ఈ రింగ్తో తమ ఫోన్ కెమెరాను కంట్రోల్ చేయవచ్చు. “Find My Ring” ఫంక్షన్ని ఉపయోగించి రింగ్ను గుర్తించవచ్చు. సోషల్ మీడియా యాప్లు, గేమ్లు ఇ-బుక్ రీడర్లను యాక్సెస్ చేయవచ్చు. మల్టిపుల్ స్పోర్ట్స్ మోడ్లకు కూడా సపోర్ట్ ఇస్తుంది. నాలుగు రోజుల పాటు చార్జింగ్ నిలిచేలా బ్యాటరీని రూపొందించారు. ఒక్కాసారి ఛార్జ్ చేస్తే నాలుగు రోజుల బ్యాటరీ నిలుస్తుంది.
అందుబాటులోకి ప్రీ ఆర్డర్లు
ఫిట్నెస్ పట్ల దృష్టిపెట్టేవారు, టెక్ ప్రియులు, ఫ్యాషన్ పట్ల స్పృహ ఉన్న వినియోగదారులకు ఇది పర్ఫెక్ట్ gadget అని చెప్పవచ్చు. భారీ సంఖ్యలో వినియోగదారులను ఆకర్షించే లక్ష్యంతో 7 నుంచి 12 రకాల సైజ్లతో హాలోను రిలీజ్ చేస్తోంది. కంపెనీ అధికారిక వెబ్సైట్ Pebbleలో ప్రీ-ఆర్డర్లు ఇప్పుడు స్టార్టింగ్ ధర రూ.3,999 నుంచి అందుబాటులో ఉన్నాయి. ఈ స్మార్ట్ రింగ్ జూలై 4 నుంచి అధికారికంగా మార్కెట్లోకి వచ్చింది. రూ. 7,999 MRPతో, ప్రత్యేకంగా ఫ్లిప్కార్ట్ మరియు పెబుల్ ప్లాట్ఫామ్లో లభిస్తోంది.
టాప్ హెడ్ లైన్స్
ట్రెండింగ్ వార్తలు
