Tokyo Olympics 2020 HighLights: చాను రజతం... స్వర్ణం కానుందా? ప్రిక్వార్టర్స్ చేరిన శరత్ కమల్
Tokyo Olympics 2020 LIVE Updates: ప్రి క్వార్టర్స్ చేరిన శరత్ కమల్... పురుషుల ఆర్చరీలో నిరాశ
LIVE
Background
టోక్యో ఒలింపిక్స్‌లో భారత్ పతకాల వేట మొదలైంది. శనివారం వెయిట్ లిఫ్టింగ్‌లో మీరాబాయి చాను దేశానికి రజత పతకాన్ని అందించింది. మహిళల 49 కేజీల విభాగంలో పోటీపడిన మీరాబాయి.. ఫస్ట్ అటెంప్ట్‌లో 110 కేజీలు, సెకండ్ అటెంప్ట్‌లో 115 కేజీలతో అందర్నీ ఆశ్చర్యపరిచింది. కానీ.. ఫైనల్ అటెంప్ట్‌లో మాత్రం 117 కేజీలను లిప్ట్ చేయడంలో మీరాబాయి విఫలమైంది. దాంతో.. ఆమె రజతంతో సరిపెట్టుకోవాల్సి వచ్చింది. చైనాకి చెందిన హౌ జిహూయ్‌కి స్వర్ణం లభించింది.
భారత్ నుంచి 119 మంది క్రీడాకారులు టోక్యో ఒలింపిక్స్‌లో పోటీపడుతున్నారు. ఇందులో 67 మంది ఫురుషులు, 52 మంది మహిళా క్రీడాకారులు ఉన్నారు. ఈ ఒలింపిక్స్‌లో సత్తాచాటే అథ్లెట్లకి భారత ఒలింపిక్ సంఘం నగదు పురస్కారాలని ఇప్పటికే ప్రకటించేసింది. స్వర్ణం గెలిస్తే రూ.75 లక్షలు, రజతానికి రూ.40 లక్షలు, కాంస్యానికి రూ.25 లక్షలు చొప్పున అథ్లెట్లకి ఇవ్వనున్నట్లు తెలిపింది.
టోక్యో బయల్దేరిన నీరజ్ చోప్రా
భారత స్టార్ జావలిన్ త్రోయర్ ప్లేయర్ నీరజ్ చోప్రా ఒలింపిక్స్ కోసం టోక్యో బయల్దేరాడు. జపాన్‌కి బయల్దేరేముందు అతడు ఎయిర్ పోర్టులో దిగిన ఫొటోను పంచుకున్నాడు.
భారత్ చేరుకున్న మీరాబాయి చాను
టోక్యో ఒలింపిక్స్‌లో రజత పతకం సాధించిన మీరాబాయి చాను జపాన్ నుంచి భారత్ చేరుకున్నారు.
నిరాశపరిచిన స్విమ్మర్ సజన్ ప్రకాశ్
భారత స్విమ్మర్ సజన్ ప్రకాశ్ నిరాశపరిచాడు. సెమీఫైనల్ కోసం నిర్వహించిన పోటీల్లో అతను అర్హత సాధించలేకపోయాడు.
చాను రజతం... స్వర్ణం కానుందా?
టోక్యో ఒలింపిక్స్‌లో మీరాబాయి చాను రజతం గెలుచుకుంది. ఐతే, ఈ రజతం... స్వర్ణమయ్యే అవకాశం ఉంది. అది ఎలాగంటే...స్వర్ణం గెలిచిన చైనా లిఫ్టర్ జీహుహోను డోపింగ్ టెస్టుకు పంపాలని నిర్వాహకులు భావిస్తున్నారు. ఈ టెస్టులో ఆమె డోపీగా తేలితే ఆమె గెలిచిన స్వర్ణాన్ని చానుకు ఇచ్చేస్తారు.
మూడో రౌండ్లో మనిక బాత్ర ఓటమి
ఒలింపిక్స్‌లో భారత స్టార్ టేబుల్ టెన్నిస్ క్రీడాకారిణి మనిక బాత్రా పోరు ముగిసింది. సింగిల్స్ 3వ రౌండ్లో బాత్ర 0-4 తేడాతో ఆస్ట్రియా క్రీడాకారిణి సోఫియాపై ఓడిపోయింది.
టాప్ హెడ్ లైన్స్
ట్రెండింగ్ వార్తలు
