PV Sindhu Bathukamma Controversy: పీవీ సింధు వెండి బతుకమ్మపై ట్రోలింగ్.. నెటిజన్‌కు దిమ్మతిరిగే కౌంటర్

బతుకమ్మ ఫోటోలపై నెటిజన్ చేసిన విమర్శలకు ఒలింపిక్ మెడలిస్ట్ పీవీ సింధు హుందాగా సమాధానమిస్తూ, విమర్శించే ముందు కుటుంబ సంప్రదాయాలను, భావోద్వేగాలను అర్థం చేసుకోవాలన్నారు.

పీవీ సింధు వెండి బతుకమ్మపై ట్రోలింగ్.. నెటిజన్‌కు దిమ్మతిరిగే కౌంటర్

Source : X.com

Show Quick Read

Key points generated by AI, verified by newsroom

• పీవీ సింధు బతుకమ్మ ఫోటోలపై నెటిజన్ తీవ్ర అభ్యంతరం వ్యక్తం చేశాడు.
• తన పుట్టింట్లో సంప్రదాయం లేదని, పూల బతుకమ్మను తనే పేర్చింది.
• వెండి బతుకమ్మ అత్తగారు ఇచ్చిన బహుమతి, సంప్రదాయం గౌరవిస్తుంది.

హైదరాబాద్: తెలంగాణ ఆడపడుచుల ఆత్మగౌరవ ప్రతీక, రాష్ట్ర పండుగ బతుకమ్మ విషయంలో భారత స్టార్ బ్యాడ్మింటన్ ప్లేయర్ పీవీ సింధుపై విమర్శలు వచ్చాయి. సోషల్ మీడియా వేదికగా ఓ నెటిజన్ చేసిన కామెంట్లకు ఒలింపిక్ మెడలిస్ట్ పీవీ సింధు స్ట్రాంగ్ కౌంటర్ ఇచ్చారు. బ్యాడ్మింట్ స్టార్ రియాక్షన్ సోషల్ మీడియాలో వైరల్‌గా మారింది. ముందుగానే నిర్ణయించిన గేమ్స్ బిజీ షెడ్యూల్ కారణంగా ఈ ఏడాది బతుకమ్మ సంబరాలను మిస్ అవుతున్నానంటూ పీవీ సింధు ఓ పోస్ట్ చేశారు. గతేడాది పెళ్లయిన కొత్తలో తన భర్తతో కలిసి జరుపుకున్న వేడుకల ఫొటోలను ఇన్‌స్టాగ్రామ్‌లో ఆమె పంచుకున్నారు. అయితే ఆ ఫొటోల్లో సింధు చేతిలో వెండి బతుకమ్మ ఉండటాన్ని గమనించిన ఓ నెటిజన్... పూలు పేర్చితేనే బతుకమ్మ అని, మీ చేతులో ఉన్నది ఏంటి..  మీ పైత్యాన్ని సంప్రదాయాలపై, ప్రజలపై రుద్దకండి అంటూ తీవ్ర అభ్యంతరం వ్యక్తం చేశాడు.

ఈ నెటిజన్ ట్రోలింగ్‌పై బ్యాడ్మింటన్ స్టార్ పీవీ సింధు ఏమాత్రం తగ్గకుండా హుందాగా స్పందిస్తూ నెటిజన్‌కు స్ట్రాంగ్ కౌంటర్ ఇస్తూ అతడి నోరు మూయించారు. ఒకరిపై విమర్శలు గుప్పించే ముందు ఆ కుటుంబ సంప్రదాయాలు, భావోద్వేగాలను, పద్దతుల్ని అర్థం చేసుకోవాలని ఆమె హితవు పలికారు. తన పుట్టింట్లో బతుకమ్మ ఆడే ఆచారం లేదని తెలిపారు. కరీంనగర్‌కు చెందిన కుటుంబానికి కోడలిగా తాను వెళ్లిన తర్వాతే ఈ బతుకమ్మ పండుగతో అనుబంధం ఏర్పడిందని తెలిపారు. వైరల్ అయిన ఫొటోలో వెనుకవైపు కనిపిస్తున్న పెద్ద బతుకమ్మను తనే స్వయంగా రోజంతా కష్టపడి రంగురంగుల పూలతో పేర్చానని తెలిపారు. ఆ పూల బతుకమ్మ స్వయంగా తయారు చేసి తాను వేడుకల్లో పాల్గొన్నానని స్పష్టం చేశారు. 

Before passing judgment, please understand the tradition ❤️ We don’t traditionally celebrate Bathukamma in my family, so this was my very first! And I’ve married into a family from the very heart of Telangana - Karimnagar. See that rather large floral Bathukamma in the background ? I spent pretty much the whole day decorating it 😂, and that’s what we celebrated with! The silver Bathukamma was my mother-in-law’s way of welcoming me into a tradition that’s so close to her heart ❤️ Surely, there’s room for a mother’s love alongside tradition ❤️

— PV Sindhu (@Pvsindhu1) October 18, 2026

ఇక చేతిలో ఉన్న వెండి బతుకమ్మ విషయం ఏంటని కొందరికి డౌట్ వస్తుంది. తనను ఆప్యాయంగా తెలంగాణ సంప్రదాయంలోకి ఆహ్వానిస్తూ తన అత్తింటివారు (అత్తగారు) ప్రేమతో ఇచ్చిన కానుక పీవీ సింధు సోషల్ మీడియా ద్వారా వివరించారు. తనకు సంస్కృతి, సాంప్రదాయంతో పాటు కుటుంబ ప్రేమానుబంధాలకు కూడా విలువ ఇస్తానని సింధు సోషల్ మీడియాలో ఇచ్చిన వివరణ నెటిజన్లను ఎంతగానో ఆకట్టుకుంటోంది.

Dasara Patti (దసరా పట్టి) The way PV sindhu celebrated her 1st bathukamma after marriage is how, traditionally Bathukamma is celebrated ie Post Wedding for the 1st Bathukamma, bride is sent Bathukamma (Silver/Paper made etc) along with Silver/Wooden Kolas, gifts by Mother in law https://t.co/LTkJjXuIow

— Raven Stark (@RavenStark17) October 6, 2025

తాను పెద్ద సెలబ్రిటీని, ప్రతిష్టాత్మక ఒలింపిక్స్ లో రెండుసార్లు భారత్‌కు మెడల్ అందించాననే తీరును ప్రదర్శించకుండా.. ఓ సాధారణ మహిళగా మన సంప్రదాయాన్ని గౌరవిస్తూనే, ఆ ఫొటోకు కారణం వివరిస్తూ నెటిజన్‌కు ఇచ్చిన సమాధానం ప్రస్తుతం నెట్టింట వైరల్ అవుతోంది.