IPL 2024: తేలిపోయిన రాజస్థాన్ బ్యాటర్లు, పంజాబ్ ముందు స్వల్ప లక్ష్యం
RR vs PBKS, 2024: పంజాబ్తో జరుగుతున్న మ్యాచ్లో రాజస్థాన్ బ్యాటర్లు తేలిపోయారు. నిర్ణీత 20 ఓవర్లలో 9 వికెట్ల నష్టానికి 144 పరుగులకే చేతులెత్తేసారు.
RR vs PBKS IPL 2024 Punjab Kings target 145: పంజాబ్(PBKS)తో జరుగుతున్న మ్యాచ్లో రాజస్థాన్(RR) తక్కువ పరుగులకే పరిమితమైంది. ఇప్పటికే ప్లే ఆఫ్కు చేరిన రాజస్థాన్ బ్యాటర్లు.. ఈ మ్యాచ్లో తేలిపోయారు. పంజాబ్ బౌలర్లు సమష్టిగా రాణించడంతో రాజస్థా బ్యాటర్లు ఏ దశలోనూ భారీ స్కోరు సాధించేలా కనిపించలేదు. పంజాబ్ బౌలర్లు కట్టుదిట్టంగా బౌలింగ్ చేయడంతో రాజస్థాన్ నిర్ణీత 20 ఓవర్లలో 148 పరుగులకే పరిమితమైంది. రియాన్ పరాగ్ 48 పరుగులతో రాణించాడు.
చెలరేగిన బౌలర్లు
ఈ మ్యాచ్లో టాస్ గెలిచి బ్యాటింగ్ ఎంచుకున్న రాజస్థాన్కు తొలి ఓవర్లోనే షాక్ తగిలింది. మొదటి బంతికి ఫోర్ బాదిన యశస్వి జైస్వాల్ నాలుగో బంతిని వికెట్ల మీదికి ఆడుకుని అవుట్ అయ్యాడు. నాలుగు పరుగులకే చేసి జైస్వాల్ అవుటయ్యాడు. జైస్వాల్ షాట్ ఆడేందుకు ప్రయత్నించగా బంతి బ్యాట్ ఎడ్జ్కు తాకి వికెట్లకు తగిలింది. దీంతో తొమ్మిది పరుగులకే రాజస్థాన్ తొలి వికెట్ కోల్పోయింది. తర్వాత సంజు శాంసన్, టామ్ కోహ్లెర్ కాడ్మోర్ కాసేపు పంజాబ్ బౌలర్లను ప్రతిఘటించారు. కానీ పరుగులు మాత్రం రాలేదు. పవర్ ప్లే ముగిసేసరికి రాజస్థాన్ స్కోరు 38/1. ఆ తర్వాత కాసేపటికే 18 పరుగులు చేసిన శాంసన్ అవుటయ్యాడు. దీంతో 40 పరుగుల వద్ద రాజస్థాన్ రెండో వికెట్ కోల్పోయింది. 15 బంతుల్లో కెప్టెన్ సంజు శాంసన్ 18 పరుగులు చేసి ఔటయ్యాడు. నాథన్ ఎలిస్ వేసిన 6.4 ఓవర్కు బ్యాక్వర్డ్ పాయింట్లో రాహుల్ చాహర్కు క్యాచ్ ఇచ్చి శాంసన్ అవుటయ్యాడు. 7 ఓవర్లకు స్కోరు 41/2. కాసేపటికే రాజస్థాన్ మూడో వికెట్ కోల్పోయింది. టామ్ కోహ్లెర్ కాడ్మోర్ 18 పరుగులు చేసి ఔటయ్యాడు. రాహుల్ చాహర్ ఓవర్లో భారీ షాట్ ఆడి కాడ్మోర్ లాంగాన్లో జితేశ్ శర్మకు క్యాచ్ ఇచ్చాడు. 8 ఓవర్లకు రాజస్థాన్ స్కోరు 43/3. 9 ఓవర్లకు రాజస్థాన్ స్కోరు 50 పరుగులు దాటింది. 10 ఓవర్లకు రాజస్థాన్ మూడు వికెట్ల నష్టానికి 58 పరుగులు చేసింది. హర్షల్ పటేల్ వేసిన 11 ఓవర్లో 10 పరుగులు వచ్చాయి. రాజస్థాన్ ఇన్నింగ్స్కు అశ్విన్ ఊపు తెచ్చాడు. రాహుల్ చాహర్ వేసిన 12 ఓవర్లో అశ్విన్ వరుసగా 6, 4, 4 బాదాడు. అర్ష్దీప్ సింగ్ వేసిన 13 ఓవర్లో చివరి బంతికి 28 పరుగులు చేసి అశ్విన్ అవుటయ్యాడు. దీంతో 50 పరుగుల భాగస్వామ్యానికి తెరపడింది. ధ్రువ్ జురెల్ గోల్డెన్ డక్గా వెనుదిరగడంతో రాజస్థాన్కు గట్టి షాక్ తగిలింది. శామ్ కరన్ వేసిన 14 ఓవర్లో మూడో బంతికి ధ్రువ్ జురెల్ గోల్డెన్ డక్గా వెనుదిరిగాడు. జురెల్.. మిడ్ వికెట్లో హర్ప్రీత్ బ్రార్కు క్యాచ్ ఇచ్చాడు. 15 ఓవర్లు పూర్తయ్యేసరికి రాజస్థాన్ ఆరు వికెట్లు కోల్పోయింది. పంజాబ్ బౌలర్ల ధాటికి రాజస్థాన్ బ్యాటర్లు పెవిలియన్కు క్యూ కట్టారు. రాహుల్ చాహర్ వేసిన 15 ఓవర్లో మూడో బంతికి రొవ్మన్ పావెల్ నాలుగు పరుగులు చేసి అవటయ్యాడు. కానీ రియాన్ పరాగ్ పోరాడాడు. రాజస్థాన్ బ్యాటర్లు వరుసగా పెవిలియన్కు క్యూ కడుతున్నా పరాగ్ చివరి వరకూ పోరాడాడు. రియాన్ పరాగ్ 48 పరుగులు చేయడంతో రాజస్థాన్ నిర్ణీత 20 ఓవర్లలో ఎనిమిది వికెట్ల నష్టానికి 144 పరుగులు చేసింది.
టాప్ హెడ్ లైన్స్
ట్రెండింగ్ వార్తలు
