IPL Auction 2023: అందరి దృష్టి ఈ ముగ్గురిపైనే - వికెట్ కీపర్లలో వీళ్లే హాట్ కేక్స్!
ఐపీఎల్ 2023 వేలంలో ఈ ముగ్గురు వికెట్ కీపర్ల కోసం ఫ్రాంచైజీలు పోటీ పడనున్నాయి.
IPL Auction 2023 Narayan Jagadeesan: ఇండియన్ ప్రీమియర్ లీగ్ 2023 కోసం త్వరలో వేలం నిర్వహించనున్నారు. కొచ్చిలో జరిగే వేలంలో అనేక దేశాలకు చెందిన ఆటగాళ్లు పాల్గొంటారు. ఈసారి అనుభవజ్ఞులైన ఆటగాళ్లతో పాటు యువ ఆటగాళ్లపై కూడా భారీ బిడ్లు వేయవచ్చు. చాలా ఫ్రాంచైజీలు వికెట్ కీపర్ బ్యాట్స్‌మెన్ కోసం కూడా వెతుకుతున్నాయి. ఈసారి నికోలస్ పూరన్, నారాయణ్ జగదీషన్, ఫిల్ సాల్ట్‌లపై భారీ మొత్తం ఖర్చు చేయవచ్చు. ఇప్పటి వరకు ఈ ఆటగాళ్ల ప్రదర్శన అద్భుతంగా ఉంది.
వెస్టిండీస్ వెటరన్ నికోలస్ పూరన్ అనేక సందర్భాల్లో తన ప్రతిభను నిరూపించుకున్నాడు. 47 ఐపీఎల్ మ్యాచ్‌ల్లో 912 పరుగులు చేశాడు. అతను 151.24 స్ట్రైక్ రేట్‌ను కలిగి ఉన్నాడు. ఐపీఎల్ 2023 వేలం సమయంలో నికోలస్ పూరన్‌కు భారీ బిడ్లు రావచ్చు.
భారత వికెట్ కీపర్ బ్యాట్స్‌మెన్ నారాయణ్ జగదీషన్ ఐపీఎల్ కెరీర్‌లో ఇప్పటి వరకు ఎక్కువ ఆడలేదు. అతను కేవలం 7 మ్యాచ్‌లు మాత్రమే ఆడాడు. అయితే దేశవాళీ మ్యాచ్‌ల్లో మంచి ప్రదర్శన కనబరిచాడు. జగదీషన్ 51 టీ20 మ్యాచ్‌లు ఆడి 1064 పరుగులు చేశాడు. 118.61 స్ట్రైక్ రేట్‌ను కలిగి ఉన్నాడు. 5 స్టంప్‌ అవుట్‌లు, 17 క్యాచ్‌లు కూడా చేశాడు. ఈసారి జగదీశన్‌కు భారీ ధర పలికే అవకాశం ఉంది.
ఫ్రాంచైజీలు ఇంగ్లాండ్ వికెట్ కీపర్ బ్యాట్స్‌మెన్ ఫిల్ సాల్ట్‌పై కూడా దృష్టి పెట్టనున్నాయి. ఇతను 13 టీ20 ఇంటర్నేషనల్ మ్యాచ్‌ల్లో 245 పరుగులు చేశాడు. అతని స్ట్రైక్ రేట్ 161.88గా ఉంది. ఫిల్ సాల్ట్‌కు కూడా మంచి మొత్తంలో లభిస్తుందని భావిస్తున్నారు. ఫిల్ సాల్ట్ ఐపీఎల్ ఆడడం ఇదే తొలిసారి. ఇంతకు ముందు ఇంగ్లండ్ తరఫున 13 టీ20లు, 11 వన్డేలు మాత్రమే ఆడాడు. దేశవాళీ మ్యాచ్‌ల్లో మంచి ప్రదర్శన కనబరిచాడు.
View this post on Instagram
View this post on Instagram
టాప్ హెడ్ లైన్స్
ట్రెండింగ్ వార్తలు
