IPL 2023: ధోని నుంచి డీకే వరకు - ఈ ఐపీఎల్లో విధ్వంసక వికెట్ కీపర్ బ్యాటర్లు వీరే!
ఐపీఎల్ 2023లో ఐదుగురు విధ్వంసకర వికెట్ కీపర్ బ్యాటర్లు వీరే.
IPL 2023 Wicketkeeper Batter: IPL 16వ సీజన్ ప్రారంభానికి కేవలం రెండు రోజులు మాత్రమే మిగిలి ఉన్నాయి. ఇలాంటి పరిస్థితుల్లో టైటిల్ను చేజిక్కించుకునేందుకు అన్ని జట్లు కఠోర సాధన చేశాయి. నాలుగేళ్ల తర్వాత భారత గడ్డపై ఐపీఎల్ పాత ఫార్మాట్కు (హోం, ఎవే గ్రౌండ్లలో మ్యాచ్లు) తిరిగి వచ్చింది. ఐపీఎల్ 2023 మొదటి మ్యాచ్ చెన్నై సూపర్ కింగ్స్, డిఫెండింగ్ ఛాంపియన్ గుజరాత్ టైటాన్స్ జట్ల మధ్య జరగనుంది. ఐపీఎల్ 16వ సీజన్లో డేంజరస్ వికెట్ కీపర్ బ్యాట్స్మెన్ చాలా మంది ఉన్నారు. వారు తమ బ్యాటింగ్తో ప్రత్యర్థి జట్ల బౌలర్లకు చుక్కలు చూపించగలరు. ఆయా జట్ల వ్యూహాల్లో వారు కీలకంగా ఉంటారు. విధ్వంసకర రీతిలో బ్యాటింగ్ చేస్తున్న ఈ వికెట్కీపర్ బ్యాట్స్మెన్ల గురించి తెలుసుకుందాం.
సంజు శామ్సన్
రాజస్థాన్ రాయల్స్ కెప్టెన్ సంజు శామ్సన్ బ్యాటింగ్లో కూడా మంచి పేరు పొందాడు. అతని పవర్ హిట్టింగ్ అద్భుతం. అతను ఈసారి కూడా తన జట్టుకు అద్భుతాలు చేయగలడు. అతను విధ్వంసక రీతిలో బ్యాటింగ్ చేయగలడు. ఐపీఎల్ 2022లో సంజు 458 పరుగులు చేశాడు. ఈ సమయంలో అతను రెండు హాఫ్ సెంచరీలు చేశాడు. తనదైన రోజున జట్టు కోసం ఒంటి చేత్తో మ్యాచ్ను గెలిపించగల సామర్థ్యం సంజుకు ఉంది.
క్వింటన్ డికాక్
లక్నో సూపర్ కింగ్స్ డేంజరస్ బ్యాట్స్మెన్ క్వింటన్ డికాక్ ప్రస్తుతం అద్భుతమైన ఫామ్లో ఉన్నాడు. వెస్టిండీస్తో జరిగిన రెండో టీ20 మ్యాచ్లో విధ్వంసకర బ్యాటింగ్తో 43 బంతుల్లోనే సెంచరీ సాధించాడు. ఐపీఎల్ 2022లో అత్యధిక పరుగులు చేసిన ఆటగాళ్లలో మూడో స్థానంలో నిలిచాడు. గత సీజన్లో అతని బ్యాట్ నుంచి 508 పరుగులు వచ్చాయి. ఈ సమయంలో అతను ఒక సెంచరీ, మూడు అర్ధ సెంచరీలు సాధించాడు.
ఇషాన్ కిషన్
ముంబై ఇండియన్స్కు చెందిన ఇషాన్ కిషన్ కూడా బ్యాంగ్ బ్యాట్స్మెన్. గత సీజన్లో అతని బ్యాట్ నుంచి పరుగులు బాగానే వచ్చాయి. ఈ సమయంలో అతను అద్భుతమైన బ్యాటింగ్ చేస్తూ మూడు అర్ధ సెంచరీలతో సహా 418 పరుగులు చేశాడు. అతని అత్యధిక స్కోరు 81 నాటౌట్గా ఉంది. వన్డేల్లో డబుల్ సెంచరీ చేసిన ఇషాన్ కిషన్ ఐపీఎల్ 2023లో కూడా విధ్వంసకర బ్యాటింగ్ చేయగలడు.
మహేంద్ర సింగ్ ధోని
చెన్నై సూపర్ కింగ్స్ కెప్టెన్ ఎంఎస్ ధోని ప్రపంచంలోనే బెస్ట్ ఫినిషర్. అతను ఫామ్లో ఉన్నప్పుడు, ఎలాంటి బౌలర్నైనా చిత్తు చేయగలడు. అతను గత సీజన్లో చెన్నై సూపర్ కింగ్స్ తరపున 232 పరుగులు చేశాడు. ఈ సమయంలో అతని అత్యధిక స్కోరు 50 నాటౌట్గా ఉంది. చెన్నై సూపర్ కింగ్స్ కెప్టెన్, వికెట్ కీపర్ బ్యాట్స్మెన్ ధోని భీకర ఫామ్ ఈ సీజన్లోనూ చూడవచ్చు.
దినేష్ కార్తీక్
రాయల్ ఛాలెంజర్స్ బెంగళూరు వికెట్ కీపర్ బ్యాట్స్మెన్ దినేష్ కార్తీక్ వయసు పెరుగుతున్న కొద్దీ బ్యాటింగ్ మెరుగైంది. గత సీజన్లో ఐపీఎల్లో అద్భుత ప్రదర్శన చేయడంతో టీమిండియాలో చోటు దక్కించుకున్నాడు. ఐపీఎల్ 2022లో ఆర్సీబీ తరఫున వికెట్ కీపింగ్ బ్యాటర్ బాధ్యతలు నిర్వర్తిస్తూ 330 పరుగులు చేశాడు. ఐపీఎల్ 2023లోనూ అతని విధ్వంసకర శైలిని చూడవచ్చు.
Before You Go
Jasprit Bumrah Fitness Cleared For Tests | ఫిట్నెస్ టెస్ట్ పాసైన జస్ప్రీత్ బుమ్రా
టాప్ హెడ్ లైన్స్
ట్రెండింగ్ వార్తలు
