Ind vs NZ 2nd T20 Live: 17.2 ఓవర్లలో మ్యాచ్ ముగించిన భారత్, ఏడు వికెట్లతో విజయం
భారత్, న్యూజిలాండ్ మధ్య నేడు జరుగుతున్న రెండో టీ20 మ్యాచ్ లైవ్ అప్డేట్స్
Background
న్యూజిలాండ్తో జరిగిన మొదటి మ్యాచ్లో అద్భుత విజయం అందుకున్న టీమిండియా రెండో టీ20కి సిద్ధమైంది. ఈ మ్యాచ్లో న్యూజిలాండ్ను ఓడించి సిరీస్ కైవసం చేసుకోవాలని పట్టుదలగా ఉంది. రోహిత్ సేనను ఓడించి 1-1తో ఆశలు నిలుపుకోవాలని కివీస్ అనుకుంటోంది.
అస్సలు గ్యాప్ లేదు
ఈ సిరీసుకు సన్నద్ధం అయ్యేందుకు టీమ్ఇండియాకు కొంత సమయం దొరికింది. ముందుగానే దుబాయ్ నుంచి వచ్చి కాస్త విశ్రాంతి తీసుకుంది. కుర్రాళ్లు, సీనియర్లు తాజాగా కనిపించారు. కెప్టెన్గా రోహిత్, కోచ్గా ద్రవిడ్ తమ ప్రస్థానం ఆరంభించడంతో కుర్రాళ్లు ఉత్సాహంగా కనిపించారు. గెలుపోటములను పక్కనపెట్టి భయం లేకుండా క్రికెట్ ఆడేందుకు ప్రయత్నించారు. కివీస్ మాత్రం అలసటతో కనిపించింది. గత ఆదివారం ప్రపంచకప్ ఫైనల్ ఆడి విరామమే లేకుండా టీమ్ఇండియాతో తొలి టీ20 ఆడింది.
టీమ్ఇండియా బలాలు
రోహిత్ ఓపెనింగ్ మెరుపులు.
సూర్యకుమార్ ఫామ్లోకి రావడం.
పంత్ పరిణతితో ఆడటం.
భువీ బంతిని స్వింగ్ చేస్తూ వికెట్లు తీయగలగడం.
అశ్విన్, అక్షర్ జోడీ బంతితో మాయ చేయడం.
వెంకటేశ్ అయ్యర్ రాకతో ఆరో బౌలింగ్ ఆప్షన్ దొరకడం
టీమ్ఇండియా బలహీనతలు
మంచు కురిస్తే మెరుగ్గా బౌలింగ్ చేయకపోవడం.
దీపక్ చాహర్, సిరాజ్ పరుగులు ఇవ్వడం.
వెంకటేశ్ అయ్యర్ బ్యాటింగ్ చేయకపోవడం.
కివీస్ బౌలర్లకు భారత బ్యాటర్ల బలహీనతలు తెలియడం.
పట్టుదలగా కివీస్
న్యూజిలాండ్ జట్టులో మార్టిన్ గుప్టిల్ వీరోచిత ఫామ్లో ఉన్నాడు. విలియమ్సన్ స్థానంలో వచ్చిన చాప్మన్ రాణించాడు. అయితే మిడిలార్డర్లో కొంత తడబాటు కనిపించింది. గ్లెన్ ఫిలిప్స్ ఈ మ్యాచులో అదరగొట్టేందుకు ప్రయత్నిస్తాడు. రచిన్ రవీంద్ర, జిమ్మీ నీషమ్ బ్యాటు ఝుళిపించాల్సిన అవసరం ఉంది. కివీస్ పేసర్లు తెలివిగా బంతులేస్తారు. ఇక్కడి పిచ్లు, భారత బ్యాటర్ల గురించి సౌథీ, బౌల్ట్కు బాగా తెలియడం అనకూల అంశం. టాడ్ ఆస్ట్లే ఎక్కువ పరుగులు ఇచ్చాడు. ఏదేమైనా రాంచీలో టాస్ కీలకం కానుంది.
మొదటి టీ20 మ్యాచ్లో టీమిండియా వికెట్లతో విజయం సాధించింది. మొదట బ్యాటింగ్ చేసిన న్యూజిలాండ్ 20 ఓవర్లలో ఆరు వికెట్ల నష్టానికి 164 పరుగులు చేసింది. ఆ తర్వాత భారత్ 19.4 ఓవర్లలో ఐదు వికెట్లు నష్టపోయి లక్ష్యాన్ని ఛేదించింది. భారత జట్టులో సూర్యకుమార్ యాదవ్ (62: 40 బంతుల్లో, ఆరు ఫోర్లు, మూడు సిక్సర్లు) టాప్ స్కోరర్. మూడు మ్యాచ్ల సిరీస్లో భారత్ 1-0 ఆధిక్యాన్ని దక్కించుకుంది.
న్యూజిలాండ్ తరఫున మార్క్ చాప్మన్ (63: 50 బంతుల్లో, ఆరు ఫోర్లు, రెండు సిక్సర్లు), ఓపెనర్ మార్టిన్ గుప్టిల్ (70: 42 బంతుల్లో, మూడు ఫోర్లు, నాలుగు సిక్సర్లు) మంచి ఇన్నింగ్స్ ఆడారు.
17.2 ఓవర్లలో మ్యాచ్ ముగించిన భారత్, ఏడు వికెట్లతో విజయం
జిమ్మీ నీషం వేసిన ఈ ఓవర్ మొదటి రెండు బంతుల్లోనే రెండు సిక్సర్లతో పంత్ మ్యాచ్ ముగించాడు. ఏడు వికెట్ల తేడాతో టీమిండియా విజయం సాధించింది.
రిషబ్ పంత్ 12(6)
వెంకటేష్ అయ్యర్ 12(11)
జిమ్మీ నీషం 0.2-0-12-0
17 ఓవర్లు ముగిసేసరికి భారత్ స్కోరు 143-3, లక్ష్యం 154 పరుగులు
ట్రెంట్ బౌల్ట్ వేసిన ఈ ఓవర్లో ఆరు పరుగులు వచ్చాయి. భారత్ విజయానికి 18 బంతుల్లో 11 పరుగులు కావాలి.
రిషబ్ పంత్ 0(4)
వెంకటేష్ అయ్యర్ 12(11)
ట్రెంట్ బౌల్ట్ 4-0-36-0
టాప్ హెడ్ లైన్స్
ట్రెండింగ్ వార్తలు
