Hinduism: చనిపోయినవారిని నిందిస్తున్నారా? దీని గురించి మనుస్మృతి, మహాభారతం ఏం చెబుతున్నాయ్?
Hindu Scriptures: చనిపోయిన వారిని ఎందుకు దూషించకూడదు? హిందూ పురాణాలు ఏం చెబుతున్నాయి?
మరణించిన వారిని తలుచుకుని తిట్టుకుంటున్నారా?
పదే పదే వారిని నిందిస్తున్నారా?
వారు స్పందించలేరని తెలిసినా పదే పదే వారిని నిందించి సంతృప్తి చెందుతున్నారా?
చనిపోయిన మనిషి గురించి మాట్లాడేవారు..ఓ వ్యక్తి వెనుక మాట్లాడేవారూ ఒక్కటేనా?
మనుస్మృతి ఏం చెబుతోంది?
మహాభారతంలో దీనిగురించి ఏముంది?
ఎవరైనా మరణించిన తర్వాత వారిని విమర్శించడం మానుకోవాలని శాస్త్రాలు చెబుతున్నాయి. వారు తమ జీవితకాలంలో మనకు బాధ లేదా కష్టాన్ని కలిగించినప్పటికీ వారు మన మధ్య లేనప్పుడు వారిని అవమానించడం మానుకోవాలి. వారి గురించి మాట్లాడకుండా ఉండటానికి ప్రయత్నించండి లేదా వారితో అనుబంధించిన మంచి జ్ఞాపకాలను మాత్రమే గుర్తుంచుకోండి. ఎందుకంటే వారు ఈ రోజు శారీరకంగా మనతో లేనప్పటికీ, వారితో మన కర్మ బంధం ఎల్లప్పుడూ క్రియాశీలంగా ఉంటుంది.
మనుస్మృతి ప్రకారం - మరణించినవారిని విమర్శించడం తీవ్రమైన నేరం
మనుస్మృతి ప్రకారం ఎవరినైనా విమర్శించడం, ముఖ్యంగా మరణించిన వ్యక్తిని ఎగతాళి చేసినవారికి నరకంలో కూడా స్థానం లభించదు. ప్రాచీన శాస్త్రాలలో కూడా దీనికి స్పష్టమైన ఉదాహరణలు కనిపిస్తాయి.
మహాభారతంలోని శాంతి పర్వంలో కూడా యుధిష్ఠిరుడు భీష్మ పితామహుడి నుంచి.. మరణించిన వ్యక్తిని ఎప్పుడూ అవమానించకూడదని నేర్చుకున్నాడు.
ఇలా చేయడం వల్ల మన శక్తి ప్రతికూలంగా మారుతుంది. మన స్వస్థత శక్తికి ఆటంకం కలుగుతుంది. వారు జీవించి ఉన్నప్పుడు చెడు అలవాట్లను వదిలిపెట్టకపోయినా, వారిని విమర్శించడం ద్వారా మనం వారి కంటే ఎలా మెరుగ్గా ఉంటాము? అందువల్ల, ఒక వ్యక్తి మరణించిన తర్వాత వారిని ఎగతాళి చేయడం మానుకోవాలి.
ఒకరు మరణించిన తర్వాత ఎందుకు చెడుగా మాట్లాడకూడదు?
ఒక వ్యక్తి మరణించినప్పుడు తన వైపు వాదించుకునే స్థితిలో ఉండడు. అలాంటి పరిస్థితుల్లో వారి గురించి చెడుగా మాట్లాడటం మీకు ఆనందాన్ని కలిగించవచ్చు, కానీ ఇది పిరికిపంద చర్య. అలానే.. ఓ వ్యక్తి ఎదురుగా కాకుండా వెనుక మాట్లాడడం కూడా పిరికిపందచర్యగానే పరిగణిస్తారు.
ఒకరు మరణించిన తర్వాత మీరు వారి గురించి ఏం చెబుతారో, అది మరణించిన వ్యక్తి మానసిక స్థితిని కాకుండా మీ మానసిక స్థితిని ప్రతిబింబిస్తుంది.
ఆ వ్యక్తి ఈ లోకాన్ని విడిచి వెళ్ళిపోయినా..వారికి ప్రియమైనవారు ఇంకా జీవించి ఉన్నారు. మీరు మాట్లాడే అవమానకరమైన మాటలు వారికి బాధ కలిగించవచ్చు.
ప్రతి మనిషిలో మంచి మరియు చెడు రెండూ ఉంటాయి. మరణించిన తర్వాత కేవలం చెడును లెక్కించడం సరికాదు. చరిత్ర , సమయం ఒక వ్యక్తి ఎలా ఉన్నాడో నిర్ణయిస్తాయి, భావోద్వేగాలలో చెప్పే మాటలు కాదు.
మీరు ఏ మతానికి చెందినవారు అయినాకానీ.... అన్ని మత గ్రంధాలు .. మరణించిన వ్యక్తి గురించి ఎప్పుడూ చెడుగా మాట్లాడకూడదనే బోధించాయి. మరణం తర్వాత, మనిషి లౌకిక బంధాల నుంచి విముక్తి పొందుతాడు. అందుకే పెద్దలంటారు..మరణించినవారు దేవుడితో సమానం అని. వారిని పూజించాలి కానీ దూషించకూడదు..
గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. ABPదేశం ఎలాంటి నమ్మకాలను, సమాచారాన్ని ధృవీకరించదని ఇక్కడ చెప్పడం ముఖ్యం. ఏదైనా సమాచారం లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.
టాప్ హెడ్ లైన్స్
ట్రెండింగ్ వార్తలు
