గణేషుడి 32 రూపాలు: మీ పూజకు సరైన రూపం ఏంటో తెలుసుకోండి!

32 Forms of Lord Shree Ganesh: సెప్టెంబర్14 వినాయక చవితి సందర్భంగా.. గణేషుడి 32 రూపాల ప్రాముఖ్యత ఏంటి? మీరు ఏ రూపాన్ని పూజించాలో తెలుసుకోండి

గణేషుడి 32 రూపాలు: మీ పూజకు సరైన రూపం ఏంటో తెలుసుకోండి!

Source : https://in.pinterest.com/

గణేష్ చతుర్థి 2026: మొదటి 16 గణేషుడి రూపాల గురించి ఇప్పటికే ఓ కథనంలో చెప్పుకున్నాం..అవేంటో తెలుసుకునేందుకు ఈ లింక్ క్లిక్ చేయండి..

ఏకాక్షర గణపతి

మూడు కన్నులతో  ఎరుపు వర్ణంతో...కిరీటంపై అర్ధచంద్రుడు , మూషికంపై కమల ముద్రలో కనిపించి వరాలు అందిస్తాడు ఏకాక్షర గణపతి. ఈ రూపంలో..పాశం అంకుశం, దానిమ్మతో దర్శనమిస్తాడు
 
వరద గణపతి

మూడో కన్ను కలిగిన ఈ రూపంలో తేనె , పాశం , అంకుశంతో పాటూ తొండంలో రత్నాల పాత్ర ఉంటుంది. కిరీటంలో అర్థచంద్రుడిని అలంకరించుకుని కనిపిస్తాడు
 
త్రి అక్షర గణపతి

 3 అక్షరాల (అ-ఉ-మ).. బంగారు వర్ణంలో కనిపించే గణపతి పెద్ద చెవులు, విరిగిన దంతం, అంకుశం, పాశం, మామిడితో కనిపిస్తాడు. ఈ రూపంలో తొండంలో మోదక్ ఉంటుంది

క్షిప్ర ప్రసాద గణపతి

త్వరగా ఫలాలను ఇచ్చేవాడు కనుకే క్షిప్ర ప్రసాద గణపతి అంటారు. కుశా-గడ్డి సింహాసనంపై కనిపించే ఈ రూపంలో ఆయన విశాలమైన ఉదరం విశ్వానికి చిహ్నం.  పాశం, అంకుశం, దంతం, కమలం, దానిమ్మ తో భక్తులను అనుగ్రహిస్తాడు
 
హరిద్ర గణపతి

పసుపు రంగు వస్త్రాలతో బంగారు వర్ణంలో మెరిసిపోతూ రాజసింహాసనంపై ప్రశాంతంగా కూర్చుని కనిపించే రూపం ఇది. దంతం , మోదక్‌తో భక్తులకు అండగా నిలుస్తాడు హరిద్ర గణపతి
 
ఏకదంత గణపతి

ఒకే దంతం కలిగిన గణపతిని.. అజ్ఞాన బంధాలను ఛేదించడానికి పూజిస్తారు. ఈ రూపంలో గణపయ్య గొడ్డలి, జపమాల, లడ్డూ,  విరిగిన కుడి దంతం కలిగి అభయం ఇస్తాడు 

సృష్టి గణపతి

వినయపూర్వకమైన స్నేహపూర్వక మూషికంపై స్వారీ చేస్తూ సుఖకరమైన వ్యక్తీకరణకు సృష్టికి యజమాని సృష్టి గణపతి. ఎరుపు రంగులో కనిపించే ఈ రూపంలో పాశాన్ని అంకుశం వలె ధరిస్తాడు.
 
ఉద్దండ గణపతి

పది చేతులతో కనిపించే ఉద్ధండ గణపతి.. రత్నాలతో నిండిన కలశం, నీలి కలువ, చెరకు, గద, కమలం, వరి కాండం, దానిమ్మ, పాశం, దండం,  విరిగిన దంతంతో భక్తులను అనుగ్రహిస్తాడు
 
ఋణమోచన గణపతి

మానవాళిని అపరాధ భావం , బంధాల నుంచి విముక్తి కల్పిస్తాడు ఋణమోచన గణపతి. ఎర్రటి పట్టు వస్త్రాలతో అలంకరించిన పాలరాయి విగ్రహం భక్తులను చూపుతిప్పుకోనివ్వదు
 
ధుంధి గణపతి

ఏర్రటి రంగులో ఉండే ధుంధి గణపతి... రుద్రాక్షమాల, విరిగిన దంతం, గొడ్డలి  , రత్నాలతో నిండిన  పాత్రను ధరించి అభయం ఇస్తాడు.    

ద్విముఖ గణపతి

ఈ గణపతిని రోమన్లు ​​జానస్ అని పిలుస్తారు. నీలం-ఆకుపచ్చ రూపంతో ఎర్రటి పట్టు వస్త్రాలు ధరించి రత్నాలతో పొదిగిన కిరీటం,  పాశం, అంకుశం,  దంతం,  రత్నాలతో నిండిన కలశాన్ని ధరించి ఆశీర్వదిస్తారు
 
త్రిముఖ గణపతి

ఎరుపు రంగులో ఉన్న ధ్యాన "త్రిముఖ" రూపంలో బంగారు కమలంపై ఆసునులై కనిపిస్తారు స్వామివారు. చేతిలో పాశం, అంకుశం , అమృత కలశం పట్టుకుని కుడి చేతితో రక్షణ, ఎడమ చేతితో ఆశీర్వాదం అందిస్తారు
 
సింహ గణపతి

సింహంపై స్వారీ చేసే శ్వేత వర్ణం కలిగిన సింహ గణపతి.. శక్తి , నిర్భయత్వానికి చిహ్నం. కల్పవృక్షం కాండం, వీణ, కమలం, పుష్పగుచ్ఛం రత్నాలతో నిండిన కలశంతో భక్తులను అనుగ్రహిస్తాడు ఈ గణపతి
 
యోగ గణపతి

మంత్ర జపంలో లీనమై ఉండే యోగ గణపతి..ధ్యాన ముద్రలో కూర్చుని కనిపిస్తాడు. చేతుల్లో యోగ దండం, చెరకు కాడ, పాశం , దండలు... ఉదయకాల సూర్యుడిలా రంగు ఉంటుంది. నీలి రంగు వస్త్రాలతో స్వామివారి అలంకరణ ఉంటుంది
 
దుర్గా గణపతి 

ముదురు బంగారు రంగులో, ఎరుపు వస్త్రాలు ధరించి, ధనుస్సు-బాణం, పాశం , అంకుశం, దండ, విరిగిన దంతం గులాబీ ధరించి అనుగ్రహిస్తాడు దుర్గా గణపతి
 
సంకటహర గణపతి

 "దుఃఖాన్ని తొలగించేవాడు", సూర్యునిలా మెరిసేవాడు, నీలి వస్త్రాలు ధరించి  ఎరుపు కమలంపై ఆశీనులై ఉంటాడు సంకటహర గణపతి.  పాయసంతో నిండిన గిన్నె, అంకుశం, పాశం ధరించి వరాలు ఇచ్చే వరద ముద్రతో భక్తులకు దర్శనమిస్తాడు

గమనిక: ఆధ్యాత్మికవేత్తలు సూచించిన వివరాలు, ఆధ్యాత్మిక గ్రంధాల్లో పొందుపరిచిన సమాచారం ఆధారంగా అందించిన కథనం ఇది. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.  దీనిని అనుసరించేముందు మీరు విశ్వశించే పండితుల సలహాలు స్వీకరించగలరు