Shiva Tandava Stotram: రావణుడు రచించిన ఈ స్తోత్రమే 'బాహుబలి' సినిమాలో పాట!
Shiva Tandava Stotram Lyrics: పరమేశ్వరుడిని వివిధ రూపాల్లో వర్ణించిన స్తోత్రం శివతాండవస్తోత్రం. రావణుడికి ఉండే శివభక్తి మొత్తం ఈ స్తోత్రంలో స్పష్టమవుతుంది.. దీనిని రచించింది కూడా దశకంఠుడే..
Shiva Tandava Stotram: రావణుడు గొప్ప శివ భక్తుడు. శివుడి నుంచి ఎన్నో వరాలు పొందాడు. శివుడుని స్తుతిస్తూ శివతాండవ స్తోత్రం రచించాడు. ఈ స్తోత్రం రావణుడిలో ఉండే ఆధ్యాత్మిక సంపదను చూపిస్తుంది. శంకరుడిని కరుణామూర్తిగా, నటరాజుగా, విశ్వనాథుడుగా, మహాకాళుడిగా వర్ణిస్తూ.. శివుడి శక్తి, సౌందర్యం ఇదంతా తాండవ స్తోత్రంలో ఉంటుంది. సృష్టి, స్థితి, లయానికి ప్రతీకగా శివుడి భయంకరమైన నృత్యం లోకాలను దడపుట్టిస్తుంది. శివ శక్తిని, ఆధిపత్యాన్ని గొప్పగా ప్రశంసించే శివతాండవ స్తోత్రాన్ని పఠించేవారికి సకల సౌభాగ్యాలు కలుగుతాయంటారు.
బాహుబలి సినిమాలో..మహేంద్ర బాహుబలి శివలింగాన్ని పెకిలించి తీసుకెళ్లి గంగమ్మ దగ్గర పెట్టే సన్నివేశంలో ఎవ్వడంట ఎవ్వడంట అనే పాట వస్తుంది..ఆ సాంగ్ స్టార్టింగ్ లో వినిపించే లిరిక్స్...రావణుడు రచించిన శివతాండవ స్తోత్రం నుంచి తీసుకున్నేదే...
శివతాండవ స్తోత్రం (Shiva Tandava Stotram Lyrics)
జటాటవీగలజ్జలప్రవాహపావితస్థలే
గలేవలంబ్య లంబితాం భుజంగతుంగమాలికామ్ ।
డమడ్డమడ్డమడ్డమన్నినాదవడ్డమర్వయం
చకార చండతాండవం తనోతు నః శివః శివమ్ ॥
జటాకటాహసంభ్రమభ్రమన్నిలింపనిర్ఝరీ-
-విలోలవీచివల్లరీవిరాజమానమూర్ధని ।
ధగద్ధగద్ధగజ్జ్వలల్లలాటపట్టపావకే
కిశోరచంద్రశేఖరే రతిః ప్రతిక్షణం మమ ॥
ధరాధరేంద్రనందినీవిలాసబంధుబంధుర
స్ఫురద్దిగంతసంతతిప్రమోదమానమానసే ।
కృపాకటాక్షధోరణీనిరుద్ధదుర్ధరాపది
క్వచిద్దిగంబరే మనో వినోదమేతు వస్తుని ॥
జటాభుజంగపింగళస్ఫురత్ఫణామణిప్రభా
కదంబకుంకుమద్రవప్రలిప్తదిగ్వధూముఖే ।
మదాంధసింధురస్ఫురత్త్వగుత్తరీయమేదురే
మనో వినోదమద్భుతం బిభర్తు భూతభర్తరి ॥
సహస్రలోచనప్రభృత్యశేషలేఖశేఖర
ప్రసూనధూళిధోరణీ విధూసరాంఘ్రిపీఠభూః ।
భుజంగరాజమాలయా నిబద్ధజాటజూటక
శ్రియై చిరాయ జాయతాం చకోరబంధుశేఖరః ॥
లలాటచత్వరజ్వలద్ధనంజయస్ఫులింగభా-
-నిపీతపంచసాయకం నమన్నిలింపనాయకమ్ ।
సుధామయూఖలేఖయా విరాజమానశేఖరం
మహాకపాలిసంపదేశిరోజటాలమస్తు నః ॥
కరాలఫాలపట్టికాధగద్ధగద్ధగజ్జ్వల-
ద్ధనంజయాధరీకృతప్రచండపంచసాయకే ।
ధరాధరేంద్రనందినీకుచాగ్రచిత్రపత్రక-
-ప్రకల్పనైకశిల్పిని త్రిలోచనే మతిర్మమ ॥
నవీనమేఘమండలీ నిరుద్ధదుర్ధరస్ఫురత్-
కుహూనిశీథినీతమః ప్రబంధబంధుకంధరః ।
నిలింపనిర్ఝరీధరస్తనోతు కృత్తిసింధురః
కళానిధానబంధురః శ్రియం జగద్ధురంధరః ॥
ప్రఫుల్లనీలపంకజప్రపంచకాలిమప్రభా-
-విలంబికంఠకందలీరుచిప్రబద్ధకంధరమ్ ।
స్మరచ్ఛిదం పురచ్ఛిదం భవచ్ఛిదం మఖచ్ఛిదం
గజచ్ఛిదాంధకచ్ఛిదం తమంతకచ్ఛిదం భజే ॥
అగర్వసర్వమంగళాకళాకదంబమంజరీ
రసప్రవాహమాధురీ విజృంభణామధువ్రతమ్ ।
స్మరాంతకం పురాంతకం భవాంతకం మఖాంతకం
గజాంతకాంధకాంతకం తమంతకాంతకం భజే ॥
జయత్వదభ్రవిభ్రమభ్రమద్భుజంగమశ్వస-
-ద్వినిర్గమత్క్రమస్ఫురత్కరాలఫాలహవ్యవాట్ ।
ధిమిద్ధిమిద్ధిమిధ్వనన్మృదంగతుంగమంగళ
ధ్వనిక్రమప్రవర్తిత ప్రచండతాండవః శివః ॥
దృషద్విచిత్రతల్పయోర్భుజంగమౌక్తికస్రజోర్-
-గరిష్ఠరత్నలోష్ఠయోః సుహృద్విపక్షపక్షయోః ।
తృష్ణారవిందచక్షుషోః ప్రజామహీమహేంద్రయోః
సమం ప్రవర్తయన్మనః కదా సదాశివం భజే ॥
కదా నిలింపనిర్ఝరీనికుంజకోటరే వసన్
విముక్తదుర్మతిః సదా శిరఃస్థమంజలిం వహన్ ।
విముక్తలోలలోచనో లలాటఫాలలగ్నకః
శివేతి మంత్రముచ్చరన్ సదా సుఖీ భవామ్యహమ్ ॥
ఇమం హి నిత్యమేవముక్తముత్తమోత్తమం స్తవం
పఠన్స్మరన్బ్రువన్నరో విశుద్ధిమేతిసంతతమ్ ।
హరే గురౌ సుభక్తిమాశు యాతి నాన్యథా గతిం
విమోహనం హి దేహినాం సుశంకరస్య చింతనమ్ ॥
పూజావసానసమయే దశవక్త్రగీతం యః
శంభుపూజనపరం పఠతి ప్రదోషే ।
తస్య స్థిరాం రథగజేంద్రతురంగయుక్తాం
లక్ష్మీం సదైవ సుముఖిం ప్రదదాతి శంభుః ॥
రావణుడు అపారమైన శక్తులు, వరం పొందేందుకు శివుడిని ప్రసన్నం చేసుకోవడానికి కఠోరమైన తపస్సు చేశాడు. అప్పుడు శివుడు ప్రత్యక్షం కావడంతో ఆత్మలింగాన్ని ఇమ్మని కోరతాడు. ఆ ఆత్మలింగాన్ని లంకకు తీసుకెళ్లి ప్రతిష్టించాలనుకున్నాడు. మార్గమధ్యలో ఈ శివలింగాన్ని ఎక్కడా భూమిపై ఉంచకూడదని చెబుతాడు శివుడు. కానీ గోకర్ణం చేరుకునేసరికి సంధ్యాసమయం కావడంతో ఆ శివలింగాన్ని ఓబాలుడి చేతిలో పెట్టి సంధ్యవార్చేందుకు వెళతాడు. రావణుడు అటు వెళ్లగానే..బాలుడిరూపంలో ఉన్న వినాయకుడు ఆ శివలింగాన్ని నేలపై పెట్టేసి వెళ్లిపోతాడు. ఆ ప్రదేశమే గోకర్ణం. అలా రావణుడికి శివుడు ఇచ్చిన వరం విఫలమైంది.
భగవంతుడిని ప్రసన్నం చేసుకోవడానికి సంగీతం అత్యంత శక్తివంతమైన సాధనం. శివుడు రావణుడి సంగీతంలో నిమగ్నమై అమితానందం పొందాడు. శివ తాండవ స్తోత్రాన్ని నిత్యం పఠించడం వల్ల అపారమైన శక్తి, అందం, మానసిక బలం లభిస్తుంది. ప్రతికూల శక్తులన్నీ తొలగిపోయి వాతావరణం పవిత్రంగా మారుతుంది.
Also Read: అరుణాచలంలో గిరి ప్రదక్షిణ ఏ రోజు చేస్తే మంచిది - పౌర్ణమి వేళ అగ్నిలింగ క్షేత్రంలో భక్తుల రద్దీ!
టాప్ హెడ్ లైన్స్
ట్రెండింగ్ వార్తలు
