Nighttime Stomach Burning : రాత్రి పడుకునే ముందు కడుపులో మంట పెరుగుతుందా? కారణాలు ఇవే కావచ్చు

Nighttime Heartburn Causes : రోజంతా ఎలాంటి ఇబ్బంది లేకపోయినా రాత్రి పడుకునే ముందు కడుపులో లేదా ఛాతీలో మంటగా అనిపింస్తుందా? అయితే దానికి కారణాలు ఏంటో చూసేద్దాం.

రాత్రి గడిచేకొద్దీ కడుపులో మంట పెరుగుతోందా? ఇవే కావచ్చు

రాత్రి పడుకునే ముందు కడుపులో మంట వస్తే దానిని సాధారణ గ్యాస్‌గా భావించి నిర్లక్ష్యం చేయకండి. ఆహారపు అలవాట్లతో పాటు యాసిడ్ రిఫ్లక్స్, గ్యాస్ట్రైటిస్ వంటి సమస్యలు కూడా దీనికి కారణం కావచ్చు. మరి రాత్రిపూట కడుపులో మంట ఎందుకు పెరుగుతుందో తెలుసుకుందాం.

భోజనం చేసిన వెంటనే పడుకుంటే కడుపులోని యాసిడ్ అన్నవాహికలోకి తిరిగి వచ్చే అవకాశం ఉంటుంది. దీనివల్ల ఛాతీలో మంట, గొంతులో మంట లేదా పుల్లటి త్రేన్పులు రావచ్చు.

ఎక్కువ మొత్తంలో తినడం వల్ల కడుపు బాగా నిండిపోతుంది. ముఖ్యంగా నూనె, వేయించిన ఆహారాలు ఎక్కువగా తింటే కొందరిలో జీర్ణక్రియ నెమ్మదించి గుండెల్లో మంట పెరగవచ్చు.

టీ, కాఫీ, చాక్లెట్, మసాలా లేదా పుల్లటి ఆహారాలు కొందరిలో యాసిడ్ రిఫ్లక్స్‌ను పెంచవచ్చు. మీరు ఏ ఆహారం తీసుకున్న తర్వాత సమస్య పెరుగుతుందో గమనించడం మంచిది.

కడుపులోని ఆమ్లం అన్నవాహికలోకి తిరిగి వచ్చినప్పుడు గుండెల్లో మంటగా అనిపిస్తుంది. పడుకున్నప్పుడు ఈ సమస్య మరింత తీవ్రంగా కనిపించవచ్చు.

కడుపు లోపలి పొరలో వాపు ఏర్పడటాన్ని గ్యాస్ట్రైటిస్ అంటారు. దీనివల్ల పొత్తికడుపు పైభాగంలో మంట, నొప్పి, వికారం లేదా బరువుగా అనిపించవచ్చు.

కడుపులో లేదా చిన్న ప్రేగు ప్రారంభ భాగంలో ఏర్పడే పుండ్ల వల్ల కొందరిలో మంట, నొప్పి రావచ్చు. ముఖ్యంగా రాత్రిపూట లేదా ఖాళీ కడుపుతో ఉన్నప్పుడు లక్షణాలు ఎక్కువగా కనిపించే అవకాశం ఉంటుంది.

సమస్యను తగ్గించుకునేందుకు రాత్రి భోజనం చేసిన వెంటనే పడుకోకుండా కనీసం 2 లేదా 3 గంటల విరామం ఇవ్వడం మంచిది. తేలికైన ఆహారం తీసుకోవడంతో పాటు, తిన్న తర్వాత కొద్దిసేపు నడవవచ్చు. పడుకున్నప్పుడు సమస్య ఎక్కువగా ఉంటే తల భాగాన్ని కొద్దిగా ఎత్తుగా ఉంచడం కొందరికి ఉపశమనం ఇవ్వవచ్చు.