Beer in Summer : వేసవిలో బీర్ తాగుతూ చిల్ అవుతున్నారా? లాభ, నష్టాలతో పాటు తీసుకోవాల్సిన జాగ్రత్తలు ఇవే

Summer Beer Drinking : వేసవిలో బీర్ తాగడం కూల్‌గా అనిపించినా.. అది ఆరోగ్యానికి పూర్తిగా మంచిదనుకోవడం తప్పు. ఎంత తీసుకోవాలి? తీసుకోవాల్సిన జాగ్రత్తలు ఏంటో చూసేద్దాం.

వేసవిలో బీర్ తాగితే వచ్చే నష్టాలు ఇవే

చల్లగా ఉన్న బీర్ తాగితే తాత్కాలికంగా కూల్‌గా అనిపిస్తుంది. కానీ ఇది నిజంగా నీటిలా హైడ్రేట్ చేయదు. పైగా డీహైడ్రేషన్‌కు దారి తీసే అవకాశం ఉంది.

బీర్‌లో ఆల్కహాల్ ఉండటం వల్ల మూత్ర విసర్జన ఎక్కువ అవుతుంది. దీంతో శరీరంలో నీరు తగ్గి… వేసవిలో అలసట, తల తిరగడం రావచ్చు. డీహైడ్రేషన్ రిస్క్ పెరుగుతుంది.

బీర్‌లో ఎంప్టీ కేలరీలు ఎక్కువగా ఉంటాయి. ఎక్కువగా తాగితే బరువు పెరిగే అవకాశం ఉంటుంది. కేలరీలు పెరిగి బరువు పెరిగే అవకాశం ఉంది.

బీర్ ఎక్కువగా తాగితే గ్యాస్, అజీర్ణం, ఆసిడిటీ సమస్యలు పెరుగుతాయి. ఖాళీ కడుపుతో తాగితే ఇంకా ఇబ్బంది. జీర్ణక్రియపై ప్రభావం పడుతుంది.

పరిమితిలో తీసుకుంటే కొంతమందికి హార్ట్‌కు హానికరం కాకపోయినా.. ఎక్కువగా తాగితే లివర్‌పై ఒత్తిడి పెరిగి సమస్యలు రావచ్చు.

నిద్ర నాణ్యత తగ్గుతుంది. బీర్ తాగితే వెంటనే నిద్ర వస్తుంది అనిపించినా.. నిజానికి డీప్ స్లీప్ తగ్గి, నిద్ర నాణ్యత పడిపోతుంది.

బీర్ తాగినా.. మధ్యలో నీరు ఎక్కువగా తాగాలి. అలాగే ఖాళీ కడుపుతో తాగకండి. బీర్ తాగిన వెంటనే ఎండలో తిరగకూడదు. హార్ట్, లివర్, డయాబెటిస్ సమస్యలు ఉన్నవారు బీర్కి దూరంగా ఉంటే మంచిది.