మెడలో ప్రత్యేక హారంతో లావణ్య త్రిపాఠి - అందులో ఏం ఉంది?

ప్రముఖ హీరోయిన్ లావణ్య త్రిపాఠి తన లేటెస్ట్ ఫొటోలు ఇన్‌స్టాగ్రామ్‌లో షేర్ చేశారు.

లావణ్య త్రిపాఠి

లావణ్య త్రిపాఠి తన లేటెస్ట్ ఫొటోలు ఇన్‌స్టాగ్రామ్‌లో షేర్ చేశారు. ఇందులో ఆమె రామ హారంతో వేసుకుని ఉండటం విశేషం. ఈ హారంలో శ్రీరాముడు, సీత, లక్ష్మణులతో ఉండటం చూడవచ్చు.

లావణ్య త్రిపాఠి కూడా అయోధ్యలోనే పుట్టారట. ఈ విషయాన్ని ఆవిడ ఫొటో క్యాప్షన్‌లో షేర్ చేశారు. అయోధ్య రాముడి ప్రాణ ప్రతిష్ట చూడటం తాను అదృష్టంగా భావిస్తున్నానని పేర్కొన్నారు.

రామ్ పరివార్ జ్యువెల్లరీ ధరించడం తన పర్సనల్ టచ్ అని అన్నారు. ఈ ప్రాణ ప్రతిష్ట కార్యక్రమం కేవలం అయోధ్యకి మాత్రమే కాకుండా మొత్తం దేశానికే ఎంతో ముఖ్యమైన కార్యక్రమం అన్నారు.

శ్రీరాముడికి అయోధ్యలో ప్రాణ ప్రతిష్ట జరగడం దేశం మొత్తం పండగా జరుపుకోవాల్సిన సందర్భం అన్నారు. నోటితో జై శ్రీరామ్ అని పలుకుతూ, గుండె నిండా భక్తిని నిలుపుకోవాలని పోస్టులో పేర్కొన్నారు.

లావణ్య త్రిపాఠి చివరి సారిగా 2022లో ‘హ్యాపీ బర్త్‌డే’ అనే సినిమాలో నటించారు. 2023లో ‘పులి మేక’ అనే వెబ్ సిరీస్‌లో కూడా లావణ్య నటించారు. ఈ సిరీస్ జీ5 ఓటీటీలో విడుదల అయింది. ప్రస్తుతం ఒక తమిళ సినిమాలో కూడా లావణ్య నటిస్తున్నారు.

గతేడాది లావణ్య త్రిపాఠి మెగా హీరో వరుణ్ తేజ్‌ని వివాహం చేసుకున్నారు. వీరిద్దరూ ఆరు సంవత్సరాల పాటు ప్రేమలో ఉండి తర్వాత వివాహం చేసుకున్నారని తెలుస్తోంది.