Shivam Bhaje: రం రం ఈశ్వరం... భజే 'శివం భజే' - అశ్విన్ బాబు సినిమాలో ఫస్ట్ సాంగ్ రిలీజుకు ముహూర్తం ఖరారు

Ram Ram Eeswaram Song: అశ్విన్ బాబు కథానాయకుడిగా అప్సర్ దర్శకత్వంలో తెరకెక్కుతున్న సినిమా 'శివం భజే'. అందులో తొలి పాట 'రం రం ఈశ్వరం' మరికొన్ని గంటల్లో విడుదల కానుంది.

'శివం భజే'లో అశ్విన్ బాబు

యువ కథానాయకుడు అశ్విన్ బాబు నటిస్తున్న న్యూ ఏజ్ డివైన్ సస్పెన్స్ థ్రిల్లర్ 'శివం భజే'. అప్సర్ దర్శకత్వంలో గంగా ఎంటర్‌టైన్‌మెంట్స్ సంస్థ నిర్మిస్తోంది. ఈ చిత్రానికి మహేశ్వర్ రెడ్డి మూలి నిర్మాత. ఇటీవల విడుదలైన ఫస్ట్ లుక్ ప్రేక్షకులను ఆకట్టుకోవడమే కాదు... సినిమా మీద అంచనాలు పెంచింది. ఇప్పుడు ఈ సినిమా నుంచి తొలి పాటను ప్రేక్షకుల ముందుకు తీసుకు రావడానికి చిత్ర బృందం సిద్ధమైంది.

శివం భజే... ఈ టైటిల్‌లో పరమేశ్వరుడు ఉన్నాడు. ఆల్రెడీ విడుదలైన ఫస్ట్ లుక్, స్టిల్స్ చూస్తే పరమ శివుని ప్రస్తావన కనిపిస్తుంది. సినిమాలో తొలి పాటను సైతం ఆ శివుని మీద రూపొందించారు. 'రం రం ఈశ్వరం...' అంటూ సాగే ఆ గీతాన్ని ఈ నెల 18 (గురువారం) ఉదయం 11.36 గంటలకు విడుదల చేయనున్నట్లు అశ్విన్ బాబు చెప్పారు. ఈ చిత్రానికి వికాస్ బడిస సంగీతం అందించారు.