Life style: డేటింగ్ ఓకే.. మరి పెళ్లి..?

bollywood

మొదట్లో బాలీవుడ్ కి మాత్రమే పరిమితమైన డేటింగ్ కాన్సెప్ట్ మెల్లగా సౌత్ కి కూడా పాకింది. ఇక్కడ మన తారలు డేటింగ్ చేసినా.. బయటకు మాత్రం చెప్పేవారు కాదు. కానీ ఇప్పుడు రోజులు మారాయి. అందరూ అన్ని విషయాలపై ఓపెన్ గా మాట్లాడుతున్నారు. అలానే తమ రిలేషన్షిప్, డేటింగ్ వంటి విషయాలను కూడా మీడియా ముందు చెబుతున్నారు. కొందరు డేటింగ్ చేసి పెళ్లిళ్లు చేసుకుంటుంటే.. మరికొందరు మాత్రం బ్రేకప్ చెప్పుకొని దూరమవుతున్నారు. అయితే కొన్ని జంటలు మాత్రం ఏళ్లకు ఏళ్లు డేటింగ్ చేస్తూనే ఉన్నాయి. వాళ్లెవరో ఇప్పుడు చూద్దాం!

దక్షిణాది స్టార్ హీరోయిన్ నయనతార చాలా ఏళ్లుగా దర్శకుడు విఘ్నేష్ శివన్ తో డేటింగ్ లో ఉంది. ఎప్పటికప్పుడు వీరిద్దరూ కలిసి ట్రిప్ లకు వెళ్లడం.. ఆ ఫోటోలను సోషల్ మీడియాలో షేర్ చేయడం వంటివి చేస్తుంటారు. కానీ పెళ్లి ఊసు మాత్రం ఎత్తడం లేదు. మొన్నామధ్య ఇదే విషయాన్ని విఘ్నేష్ శివన్ వద్ద ప్రస్తావిస్తే.. పెళ్లి కోసం డబ్బులు దాచుకుంటున్నా అంటూ తప్పించుకున్నారు. 

బాలీవుడ్ స్టార్ హీరోయిన్ కరీనా కపూర్ చాలా రోజులుగా విక్కీ కౌశల్ తో ప్రేమలో ఉన్నట్లు వార్తలు వచ్చాయి. కానీ ఈ జంట మాత్రం తన రిలేషన్ గురించి ఎక్కడా మాట్లాడలేదు. మొన్నామధ్య ఓ ఇంటర్వ్యూలో నటుడు హర్షవర్ధన్ కపూర్ వీరి ప్రేమ విషయాన్ని కన్ఫర్మ్ చేసేశాడు. మరి ఈ జంటకు అసలు పెళ్లి ఆలోచన ఉందో లేదో మరి!

స్టార్ హీరో అలియాభట్, రణబీర్ కపూర్ డేటింగ్ చేస్తోన్న సంగతి తెలిసిందే. గతేడాదితో పెళ్లి చేసుకోవాలనుకున్నారు. కానీ లాక్ డౌన్ కారణంగా కుదరలేదు. ఈ ఏడాది కూడా పెళ్లి చేసుకునే ఛాన్స్ లేదు. మరి ఇంకెప్పుడు చేసుకుంటారో చూడాలి!

'లోఫర్' బ్యూటీ దిశా పఠానీ తన స్నేహితుడు టైగర్ ష్రాఫ్ ను డేట్ చేస్తోంది. ఈ విషయంపై టైగర్ ష్రాఫ్ తండ్రి కూడా స్పందించారు. అయితే ఈ జంట ఎప్పుడు పెళ్లి చేసుకుంటుందనే విషయంలో మాత్రం క్లారిటీ లేదు. ప్రస్తుతానికి సినిమాలు చేసుకుంటూ.. ఒకరితో ఒకరు చెట్టాపట్టాలేసుకొని తిరుగుతున్నారు. 

అమీర్ ఖాన్ కూతురు ఐరా ఖాన్ తన ఫిట్నెస్ ట్రైనర్ నుపుర్ తో డేటింగ్ చేస్తున్నట్లు బాలీవుడ్ మీడియా కథనాలు ప్రచురిస్తోంది. ఐరా కూడా ఎప్పటికప్పుడు నుపుర్ తో కలిసి తీసుకున్న ఫోటోలను సోషల్ మీడియాలో షేర్ చేస్తుంటుంది. 

అర్జున్ కపూర్ చాలా కాలంగా మలైకా అరోరాతో డేటింగ్ లో ఉన్నాడు. అర్జున్ కారణంగానే మలైకా తన మొదటి భర్తను వదిలేసిందని అంటుంటారు. మరి అర్జున్ కపూర్ ని మలైకా ఎప్పుడు పెళ్లాడుతుందో మరి!

టాలీవుడ్ లో స్టార్ హీరోయిన్ గా చెలామణి అయిన శృతిహాసన్ ప్రస్తుతం శాంతను హజారికా అనే డూడుల్ ఆర్టిస్ట్ తో డేటింగ్ చేస్తోంది. శృతి అతడి బర్త్ డే సెలబ్రేట్ చేయడం.. స్పెషల్ వంటలకు వండి పెట్టడం వంటివి చేస్తూ తమ రిలేషన్ గురించి చెప్పకనే చెప్పింది. 

కియారా అద్వానీ కొన్ని నెలలుగా బాలీవుడ్ హీరో సిద్ధార్థ్ మల్హోత్రాతో డేటింగ్ లో ఉంది. ఓ ఇంటర్వ్యూలో కూడా కియారా ఈ విషయాన్ని పరోక్షంగా కన్ఫర్మ్ చేసింది. లాక్ డౌన్ లో ఈ జంట ట్రిప్ కి కూడా వెళ్లొచ్చింది. కానీ వీళ్ల తంతు చూస్తుంటే ఇప్పట్లో పెళ్లి ఊసెత్తేలా లేరు. 

నటి అవికా గోర్ కొన్నాళ్లుగా మిలింద్ ఛద్వానీతో ప్రేమలో ఉంది. పెళ్లి విషయం అడిగితే.. మిలింద్ ఎప్పుడు అడిగితే అప్పుడు రెడీ అంటూ సమాధానం ఇచ్చింది. కానీ మిలింద్ ఎప్పుడు ఓకే చెప్తాడో మరి!