మీరు పుట్టిన తేదీ ప్రకారం మీలో మార్చుకోవాల్సిన లక్షణం ఇదే!

Numerology: సంఖ్యాశాస్త్రం ప్రకారం 1 నుంచి 9 వరకు మీలో మార్చుకోవాల్సిన లక్షణం ఇదే!

important advice according to your radix number

సంఖ్యాశాస్త్రం ప్రకారం...మీ పుట్టిన తేదీ 1 (1, 10, 19, 28) అయితే..మీరు అహంకారంతో స్పందించకూడదు. అలా చేయడం వల్ల మీకు నష్టం వాటిల్లుతుంది. అంతేకాకుండా మీరు ఎవరికి అప్పు ఇచ్చినా తిరిగి రావడం కష్టమే. న్యూమరాలజీ ప్రకారం 1కి సూర్యుడు అధిపతి.

సంఖ్యాశాస్త్రంలో ఎవరైతే 2, 11, 20, 29 తేదీల్లో జన్మించారో వారు అతిగా భావోద్వేగాలకు గురికాకుండా ఉండాలి. ఒంటరి ప్రయాణాలు లేదా భావోద్వేగాలను రేకెత్తించే విషయాలకు దూరంగా ఉండాలి. చంద్రుడు మీ గ్రహాధిపతి.

మూలాంకం 3 (3, 12, 21, 30) ఉన్నవారికి గురు గ్రహం అధిపతి. మూలాంకం 3 ఉన్నవారు ఎవరితోనైనా అహంకారంతో మాట్లాడకుండా ఉండాలి. చిన్న పిల్లలు, పెద్దవారితో ప్రేమగా ఉండండి.

మూలాంకం 4 (4, 13, 22, 31) వారి గ్రహ అధిపతి రాహువు. మూలాంకం 4 గలవారికి ఇదే సలహా, డబ్బు విషయంలో తొందరపాటు చూపించవద్దు. పనిలో షార్ట్ కట్ లు తీసుకోకుండా ఉండండి. ఎవరి మనోభావాలను దెబ్బ తీయకుండా ఉండండి.

మూలాంకం 5 (5,14,23) గల వారి గ్రహాధిపతి బుధుడు. మూలాంకం 5 గల వారికి ఇదే సలహా, ఎవరితోనైనా అనవసరంగా వాదించకుండా ఉండండి. మాటలను అదుపులో ఉంచుకోవాలి. ధ్యానం , పుస్తకాలు చదవడం లాభదాయకంగా ఉంటుంది.

న్యూమరాలజీ ప్రకారం మీరు జన్మించిన నంబర్ 6 (6,15,24) అయితే మీకు శుక్రుడు గ్రహాధిపతి. ఈ వ్యక్తులు తమ జీవితంలో ప్రదర్శనలకు దూరంగా ఉండాలి. మీరు ఎల్లప్పుడూ నిజాయితీకి ప్రాధాన్యత ఇవ్వాలి.

7,16,25 తేదీల్లో జన్మించిన వారి గ్రహ అధిపతి కేతువు. ఆత్మచింతనతో పాటు డైరీ రాయడం వల్ల మనస్సు ప్రశాంతంగా ఉంటుంది. అవసరం లేనప్పుడు సామాజిక కార్యక్రమాలకు దూరంగా ఉండాలని సూచిస్తున్నారు.

8, 17,26 తేదీల్లో జన్మించిన వారి అధిపతి శని. న్యాయం కర్మతో సంబంధం కలిగి ఉంటాడు. అందువల్ల ఈ తేదీల్లో జన్మించినవారు కష్టపడి పనిచేయడానికి వెనుకాడకూడదు. వృద్ధులకు సేవ చేయాలి.

న్యూమరాలజీ ప్రకారం 9, 18,27 తేదీల్లో జన్మించినవారికి అధిపతి కుజుడు. వీరు కోపం అదుపులో ఉంచుకోవాలి. కోపంతో ఎవరితోనూ వాదించకుండా ఉండాలి. అంతేకాకుండా ప్రతిరోజూ సాయంత్రం హనుమాన్ చాలీసా పారాయణం చేయడం మీకు శుభప్రదం.