Supreme Court on Assault Case: 'దుస్తులపై నుంచి శరీర భాగాలను తాకినా లైంగిక వేధింపే'

దుస్తులపై నుంచి శరీర భాగాలను తాకినా లైంగిక వేధింపుల కిందకే వస్తుందని సుప్రీం కోర్టు పేర్కొంది.

దుస్తుల మీద నుంచి శరీర భాగాలను తాగడం కూడా లైంగిక వేధింపుల్లోకే వస్తుందని సుప్రీం కోర్టు స్పష్టం చేసింది. ఈ మేరకు బాంబే హైకోర్టు ఇచ్చిన తీర్పును కొట్టివేసింది.

ఓ బాలిక దుస్తులపై నుంచి తాకినంత మాత్రాన లైంగిక వేధింపులకు పాల్పడినట్లు చెప్పలేమని, చట్టం ఇదే విషయాన్ని విశదీకరిస్తోందంటూ ఓ కేసులో బాంబే హైకోర్టు వ్యాఖ్యానించింది. లైంగిక ఉద్దేశంతో బాలిక దుస్తులు తొలగించి, లేదా దుస్తుల లోపలకి చేయి పెట్టి నేరుగా తాకితేనే లైంగిక వేధింపుల కిందకు వస్తుందని పేర్కొంది. తాజాగా ఈ తీర్పును సర్వోన్నత న్యాయస్థానం కొట్టివేసింది.

ఇదే కేసు..

2016లో సతీష్ అనే వ్యక్తి ఓ బాలికకు పండు ఇస్తానని ఆశ చూపి తన ఇంటికి తీసుకువెళ్ళాడు. బాలిక దుస్తులు విప్పేందుకు ప్రయత్నించాడు. కానీ ఆ సమయంలో బాలిక కేకలు వేయడంతో తల్లి అక్కడికి వచ్చి ఆ పాపను రక్షించింది. తరువాత పోలీసులకు ఫిర్యాదు చేసింది. ఈ ఘటన పై కేసు నమోదు కాగా నిందితుడికి పోక్సో చట్టం కింద కింద స్థాయి కోర్టు శిక్ష విధించింది.

అయితే నిందితుడు హైకోర్టును ఆశ్రయించాడు. పోక్సో చట్టం ప్రకారం నిందితుడి నేరాన్ని నిరూపించడానికి తీవ్రమైన ఆరోపణలు ఉండాలని.. ఈ కేసులో నిందితుడు బాలిక వక్షస్థలాన్ని తాకేందుకు ఆమె దుస్తులు తొలగించాడా లేదా అన్నదానిపై నిర్దిష్టమైన వివరాలు లేవని కోర్టు పేర్కొంది. కాబట్టి దీన్ని లైంగిక వేధింపుల కింద పరిగణించలేమని చెప్పుకొచ్చింది. ఈ తీర్పును కొట్టివేస్తూ దుస్తుల పై నుంచి శరీర భాగాలను తాకినా లైంగిక వేధింపుల కిందే పరిగణిస్తామని సుప్రీం కోర్టు తీర్పు ఇచ్చింది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి