PM Moid: మోదీకి కంగ్రాట్స్ చెప్పిన మస్క్, ఆసక్తికర రిప్లై ఇచ్చిన ప్రధాని - టెస్లా ఎంట్రీ కన్ఫమ్!
Elon Musk: మూడోసారి ప్రధానిగా బాధ్యతలు చేపట్టనున్న మోదీకి ఎలన్ మస్క్ అభినందనలు తెలిపారు.
Elon Musk Congratulates PM Modi: మూడోసారి ప్రధానిగా ప్రమాణ స్వీకారం చేయనున్న నరేంద్ర మోదీకి టెస్లా సీఈవో ఎలన్ మస్క్ కంగ్రాట్స్ చెప్పారు. ప్రపంచంలోనే అతి పెద్ద ప్రజాస్వామ్య దేశమైన భారత్లో జరిగిన ఎన్నికల్లో విజయం సాధించినందుకు అభినందనలు తెలిపారు. భారత్లో టెస్లా అడుగు పెట్టడంపై చాలా ఆసక్తిగా ఎదురు చూస్తున్నానని వెల్లడించారు.
"నరేంద్ర మోదీజీ మీకు అభినందనలు. ప్రపంచంలోనే అతి పెద్ద ప్రజాస్వామ్య దేశంలోని ఎన్నికల్లో మీరు ఘన విజయం సాధించారు. భారత్లో మా కంపెనీలు అద్భుతాలు సృష్టించాలని ఎంతో ఆసక్తిగా ఎదురు చూస్తున్నాను"
- ఎలన్ మస్క్, టెస్లా సీఈవో
Congratulations @narendramodi on your victory in the world’s largest democratic elections! Looking forward to my companies doing exciting work in India.
— Elon Musk (@elonmusk) June 7, 2024
ఈ ట్వీట్కి నరేంద్ర మోదీ స్పందించారు. ఎలన్ మస్క్కి థాంక్స్ చెప్పారు. టెస్లాకు అనుకూలమైన వాతావరణం భారత్లో ఉందని, నైపుణ్యమున్న మా దేశ యువత మీ కోసం ఎదురు చూస్తోందని ఎలన్ మస్క్కి రిప్లై ఇచ్చారు. సుస్థిర ప్రభుత్వం ఉన్న తమ దేశంలో వ్యాపారానికి ఎప్పుడూ సరైన వాతావరణమే ఉంటుందని స్పష్టం చేశారు. పరోక్షంగా టెస్లాకి ఆహ్వానం పలికారు.
"అభినందనలు తెలిపినందుకు మీకు నా ధన్యవాదాలు. మా దేశ యువత, అద్భుతమైన పాలసీలు, సుస్థిరమైన ప్రభుత్వం వ్యాపారానికి అనుకూలమైన వాతావరణాన్ని తప్పకుండా అందిస్తుంది"
- ప్రధాని నరేంద్ర మోదీ
Appreciate your greetings @elonmusk. The talented Indian youth, our demography, predictable policies and stable democratic polity will continue to provide the business environment for all our partners. https://t.co/NJ6XembkyB
— Narendra Modi (@narendramodi) June 8, 2024
టాప్ హెడ్ లైన్స్
ట్రెండింగ్ వార్తలు
