Delhi AI Summit: పాత గొడవలుంటే చేతులు కూడా కలపరు - ఎంత పెద్ద సీఈవోలయిన అంతే -ఏఐ సమ్మిట్‌లో ఏ జరిగిందంటే?

Altman Vs Amodei: ఏఐ ప్రపంచంలో సంచలనాలు సృష్టిస్తున్న ఓపెన్ఏఐ, ఆంత్రోపిక్ సీఈవోలు చేతులు కలిపేందుకు ఆసక్తి చూపించలేదు. మోదీ పాల్గొన్న కార్యక్రమంలోనే ఇది జరిగింది.

చేతులు కలపని ఏఐ దిగ్గజాలు

Source : x

OpenAI Altman Anthropic Amodei at Delhi Summit:ఢిల్లీలో జరిగిన ఏఐ సమ్మిట్ లో  ఓపెన్ ఏఐ (OpenAI) సీఈఓ సామ్ ఆల్ట్‌మాన్, ఆంత్రోపిక్ (Anthropic) సీఈఓ డారియో అమోడెయ్ ఒకే వేదికను పంచుకోవడం ప్రపంచ టెక్ వర్గాల్లో చర్చనీయాంశమైంది. అయితే వీరిద్దరూ ఇలా వేదికను పంచుకోవడం మాత్రమే కాదు.. వారు ఇద్దరూ చేతులు కలపాల్సిన సందర్భం వస్తే .. పట్టించుకోలేదు. ఇది వైరల్ అవుతోంది.  వీరిద్దరి మధ్య ఉన్న వృత్తిపరమైన పోటీ, గతానుభవాల దృష్ట్యా ఆ వేదికపై ఒక విధమైన ఇబ్బందికర వాతావరణం నెలకొంది. కృత్రిమ మేధ   రంగంలో అగ్రగామిగా ఉన్న ఈ ఇద్దరు దిగ్గజాల మధ్య ఉన్న విభేదాలు ఇప్పుడు మరోసారి వెలుగులోకి వచ్చాయి.

ఆంత్రోపిక్ వ్యవస్థాపకుడైన డారియో అమోడెయ్ గతంలో ఓపెన్ ఏఐలోనే కీలక బాధ్యతలు నిర్వహించేవారు. ఆయన అక్కడ రీసెర్చ్ వైస్ ప్రెసిడెంట్‌గా పనిచేశారు. అయితే, ఓపెన్ ఏఐ పనితీరు, భద్రతా ప్రమాణాలు, ఆ సంస్థ  కమర్షియలైజేషన్ వైపు వెళ్తున్న తీరుపై డారియోకు సామ్ ఆల్ట్‌మాన్‌తో విభేదాలు వచ్చాయి. ఏఐ వ్యవస్థల భద్రతకు అత్యధిక ప్రాధాన్యత ఇవ్వాలనే ఉద్దేశంతో ఆయన 2021లో ఓపెన్ ఏఐ నుంచి బయటకు వచ్చి, తన సోదరి గూడెన్ అమోడెయ్‌తో కలిసి  ఆంత్రోపిక్ ను స్థాపించారు.   

OpenAI CEO Sam Altman and Anthropic CEO Dario Amodei visibly declined to hold hands during a group photo at the India AI Impact Summit, even as other leaders on stage linked arms for the ceremonial shot pic.twitter.com/J1eGShSkiK

— Reuters (@Reuters) February 19, 2026

ముఖ్యంగా మైక్రోసాఫ్ట్ నుంచి ఓపెన్ ఏఐ భారీ పెట్టుబడులను స్వీకరించడం డారియోకు నచ్చలేదని టెక్ వర్గాలు చెబుతుంటాయి. లాభాపేక్ష లేని సంస్థగా మొదలైన ఓపెన్ ఏఐ, లాభాల బాట పట్టడం వల్ల ఏఐ భద్రత  విషయంలో రాజీ పడుతుందేమోనన్నది ఆయన ఆందోళన. అందుకే ఆంత్రోపిక్ సంస్థను ఒక  పబ్లిక్ బెనిఫిట్ కార్పొరేషన్ గా తీర్చిదిద్ది, క్లాడ్ వంటి సురక్షితమైన ఏఐ మోడళ్లను రూపొందించడంపై ఆయన దృష్టి పెట్టారు.   

#WATCH | Delhi | Prime Minister Narendra Modi, along with global tech leaders including the CEO of Google and Alphabet, Sundar Pichai, CEO of OpenAI, Sam Altman, Alexandr Wang, Chief AI Officer of Meta, CEO of Anthropic, Dario Amodei pose for a group photograph at the India AI… pic.twitter.com/GccXlG9rRx

— ANI (@ANI) February 19, 2026

ఢిల్లీ సదస్సులో వీరిద్దరూ పక్కపక్కనే కూర్చున్నప్పుడు వారి మధ్య మునుపటి సాన్నిహిత్యం కనిపించలేదు. పరస్పరం పలకరించుకోలేదు.  అందరూ చేతులు కలిపి ఫోటోలకు ఫోజులు ఇస్తున్న సమయంలోనూ వారు చేతులు పైకి ఎత్తారు కానీ.. ఒకరి చేతుల్లో ఒకరు చేతులు వేయలేదు.   ప్రపంచంలోనే అత్యంత శక్తివంతమైన ఏఐ మోడల్స్ అయిన చాట్ జీపీటీ,  క్లాడ్  మధ్య జరుగుతున్న పోటీ, ఇప్పుడు ఈ ఇద్దరు వ్యక్తుల మధ్య ఉన్న  కోల్డ్ వార్ కు ప్రతిరూపంగా నిలుస్తోంది.  సాధారణంగా టెక్ రంగంలో ఇలాంటి పోటీ సహజమే అయినప్పటికీ, ఒకే మూలాలు ఉన్న ఈ ఇద్దరు నేతలు రెండు వేర్వేరు ధృవాలుగా మారడం ఏఐ భవిష్యత్తుపై ఆసక్తిని రేకెత్తిస్తోంది.   

మరిన్ని చదవండి

'AI భవిష్యత్‌ను నిర్ణయించేేవి ఆ రెండే! భయంతో చూడొద్దు, అవకాశంగా మార్చుకోండి ' మోదీ కామెంట్స్

డీఎంకే కూటమిలోకి విజయ్ కాంత్ పార్టీ - మారిపోతున్న సమీకరణాలు