MCD Election Results 2022: చరిత్ర సృష్టించిన ఆప్ అభ్యర్థి- MCD సభ్యురాలిగా తొలిసారి ట్రాన్స్‌జెండర్‌!

MCD Election Results 2022: దిల్లీ మున్సిపల్ కార్పొరేషన్ ఎన్నికల్లో ఆప్ నిలబెట్టిన ట్రాన్స్‌జెండర్ అభ్యర్థి బోబి విజయం సాధించారు.

(Image Source: ANI)

MCD Election Results 2022: 15 ఏళ్ల భారతీయ జనతా పార్టీ జైత్రయాత్రకు బ్రేకులు వేస్తూ దిల్లీ మున్సిపల్ కార్పొరేషన్ ఎన్నికల్లో ఆమ్‌ఆద్మీ విజయకేతనం ఎగురవేసింది. దీంతో పాటు ఓ ఆప్ అభ్యర్థి అరుదైన రికార్డ్ నెలకొల్పారు.

తొలిసారి

సుల్తాన్‌పురి-ఏ వార్డులో ఆప్‌ తరపున పోటీ చేసిన బోబి విజయం సాధించారు. దీంతో తొలిసారి ట్రాన్స్‌జెండర్‌ కమ్యూనిటీకి చెందిన వ్యక్తి ఎంసీడీ సభ్యురాలిగా ఎన్నికైనట్లయింది. తన సమీప ప్రత్యర్థి అయిన కాంగ్రెస్ అభ్యర్థి వరుణ్ థాకాపై బోబి 6714 ఓట్ల తేడాతో గెలుపొందారు. ఈ విజయం పట్ల బోబి హర్షం వ్యక్తం చేశారు.

"I want to dedicate my victory to the people who worked so hard for me. I would like to thank everyone. Now I just have to work for development in my area," said Bobi, the AAP candidate from transgender community who won from Sultanpuri-A ward#DelhiMCDElectionResults2022 pic.twitter.com/Pg7fWhYMHL

— ANI (@ANI) December 7, 2022

" నా కోసం కష్టపడి పనిచేసిన ప్రజలకు నా గెలుపును అంకితం చేయాలనుకుంటున్నాను. నేను అందరికీ ధన్యవాదాలు చెబుతున్నాను. ఇప్పుడు నేను నా ప్రాంతంలో అభివృద్ధికి కృషి చేయాలి.  "

-                                                   బోబి, ఆప్‌ అభ్యర్థి