Operation Keller: ఆపరేషన్ సింధూర్ కు విరామం - ఆపరేషన్ కెల్లెర్ స్టార్ట్ - అసలు ఇదేమిటో తెలుసా ?
Indian Army: ఆపరేషన్ కెల్లెర్ ను భారత సైన్యం ప్రారంభించింది. ఇదేమిటంటే ?
Indian Army has launched Operation Keller: ఆపరేషన్ సిందూర్ తో సంచలన విజయాలు సాధించిన భారత ఆర్మీ కొత్తగా ఆపరేషన్ కెల్లెర్ ప్రారంభించింది. ఈ ఆపరేషన్ కింద ఇప్పటికే ముగ్గురు ఉగ్రవాదుల్ని చంపేసింది. జమ్మూ కాశ్మీర్‌లోని షోపియాన్ జిల్లాలోని షోకల్ కెల్లర్ అనే అటవీ ప్రాంతం ఉంది. ఈ ప్రాంతంలో ఉగ్రవాద కార్యకలాపాలను అరికట్టడానికి ఈ ఆపరేషన్ ను సైన్యం ప్రారంభించింది. ది రెసిస్టెన్స్ ఫ్రంట్ (TRF)తో పాటు లష్కర్-ఎ-తొయిబా (LeT) వంటి సంస్థలు ఆ ప్రాంతంలో ఉగ్రవాదాన్ని ప్రోత్సహిస్తున్నాయి. వీరందర్నీ నిర్మూలించడానికి భారత సైన్యం రాష్ట్రీయ రైఫిల్స్ యూనిట్ చేపట్టిన సైనిక చర్య ఆపరేషన్ కెల్లెర్.
ఆపరేషన్ కెల్లర్, ఆపరేషన్ సిందూర్ కు కొనసాగింపు అనుకోవచ్చు. ది రెసిస్టెన్స్ ఫ్రంట్ (TRF) చీఫ్ షాహిద్ కుట్టే ఈ దాడికి కీలక సూత్రధారిగా గుర్తించారు. తొలి దాడిలోనే అతన్ని చంపేశారు. షోపియాన్ జిల్లా ఉగ్రవాద కార్యకలాపాలకు కేంద్రంగా ఉంది. TRF వంటి సంస్థలు స్థానిక యువతను రిక్రూట్ చేస్తూ, పౌరులు, భద్రతా బలగాలపై దాడులు చేస్తున్నాయి. ఈ ఆపరేషన్ ఈ ప్రాంతంలో ఉగ్రవాద బెదిరింపును తగ్గించడం శాంతి భద్రతలను పునరుద్ధరించడం లక్ష్యంగా పెట్టుకుంది. ఈ ఆపరేషన్ ద్వారా, భారత భద్రతా బలగాలు ఉగ్రవాదుల ఆయుధ నిల్వలు, కమ్యూనికేషన్ నెట్‌వర్క్‌లు, మరియు లాజిస్టికల్ మద్దతును ధ్వంసం చేయడానికి ప్రణాళికలు అమలు చేస్తున్నాయి.
OPERATION KELLER
— ADG PI - INDIAN ARMY (@adgpi) May 13, 2025
On 13 May 2025, based on specific intelligence of a #RashtriyasRifles Unit, about presence of terrorists in general area Shoekal Keller, #Shopian, #IndianArmy launched a search and destroy Operation. During the operation, terrorists opened heavy fire and fierce… pic.twitter.com/KZwIkEGiLF
జమ్మూ కాశ్మీర్‌లో స్థానిక ఉగ్రవాదాన్ని ప్రోత్సహించడానికి , అంతర్జాతీయ ఒత్తిడి నుండి LeTను రక్షించడానికి ఏర్పాటు చేశారు. షాహిద్ కుట్టే హతం కావడం ఈ సంస్థ యొక్క నాయకత్వం మరియు ఆపరేషనల్ సామర్థ్యానికి పెద్ద దెబ్బ. ఇది భవిష్యత్ దాడులను నిరోధించడంలో, స్థానిక రిక్రూట్‌మెంట్‌ను తగ్గించడంలో సహాయపడుతుంది. షోకల్ కెల్లర్‌లో ఉగ్రవాదుల ఉనికి గురించి ఖచ్చితమైన ఇంటెలిజెన్స్ సమాచారం ఆధారంగా ఈ ఆపరేషన్ నిర్వహించారు.
Operation Keller | 13 May 2025
— Dinesh Joshi (@Dineshkjoshi007) May 13, 2025
Acting on specific intel, a Rashtriya Rifles unit launched a search and destroy mission in Shoekal Keller, Shopian. A fierce firefight broke out, leading to the elimination of 3 hardcore terrorists. Operation is still in progress. pic.twitter.com/mA4JmEi5Y4
షాహిద్ కుట్టే, అద్నాన్ షఫీ, హారిస్ నజీర్ ఈ ఆపరేషన్‌లో హతమయ్యారు. ఇది TRF , LeT సామర్థ్యాన్ని బలహీనపరుస్తుందని అనుకోవచ్చు. ఆపరేషన్ కెల్లర్ ఇంకా కొనసాగుతోంది, షోకల్ కెల్లర్ ప్రాంతంలో అదనపు ఉగ్రవాద ముప్పున తొలగించడానికి సైన్యం ఆపరేషన్ నిర్వహిస్తోంది. ఈ ఆపరేషన్ భారత భద్రతా బలగాల ఇంటెలిజెన్స్ సామర్థ్యం , ఉగ్రవాదంపై జీరో టాలరెన్స్ విధానాన్ని ప్రతిబింబిస్తుంది.
టాప్ హెడ్ లైన్స్
ట్రెండింగ్ వార్తలు
