Republic Day 2022: రిపబ్లిక్ డే వేడుకల్లో ఉగ్ర కుట్రకు ప్రణాళిక.. అప్రమత్తం చేసిన నిఘా వర్గాలు 

రిపబ్లిక్ డే నాడు.. ప్రధానమంత్రి నరేంద్ర మోడీ.. సహా ఇతర ప్రముఖులను లక్ష్యంగా చేసుకుని ఉగ్రవాదులు భారీ కుట్ర పన్నినట్టు ఇంటెలిజెన్స్ బ్యూరో.. ఢిల్లీ పోలీసులకు సమాచారం ఇచ్చింది. దీని ప్రకారం.. వీఐపీలను టార్గెట్ చేసే సూచనలు కనపిస్తున్నాయి. ఇంటెలిజెన్స్ వర్గాలు ఉగ్రవాదుల కుట్రకు సంబంధించి కేంద్ర ప్రభుత్వానికి సైతం.. కీలక సమాచారం ఇచ్చింది. దీంతో భద్రతాదళాలు అలర్ట్ అయ్యాయి.   

నిఘావర్గాల ప్రకారం.. నిషేధిత ఖలిస్థానీ సంస్థ సిక్ ఫర్ జస్టిస్ రిపబ్లిక్ డే రోజున ఉగ్రవాద దాడి చేసే ఆలోచనలో ఉన్నట్టు తెలుస్తోంది. అంతేకాదు.. లష్కరే తోయిబా, ది రెసిస్టెన్స్ ఫోర్స్, జైషే మహ్మద్, హర్కత్ ఉల్ ముజాహిదీన్, హిజ్బుల్ ముజాహిదీన్ వంటి టెర్రరిస్ట్ గ్రూపులు ఈ ఉగ్ర ముప్పు వెనుక ఉన్నట్టు సమాచారం. కార్లలో పేలుడు పదార్థలను పెట్టి.. ఇండియా గేట్ మరియు ఎర్రకోట చుట్టూ దాడి చేయవచ్చని కూడా నిఘా వర్గాలు చెబుతున్నాయి.

ఈ గణతంత్ర వేడుకలకు మధ్య ఆసియా దేశాలు.. కజకిస్థాన్, కిర్గిజ్‌స్థాన్, తజికిస్థాన్, తుర్క్మెనిస్థాన్, ఉజ్బెకిస్థాన్‌కు చెందిన నాయకులను ముఖ్య అతిథులుగా ఆహ్వానించే అవకాశం ఉంది. అయితే ఉగ్రవాదులు.. భారత ప్రతిష్టను దెబ్బ తీయాలని పథక రచన చేస్తున్నట్లు నిఘా వర్గాలు హెచ్చరించాయి.

ఉగ్రవాదులు పాకిస్థాన్ నుంచి పేలుడు పదార్థాలను భారత్‌కు తీసుకువచ్చినట్లు ఇంటెలిజెన్స్ బ్యూరో పేర్కొంది. అయితే.. పోలీసులు జనవరి 20 నుంచి ఢిల్లీని యాంటీ డ్రోన్ జోన్‌గా ప్రకటించారు. డ్రోన్లు, పారా గ్లైడర్లు, యూఏవీలు, చిన్న మైక్రో ఎయిర్‌క్రాఫ్ట్‌లు, ఎయిర్ బెలూన్లపై నిషేధం విధించారు. ఢిల్లీలో యాంటీ డ్రోన్ సిస్టమ్ ఫిబ్రవరి 15 వరకు అమల్లో ఉంటుందని ఢిల్లీ పోలీస్ కమిషనర్ రాకేష్ అస్థానా తెలిపారు. ఉగ్రకుట్ర సమాచారంతో భద్రతను పెంచారు. అనుమానితులను గుర్తించి వెంటనే చర్యలు తీసుకునేలా ప్రణాళిక చేశారు.

Also Read: Bengaluru Airport: తప్పిన పెను ప్రమాదం.. ఎదురెదురుగా ఢీ కొట్టబోయిన రెండు ఇండిగో విమానాలు!

Also Read: Budget 2022 Expectations: జై కిసాన్‌!! నగదు బదిలీ రూ.8000కు పెంపు! రైతులకు మోదీ వరాలు!!

Also Read: Pushpa Memes: ‘మాస్క్’ తీసేదేలే.. ‘పుష్ప’ పోస్టర్‌తో కేంద్రం వినూతన ప్రచారం.. ఇలా కూడా వాడేస్తారా!

Also Read: Aparna Yadav BJP: ములాయం సింగ్ దీవెనలతోనే భాజపాలో చేరాను: ABPతో అపర్ణా యాదవ్

Also Read: UP Election 2022: ఊ అన్న అఖిలేశ్ యాదవ్.. యూపీ ఎన్నికల బరిలో ఇక సమరమే!